ਮਾਇਆ ਨਗਰੀ ਮੁੰਬਈ 'ਚ ਸ਼ਨੀਵਾਰ ਰਾਤ ਜਿਥੇ 63ਵੇਂ ਫਿਲਮਫੇਅਰ ਐਵਾਰਡਜ਼ 'ਚ ਫੈਸ਼ਨ ਦਾ ਜਲਵਾ ਰਿਹਾ ਉਥੇ ਹੀ ਸਾਲ 2017 ਦੀਆਂ ਬਿਹਤਰੀਨ ਫਿਲਮਾਂ ਦੀ ਧੂਮ ਵੀ ਰਹੀ ਜਿਨਾਂ ਨੂੰ ਫਿਲਮਫੇਅਰ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਜਿਨਾ ਵਿਚ ਬਾਜ਼ੀ ਮਾਰਨ ਵਾਲੀ ਸੀ ਸਾਕੇਤ ਚੌਧਰੀ ਦੀ ਫਿਲਮ 'ਹਿੰਦੀ ਮੀਡੀਅਮ। 'ਹਿੰਦੀ ਮੀਡੀਅਮ' ਨੂੰ ਮਿਲਿਆ 2017 ਦੀ ਬੈਸਟ ਫਿਲਮ ਦਾ ਐਵਾਰਡ। ਨਾਲ ਹੀ ਫਿਲਮ 'ਚ ਅਹਿਮ ਭੂਮਿਕਾ ਨਿਭਾਅ ਰਹੇ ਅਦਾਕਾਰ ਇਰਫਾਨ ਖਾਨ ਨੂੰ ਬੈਸਟ ਐਕਟਰ ਦਾ ਐਵਾਰਡ ਦਿੱਤਾ ਗਿਆ।
ਇਸ ਦੇ ਨਾਲ ਹੀ ਬਾਲੀਵੁੱਡ ਦੀ ਸੁਲੂ ਯਾਨੀ ਵਿਦਿਆ ਬਾਲਨ ਨੂੰ ਫਿਲਮ 'ਤੁਮਹਾਰੀ ਸੁਲੂ' ਲਈ ਬੈਸਟ ਐਕਟਰੈਸ ਦੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਅਮਿਤ ਮਸੂਰਕਰ ਫਿਲਮ 'ਨਿਊਟਨ' ਨੂੰ ਕ੍ਰਿਟਿਕਸ ਐਵਾਰਡ ਫਾਰ ਬੈਸਟ ਫਿਲਮ ਦਿੱਤਾ ਗਿਆ। ਰਾਜਕੁਮਾਰ ਰਾਓ ਨੂੰ ਬਿਹਤਰੀਨ ਅਦਾਕਾਰੀ ਕਰਕੇ ਸਰਵਸ਼੍ਰੇਠ ਅਭਿਨੇਤਾ ਦਾ ਪੁਰਸਕਾਰ ਦਿੱਤਾ।
ਆਮਿਰ ਖਾਨ ਦੀ ਫਿਲਮ 'ਸੀਕ੍ਰੇਟ ਸੁਪਰਸਟਾਰ' 'ਚ ਅਹਿਮ ਭੂਮਿਕਾ ਨਿਭਾਅ ਚੁੱਕੀ ਅਭਿਨੇਤਰੀ ਜ਼ਾਇਰਾ ਵਸੀਮ ਨੂੰ ਬੈਸਟ ਅਭਿਨੇਤਰੀ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਕੋਂਕਣਾ ਸੇਨ ਸ਼ਰਮਾ ਨੂੰ "ਅ ਡੈੱਥ ਇੰਨ ਦਿ ਗੂੰਜ" ਦੇ ਲਈ ਬੈਸਟ ਡੈਬਿਊ ਡਾਇਰੈਕਟਰ ਦੇ ਤੌਰ ਸਨਮਾਨਿਤ ਕੀਤਾ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ 63 ਵੇਂ ਫਿਲਮਫੇਅਰ ਵਿਚ ਬਾਲੀਵੁੱਡ ਸਿਤਾਰਿਆਂ ਨੇ ਆਪਣੇ ਫੈਸ਼ਨ ਅਤੇ ਸਟਾਈਲ ਦੇ ਜਲਵੇ ਦਿਖਾਉਣ 'ਚ ਕੀਤੇ ਕੋਈ ਵੀ ਕਸਰ ਨਹੀਂ ਛੱਡੀ।