ਪੁਲਿਸ ਸਮਾਜ ਅਤੇ ਸਮਾਜ ਦੀਆਂ ਔਰਤਾਂ ਦੀ ਸੁਰੱਖਿਆ ਲਈ ਹਨ ਪਰ ਜੇਕਰ ਉਹੀ ਪੁਲਿਸ ਅਧਿਕਾਰੀ ਹੀ ਔਰਤਾਂ ਨੂੰ ਬੁਰੀ ਨਜ਼ਰ ਨਾਲ ਦੇਖਣ ਅਤੇ ਭੱਦੇ ਕੁਮੈਂਟ ਕਰਨ ਤਾਂ ਕੋਈ ਕੀ ਕਰੇ। ਜੀ ਹਾਂ ਪੁਲਿਸ ਦੇ ਭੱਦੇ ਕੁਮੈਂਟ ਦੀ ਸ਼ਿਕਾਰ ਹੋਈ ਹੈ ਜ਼ੀ ਦੇ ਮਸ਼ਹੂਰ ਟੀਵੀ ਪ੍ਰੋਗਰਾਮ 'ਕੁਮ ਕੁਮ ਭਾਗਿਆ' 'ਚ ਆਲੀਆ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਸ਼ਿਖਾ ਸਿੰਘ ਨੂੰ ਜਿਸ ਨੇ ਆਪਣੇ ਸੋਸ਼ਲ ਅਕਾਊਂਟ ਇੰਸਟਾਗ੍ਰਾਮ 'ਤੇ ਆਪਣੀ ਤਸਵੀਰ ਸਾਂਝੀ ਕੀਤੀ ਸੀ ਅਤੇ ਉਸ ਦੀ ਤਸਵੀਰ ਤੇ ਉਹਨਾਂ ਦੇ ਫੈਨਜ਼ ਦੇ ਕੁਮੈਂਟ ਆਉਣੇ ਸ਼ੁਰੂ ਹੋ ਗਏ ਇਹਨਾਂ ਸਾਰਿਆਂ ਦੇ ਵਿਚ ਇਕ ਕੁਮੈਂਟ ਕਾਫੀ ਹੈਰਾਨ ਕਰ ਦੇਣ ਵਾਲਾ ਸੀ, ਜਿਸ ਵਿਚ ਲਿਖਿਆ ਸੀ ਕਿ ਬਿਕਨੀ ਦੇ ਵਿਚ ਆਪਣੀਆਂ ਕੁਝ ਹੌਟ ਤਸਵੀਰਾਂ ਵੀ ਅਪਡੇਟ ਕਰੋ।
ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਕੁਮੈਂਟ ਕਿਸੇ ਮਨਚਲੇ ਨੇ ਨਹੀਂ ਬਲਕਿ ਪੁਲਿਸ ਅਫਸਰ ਨੇ ਕੀਤਾ ਸੀ। ਅਜਿਹੀ ਗੰਦੀ ਹਰਕਤ 'ਤੇ ਸ਼ਿਖਾ ਚੁੱਪ ਨਾ ਰਹੀ ਤੇ ਉਸ ਨੇ ਸੋਸ਼ਲ ਮੀਡੀਆ 'ਤੇ ਪੁਲਿਸ ਅਫਸਰ ਦੀ ਕਰਤੂਤ ਦਾ ਪਰਦਾਫਾਸ਼ ਕੀਤਾ।