Fact Check: ਕਾਂਗਰਸ ਵਰਕਰਾਂ ਨੇ ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ ਨਹੀਂ ਖੁਆਇਆ ਕੇਕ, ਤਸਵੀਰ ਐਡੀਟਡ
ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ। ਵਾਇਰਲ ਤਸਵੀਰ ਐਡੀਟਡ ਹੈ।
ਰੋਜ਼ਾਨਾ ਸਪੋਕਸਮੈਨ (ਮੋਹਾਲੀ ਟੀਮ): ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਕੁਝ ਲੋਕਾਂ ਨੂੰ ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ ਕੇਕ ਖਵਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਿਸਾਨੀ ਸੰਘਰਸ਼ ਨੂੰ ਸਮਰਥਨ ਦੇਣ ਤੋਂ ਬਾਅਦ ਖੁਸ਼ ਹੋਏ ਕਾਂਗਰਸ ਵਰਕਰਾਂ ਨੇ ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ ਕੇਕ ਖੁਆ ਕੇ ਖੁਸ਼ੀ ਮਨਾਈ।
ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ। ਵਾਇਰਲ ਤਸਵੀਰ ਐਡੀਟਡ ਹੈ। ਅਸਲ ਤਸਵੀਰ ਵਿਚ ਕਾਂਗਰਸ ਵਰਕਰ ਰਾਹੁਲ ਗਾਂਧੀ ਦੀ ਤਸਵੀਰ ਨੂੰ ਕੇਕ ਖੁਆ ਰਹੇ ਸੀ ਨਾ ਕਿ ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ।
ਵਾਇਰਲ ਦਾਅਵਾ
ਟਵਿਟਰ ਯੂਜ਼ਰ Raj Aanand Singh ਨੇ ਵਾਇਰਲ ਤਸਵੀਰ ਅਪਲੋਡ ਕਰਦੇ ਹੋਏ ਲਿਖਿਆ, "@miakhalifa खालिस्तान आंदोलन के समर्थन मे किए ट्वीट के बाद कॉंग्रसी चमचे खुशी मनाते हुए वो भी देश के सबसे शिक्षित राज्य केरल मे. इन चमचों को विदेशी नाचने और अंग प्रदर्शन करने वालीं ही क्यू पसंद आता है ????देशी @ReallySwara को कोई पूछ ही नहीं रहा इस बार और @khanumarfa खैर छोड़ों ????"
ਵਾਇਰਲ ਪੋਸਟ ਦਾ ਆਰਕਾਇਵਡ ਲਿੰਕ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭ ਤੋਂ ਪਹਿਲਾਂ ਵਾਇਰਲ ਤਸਵੀਰ ਨੂੰ ਧਿਆਨ ਨਾਲ ਦੇਖਿਆ। ਇਸ ਤਸਵੀਰ ਵਿਚ ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ ਕੁਝ ਲੋਕ ਕੇਕ ਖਵਾ ਰਹੇ ਹਨ ਅਤੇ ਤਸਵੀਰ ਉੱਤੇ ਕਾਂਗਰਸ ਦਾ ਚੋਣ ਨਿਸ਼ਾਨ ਹੱਥ ਵੀ ਦੇਖਿਆ ਜਾ ਸਕਦਾ ਹੈ।
ਹੁਣ ਅਸੀਂ ਅੱਗੇ ਵਧਦੇ ਹੋਏ ਵਾਇਰਲ ਤਸਵੀਰ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰਕੇ ਸਰਚ ਕੀਤਾ। ਸਰਚ ਦੇ ਨਤੀਜਿਆਂ ਤੋਂ ਇਹ ਸਾਫ ਹੋ ਗਿਆ ਕਿ ਵਾਇਰਲ ਤਸਵੀਰ ਐਡੀਟਡ ਹੈ। ਅਸਲ ਤਸਵੀਰ Getty Images ਨਾਂਅ ਦੀ ਸਾਈਟ 'ਤੇ ਅਪਲੋਡ ਮਿਲੀ ਅਤੇ ਅਸਲ ਤਸਵੀਰ ਵਿਚ ਯੂਥ ਕਾਂਗਰਸ ਦੇ ਵਰਕਰ ਰਾਹੁਲ ਗਾਂਧੀ ਦੀ ਤਸਵੀਰ ਨੂੰ ਕੇਕ ਖਵਾ ਰਹੇ ਸੀ।
ਗੇਟੀ ਇਮੇਜਸ ਨੇ ਅਸਲ ਤਸਵੀਰ ਨੂੰ ਅਪਲੋਡ ਕਰਦੇ ਹੋਏ ਲਿਖਿਆ, "New Delhi, INDIA: Indian Youth Congress supporters cut a huge birthday cake during celebrations for the 37th birthday of Rahul Gandhi, leader of the youth wing of the Congress Party, in front of Congress Party President Sonia Gandhi's residence in New Delhi, 19 June 2007. Indian Youth Congress supporters organised the birthday celebrations for Rahul Gandhi, Congress Party member of parliament (MP) and son of the Congress-led UPA government chairperson Sonia Gandhi. AFP PHOTO/RAVEENDRAN (Photo credit should read RAVEENDRAN/AFP via Getty Images)"
ਵਾਇਰਲ ਤਸਵੀਰ ਅਤੇ ਅਸਲ ਤਸਵੀਰ ਦੇ ਕੋਲਾਜ ਨੂੰ ਹੇਠਾਂ ਦੇਖਿਆ ਜਾ ਸਕਦਾ ਹੈ।
ਨਤੀਜਾ: ਸਪੋਕਸਮੈਨ ਨੇ ਅਪਣੀ ਪੜਤਾਲ ਵਿਚ ਵਾਇਰਲ ਦਾਅਵਾ ਫਰਜ਼ੀ ਪਾਇਆ ਹੈ। ਵਾਇਰਲ ਤਸਵੀਰ ਐਡੀਟਡ ਹੈ। ਅਸਲ ਤਸਵੀਰ ਵਿਚ ਕਾਂਗਰਸ ਵਰਕਰ ਰਾਹੁਲ ਗਾਂਧੀ ਦੀ ਤਸਵੀਰ ਨੂੰ ਕੇਕ ਖਵਾ ਰਹੇ ਸੀ।
Claim: ਮੀਆ ਖ਼ਲੀਫ਼ਾ ਦੀ ਤਸਵੀਰ ਨੂੰ ਕੇਕ ਖਵਾ ਰਹੇ ਕਾਂਗਰਸ ਵਰਕਰ
Claim By: Raj Aanand Singh
Fact Check: ਫਰਜ਼ੀ