Fact Check: ਇਹ ਵੀਡੀਓ ਜਨਰਲ ਬਿਪਿਨ ਰਾਵਤ ਹੈਲੀਕਾਪਟਰ ਹਾਦਸੇ ਦਾ ਨਹੀਂ ਹੈ 

Fact Check Old video of syrian helicopter shot down shared as CDS General Bipin Rawat Helicopter Crash

RSFC (Team Mohali)- 8 ਦਿਸੰਬਰ 2021 ਦੀ ਸਵੇਰ ਇੱਕ ਦਰਦਨਾਕ ਹਾਦਸੇ ਨਾਲ ਹੋਈ। ਇਹ ਖਬਰ ਦੇਸ਼ ਦੇ CDS ਜਨਰਲ ਬਿਪਿਨ ਰਾਵਤ ਦੇ ਹੈਲੀਕਾਪਟਰ ਹਾਦਸੇ ਦੀ ਸੀ। ਇਸ ਹਾਦਸੇ ਨੂੰ ਲੈ ਕੇ ਸ਼ਾਮ ਹੁੰਦੇ ਤੱਕ ਪੁਸ਼ਟੀ ਹੋਈ ਕਿ ਜਨਰਲ ਬਿਪਿਨ ਰਾਵਤ ਅਤੇ ਉਨ੍ਹਾਂ ਦੀ ਪਤਨੀ ਸਣੇ 11 ਲੋਕਾਂ ਦੀ ਮੌਤ ਹੋ ਗਈ। ਹੁਣ ਇਸ ਹਾਦਸੇ ਨੂੰ ਲੈ ਕੇ ਇੱਕ ਵੀਡੀਓ ਵਾਇਰਲ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ਵਿਚ ਹਵਾ ਵਿਚ ਉੱਡ ਰਹੇ ਹੈਲੀਕਾਪਟਰ 'ਚ ਅੱਗ ਲੱਗਦੇ ਅਤੇ ਉਸਨੂੰ ਕ੍ਰੈਸ਼ ਹੁੰਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵੀਡੀਓ ਬਿਪਿਨ ਰਾਵਤ ਦੇ ਹੇਲੀਕੋਪਟਰ ਹਾਦਸੇ ਦਾ ਹੈ।

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਹਾਦਸੇ ਦਾ ਨਹੀਂ ਹੈ। ਇਹ ਵੀਡੀਓ ਸੀਰੀਆ ਹਵਾਈ ਸੈਨਾ ਦੇ ਹੈਲੀਕਾਪਟਰ ਨੂੰ ਗਿਰਾਏ ਜਾਣ ਦਾ ਪੁਰਾਣਾ ਵੀਡੀਓ ਹੈ। ਹੁਣ ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਲੋਕਾਂ ਵਿਚ ਗਲਤ ਜਾਣਕਾਰੀ ਫੈਲਾਈ ਜਾ ਰਹੀ ਹੈ। 

ਵਾਇਰਲ ਪੋਸਟ

ਫੇਸਬੁੱਕ ਪੇਜ "Times Media 24" ਨੇ ਵਾਇਰਲ ਵੀਡੀਓਜ਼ ਸ਼ੇਅਰ ਕਰਦਿਆਂ ਲਿਖਿਆ, "Bipin Rawat Helicopter Crashed In Tamil Nadu Video."

ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।