ਖੇਤੀ ਕਾਨੂੰਨਾਂ ਦੀ ਵਾਪਸੀ, ਨਹੀਂ ਮਿਲਿਆ ਸਹੀ ਮੁੱਲ... ਕਿਸਾਨਾਂ ਨੇ ਸੁੱਟੇ ਟਮਾਟਰ? ਜਾਣੋ ਅਸਲ ਸੱਚ

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭਤੋਂ ਪਹਿਲਾਂ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਕਿਉਂਕਿ ਵੀਡੀਓ Asia Net News ਦਾ ਹੈ, ਇਸਲਈ ਅਸੀਂ ਕੀਵਰਡ ਸਰਚ ਜਰੀਏ ਅਸਲ ਵੀਡੀਓ ਨੂੰ ਲੱਭਣਾ ਸ਼ੁਰੂ ਕੀਤਾ।

ਸਾਨੂੰ ਅਸਲ ਬੁਲੇਟਿਨ Asianet News ਦੇ Youtube ਅਕਾਊਂਟ 'ਤੇ 15 ਮਈ 2021 ਦਾ ਅਪਲੋਡ ਮਿਲਿਆ। ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਉਨ੍ਹਾਂ ਨੇ ਮਲਿਆਲਮ ਭਾਸ਼ਾ ਵਿਚ ਸਿਰਲੇਖ ਦਿੱਤਾ, "ലോക്ക് ഡൗൺ: കർണാടകത്തിലെ തക്കാളി കർഷകർ ദുരിതത്തിൽ|" (ਪੰਜਾਬੀ ਅਨੁਵਾਦ: ਲਾਕਡਾਊਨ: ਕਰਨਾਟਕ 'ਚ ਟਮਾਟਰਾਂ ਦੇ ਸਹੀ ਮੁੱਲ ਨਾ ਮਿਲਣ 'ਤੇ ਕਿਸਾਨ ਪ੍ਰੇਸ਼ਾਨ"

ਇਸ ਬੁਲੇਟਿਨ ਤੋਂ ਇਹ ਸਾਫ ਹੋਇਆ ਕਿ ਵੀਡੀਓ ਹਾਲੀਆ ਨਹੀਂ ਬਲਕਿ ਮਈ ਦਾ ਹੈ ਅਤੇ ਕਰਨਾਟਕ ਦਾ ਹੈ।

ਅੱਗੇ ਵਧਦੇ ਹੋਏ ਅਸੀਂ ਮਾਮਲੇ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। www.ibtimes.co.in ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਆਪਣੀ ਖਬਰ ਵਿਚ ਦੱਸਿਆ ਕਿ ਮਾਮਲਾ ਕਰਨਾਟਕ ਦੇ ਕੋਰਾਲ ਦਾ ਹੈ ਜਿਥੇ ਕਿਸਾਨਾਂ ਨੂੰ ਟਮਾਟਰਾਂ ਦਾ ਸਹੀ ਮੁੱਲ ਨਹੀਂ ਦਿੱਤਾ ਜਾ ਰਿਹਾ ਸੀ ਜਿਸਤੋਂ ਤੰਗ ਆ ਕੇ ਕਿਸਾਨਾਂ ਨੇ ਟਮਾਟਰਾਂ ਨੂੰ ਸੜਕਾਂ 'ਤੇ ਸੁੱਟ ਦਿੱਤਾ। ਖਬਰ ਅਨੁਸਾਰ ਕਿਸਾਨਾਂ ਨੂੰ 15 ਕਿਲੋ ਦੇ ਕ੍ਰੇਟ ਅਨੁਸਾਰ 2 ਰੁਪਏ ਪ੍ਰਤੀ ਕਿਲੋ ਟਮਾਟਰਾਂ ਦਾ ਰੇਟ ਦਿੱਤਾ ਜਾ ਰਿਹਾ ਸੀ ਜਿਸਦੇ ਕਰਕੇ ਕਿਸਾਨ ਨਾਖੁਸ਼ ਸਨ। 

IB Times ਦੀ ਇਹ ਖਬਰ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।

ਮਤਲਬ ਸਾਫ ਸੀ ਕਿ ਪੁਰਾਣੇ ਵੀਡੀਓ ਨੂੰ ਗੁੰਮਰਾਹਕੁਨ ਦਾਅਵੇ ਨਾਲ ਸ਼ੇਅਰ ਕੀਤਾ ਜਾ ਰਿਹਾ ਹੈ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਵੀਡੀਓ ਹਾਲੀਆ ਨਹੀਂ ਬਲਕਿ ਮਈ 2021 ਦਾ ਹੈ। ਵੀਡੀਓ ਖੇਤੀ ਕਾਨੂੰਨਾਂ ਦੀ ਵਾਪਸੀ ਤੋਂ ਬਾਅਦ ਦਾ ਨਹੀਂ ਹੈ।

Claim- Video of South Indian Farmers Dumping Tomatoes shared as recent
Claimed By- FB User Somendra Jain
Fact Check- Misleading