Fact Check: ਨਹੀਂ, ਤਾਜ ਹੋਟਲ ਵੈਲਨਟਾਈਨ ਵੀਕ 'ਤੇ ਨਹੀਂ ਦੇ ਰਿਹਾ ਹੈ ਮੁਫ਼ਤ ਰਹਿਣ ਦੀ ਸਹੂਲਤ

No, Taj is not offering free stay for Valentine's Day

ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ): ਵਟਸਐਪ  'ਤੇ ਤਾਜ ਹੋਟਲ ਦੇ ਨਾਂ ਤੋਂ ਇੱਕ ਮੈਸੇਜ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਮੈਸੇਜ ਜ਼ਰੀਏ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਆਉਣ ਵਾਲੇ ਵੈਲਨਟਾਈਨ ਹਫ਼ਤੇ ਕਾਰਨ ਤਾਜ ਹੋਟਲ ਜੋੜੀਆਂ ਨੂੰ ਮੁਫ਼਼ਤ ਰਹਿਣ ਦੀ ਸਹੂਲਤ ਦੇ ਰਿਹਾ ਹੈ।

ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ ਹੈ। ਤਾਜ ਹੋਟਲ ਦੇ ਨਾਂ ਤੋਂ ਵਾਇਰਲ ਹੋ ਰਿਹਾ ਮੈਸੇਜ ਫਰਜ਼ੀ ਹੈ। ਇਸ ਸਬੰਧੀ ਤਾਜ ਹੋਟਲ ਵੱਲੋਂ ਵੀ ਸਪੱਸ਼ਟੀਕਰਨ ਦਿੱਤਾ ਗਿਆ ਹੈ। ਇਹ ਮੈਸੇਜ ਇਕ ਫਿਸ਼ਿੰਗ ਸਪੈਮ ਹੈ ਜਿਸ ਕਾਰਨ ਲੋਕਾਂ ਨਾਲ ਠੱਗੀ ਵੀ ਹੋ ਸਕਦੀ ਹੈ।

ਵਾਇਰਲ ਮੈਸੇਜ ਕੀ ਹੈ?

ਤਾਜ ਹੋਟਲ ਦੇ ਨਾਂ ਤੋਂ ਵਾਇਰਲ ਮੈਸੇਜ ਜ਼ਰੀਏ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਆਉਣ ਵਾਲੇ ਵੈਲਨਟਾਈਨ ਹਫ਼ਤੇ ਮੌਕੇ ਤਾਜ ਹੋਟਲ ਜੋੜੀਆਂ ਨੂੰ ਮੁਫ਼ਤ ਰੁਕਣ ਦੀ ਸਹੂਲਤ। ਇਸ ਮੈਸੇਜ ਦੇ ਸਕਰੀਨਸ਼ਾਟ ਨੂੰ ਹੇਠਾਂ ਦੇਖਿਆ ਜਾ ਸਕਦਾ ਹੈ।

ਪੜਤਾਲ

ਤਾਜ ਹੋਟਲ ਇਕ ਵੱਡਾ ਅਤੇ ਮਸਹੂਰ ਬਰਾਂਡ ਹੈ। ਇਸ ਲਈ ਅਸੀਂ ਸ਼ੁਰੂਆਤੀ ਪੜਤਾਲ ਵਿਚ ਇਸ ਸਬੰਧੀ ਖ਼ਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। ਸਾਨੂੰ ਅਜਿਹੀ ਕੋਈ ਖ਼ਬਰ ਨਹੀਂ ਮਿਲੀ, ਜਿਸ ਵਿਚ ਅਜਿਹਾ ਦਾਅਵਾ ਕੀਤਾ ਗਿਆ ਹੋਵੇ ਜਾਂ ਤਾਜ ਨੇ ਅਜਿਹਾ ਕੋਈ ਆਫਰ ਕੱਢਿਆ ਹੋਵੇ। ਅਜਿਹੀਆਂ ਖ਼ਬਰਾਂ ਅਤੇ ਫੇਸਬੁੱਕ ਪੋਸਟ ਜ਼ਰੂਰ ਮਿਲੇ, ਜਿਨ੍ਹਾਂ ਵਿਚ ਵਾਇਰਲ ਮੈਸੇਜ ਨੂੰ ਫਰਜ਼ੀ ਦੱਸਿਆ ਸੀ।

ਹੁਣ ਅਸੀਂ ਤਾਜ ਹੋਟਲ ਦੇ ਅਧਿਕਾਰਿਕ ਟਵਿਟਰ ਹੈਂਡਲ ਵੱਲ ਰੁਖ ਕੀਤਾ। ਸਾਨੂੰ 30 ਜਨਵਰੀ 2021 ਨੂੰ ਕੀਤਾ ਗਿਆ ਇੱਕ ਟਵੀਟ ਮਿਲਿਆ। ਇਸ ਵਿਚ ਵਾਇਰਲ ਮੈਸੇਜ ਸਬੰਧੀ ਸਪੱਸ਼ਟੀਕਰਣ ਦਿੱਤਾ ਗਿਆ ਸੀ।

ਇਸ ਟਵੀਟ ਵਿਚ ਲਿਖਿਆ ਗਿਆ ਸੀ, "It has come to our notice that a website has been promoting a Valentine’s Day initiative, offering a Taj Experiences Gift Card via WhatsApp. We would like to inform that Taj Hotels/IHCL has not offered any such promotion. We request to take note of this and exercise due caution."

(ਟਵੀਟ ਦਾ ਪੰਜਾਬੀ ਅਨੁਵਾਦ- ਸਾਡੇ ਧਿਆਨ ਵਿਚ ਆਇਆ ਕਿ ਇਕ ਵੈੱਬਸਾਈਟ ਤਾਜ ਹੋਟਲ ਦੇ ਨਾਂ ਤੋਂ ਵੈਲਨਟਾਈਨ ਡੇਅ ਦੀ ਪਹਿਲਕਦਮੀ ਪੇਸ਼ ਕਰ ਰਹੀ ਹੈ ਜਿਸ ਵਿਚ ਤਾਜ ਹੋਟਲ ਦੇ ਨਾਂ ਤੋਂ ਗਿਫਟ ਕਾਰਡ ਦੇਣ ਦੀ ਗੱਲ ਕੀਤੀ ਜਾ ਰਹੀ ਹੈ। ਅਸੀਂ ਦੱਸਣਾ ਚਾਹੁੰਦੇ ਹਾਂ ਕਿ ਤਾਜ ਹੋਟਲ/ਆਈਐਚਸੀਐਲ ਨੇ ਅਜਿਹੀ ਕੋਈ ਪੇਸ਼ਕਸ਼ ਨਹੀਂ ਕੀਤੀ ਹੈ। ਅਸੀਂ ਬੇਨਤੀ ਕਰਦੇ ਹਾਂ ਕਿ ਇਸ ਮੈਸੇਜ ਵੱਲ ਧਿਆਨ ਨਾ ਦਿੱਤਾ ਜਾਵੇ ਅਤੇ ਸਾਵਧਾਨ ਵਰਤੀ ਜਾਵੇ।)

ਇਸ ਟਵੀਟ ਨੂੰ ਹੇਠਾਂ ਦੇਖਿਆ ਜਾ ਸਕਦਾ ਹੈ।

 

 

ਨਤੀਜਾ: ਸਾਡੀ ਪੜਤਾਲ ਵਿਚ ਵਾਇਰਲ ਮੈਸੇਜ ਫਰਜ਼ੀ ਸਾਬਿਤ ਹੋਇਆ ਹੈ। ਤਾਜ ਹੋਟਲ ਦੇ ਨਾਂ ਤੋਂ ਵਾਇਰਲ ਹੋ ਰਿਹਾ ਮੈਸੇਜ ਫਰਜ਼ੀ ਹੈ। ਹੋਟਲ ਨੇ ਇਸ ਨੂੰ ਲੈ ਕੇ ਸਪੱਸ਼ਟੀਕਰਨ ਦਿੱਤਾ ਹੈ। ਇਹ ਮੈਸੇਜ ਇਕ ਫਿਸ਼ਿੰਗ ਸਪੈਮ ਹੈ, ਜਿਸ ਕਾਰਨ ਲੋਕਾਂ ਨਾਲ ਠੱਗੀ ਵੀ ਹੋ ਸਕਦੀ ਹੈ।

Claim: ਵੈਲਨਟਾਈਨ ਹਫਤੇ ਮੌਕੇ ਤਾਜ ਹੋਟਲ ਜੋੜੀਆਂ ਨੂੰ ਮੁਫ਼਼ਤ ਰਹਿਣ ਦੀ ਸਹੂਲਤ ਦੇ ਰਿਹਾ ਹੈ

Claim By: ਵਾਇਰਲ ਵਟਸਐਪ ਮੈਸੇਜ

Fact Check: ਫਰਜ਼ੀ