ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਅਤੇ ਅਮਿਤਾਭ ਬੱਚਨ ਪਰਿਵਾਰ ਦੀ ਨੂੰਹ ਐਸ਼ਵਰਿਆ ਰਾਏ ਬੱਚਨ ਆਪਣੇ ਕਰੀਅਰ ਦੇ ਨਾਲ-ਨਾਲ ਇਕ ਚੰਗੀ ਮਾਂ ਅਤੇ ਇਕ ਚੰਗੀ ਨੂੰਹ ਦੇ ਰੂਪ ਵਿਚ ਜਾਣੀ ਜਾਂਦੀ ਹੈ। ਐਸ਼ਵਰਿਆ ਨੂੰ ਅਕਸਰ ਹੀ ਕਿਸੇ ਨਾ ਕਿਸੇ ਈਵੈਂਟ ਦਾ ਹਿੱਸਾ ਬਣਦੇ ਦੇਖਿਆ ਜਾਂਦਾ ਹੈ।
ਇਸੇ ਤਹਿਤ ਬੱਚਨ ਬਹੁ 'ਸਮਾਈਲ ਟਰੇਨ ਫਾਊਂਡੇਸ਼ਨ' 'ਚ ਪੁੱਜੀ ਜਿਥੇ ਉਹਨਾਂ ਨੇ ਸੰਸਥਾ ਦੇ ਮੈਂਬਰਾਂ ਨਾਲ ਗੱਲਬਾਤ ਕੀਤੀ ਅਤੇ ਇਸ ਦੌਰਾਨ ਉਹ ਕਾਫੀ ਭਾਵੁਕ ਹੋ ਗਈ। ਅਸਲ 'ਚ ਸਮਾਈਲ ਨਾਮ ਦੀ ਸੰਸਥਾ ਐਸ਼ਵਰਿਆ ਅਤੇ ਉਹਨਾਂ ਦੇ ਸਵਰਗਵਾਸੀ ਪਿਤਾ ਕ੍ਰਿਸ਼ਣਾਰਾਜ ਰਾਏ ਚਲਾਉਂਦੇ ਸਨ। ਜਿਥੇ ਬੱਚਿਆਂ ਦਾ ਮੁਫ਼ਤ ਇਲਾਜ ਕੀਤਾ ਜਾਂਦਾ ਹੈ ਪਰ ਸਾਲ ਮਗਰੋਂ ਵੀ ਐਸ਼ਵਰਿਆ ਆਪਣੇ ਪਿਤਾ ਦੀ ਮੌਤ ਨੂੰ ਭੁੱਲ ਨਹੀਂ ਸਕੀ ਅਤੇ ਜਦ ਕਦੇ ਵੀ ਉਹਨਾਂ ਦਾ ਜ਼ਿਕਰ ਹੁੰਦਾ ਹੈ ਤਾਂ ਐਸ਼ਵਰਿਆ ਭਾਵੁਕ ਹੋ ਜਾਂਦੀ ਹੈ। ਦੱਸਿਆ ਜਾਂਦਾ ਹੈ ਕਿ ਐਸ਼ਵਰਿਆ ਦਾ ਆਪਣੇ ਪਿਤਾ ਨਾਲ ਬਹੁਤ ਲਗਾਅ ਸੀ।