Fact Check: Covishield Vaccinated ਲਾੜੇ ਦੀ ਲੋੜ ? ਫਰਜੀ Newspaper Cutting ਵਾਇਰਲ
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਨਿਊਜ਼ਪੇਪਰ ਕਟਿੰਗ ਆਨਲਾਈਨ ਵੈੱਬਸਾਈਟ ਦੀ ਮਦਦ ਤੋਂ ਬਣਾਈ ਗਈ ਹੈ ਜਿਸਨੂੰ ਹੁਣ ਲੋਕ ਸੱਚ ਸਮਝ ਕੇ ਸ਼ੇਅਰ ਕਰ ਰਹੇ ਹਨ।
ਰੋਜ਼ਾਨਾ ਸਪੋਕਸਮੈਨ (ਟੀਮ ਫੈਕਟ ਚੈੱਕ): ਸੋਸ਼ਲ ਮੀਡੀਆ 'ਤੇ ਇੱਕ ਨਿਊਜ਼ਪੇਪਰ ਕਟਿੰਗ ਵਾਇਰਲ ਹੋ ਰਹੀ ਹੈ ਜਿਸਦੇ ਵਿਚ ਇੱਕ ਕੁੜੀ ਦੇ ਰਿਸ਼ਤੇ ਨੂੰ ਲੈ ਕੇ ਇਸ਼ਤਿਹਾਰ ਦਿੱਤਾ ਗਿਆ ਹੈ। ਇਸ ਇਸਤਿਹਾਰ ਦੀ ਖਾਸ ਅਤੇ ਅਜੀਬ ਗੱਲ ਇਹ ਹੈ ਕਿ ਕੁੜੀ ਲਈ ਕੋਵੀਸ਼ੀਲਡ ਵੈਕਸੀਨੇਟਡ ਲਾੜੇ ਦੀ ਲੋੜ ਹੈ। ਹੁਣ ਸੋਸ਼ਲ ਮੀਡੀਆ 'ਤੇ ਇਸ ਕਟਿੰਗ ਨੂੰ ਸਿਆਸੀ ਲੀਡਰਾਂ ਨੇ ਸ਼ੇਅਰ ਕੀਤਾ ਅਤੇ ਲੀਡਰਾਂ ਨੇ ਇਹਨਾਂ ਚੀਜ਼ਾਂ ਨੂੰ ਭਾਰਤ ਦਾ ਭਵਿਖ ਦੱਸਕੇ ਸ਼ੇਅਰ ਕੀਤਾ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਨਿਊਜ਼ਪੇਪਰ ਕਟਿੰਗ ਆਨਲਾਈਨ ਵੈੱਬਸਾਈਟ ਦੀ ਮਦਦ ਤੋਂ ਬਣਾਈ ਗਈ ਹੈ ਜਿਸਨੂੰ ਹੁਣ ਲੋਕ ਸੱਚ ਸਮਝ ਕੇ ਸ਼ੇਅਰ ਕਰ ਰਹੇ ਹਨ।
ਸ਼ਸ਼ੀ ਥਰੂਰ ਸਣੇ ਕਈ ਲੋਕਾਂ ਨੇ ਸ਼ੇਅਰ ਕੀਤੀ ਇਹ ਕਟਿੰਗ
8 ਜੂਨ ਨੂੰ ਕਾਂਗਰਸ ਦੇ ਸੀਨੀਅਰ ਆਗੂ Shashi Tharoor ਨੇ ਇਹ ਕਟਿੰਗ ਸ਼ੇਅਰ ਕਰਦਿਆਂ ਲਿਖਿਆ, "Vaccinated bride seeks vaccinated groom! No doubt the preferred marriage gift will be a booster shot!? Is this going to be our New Normal?"
ਇਸੇ ਤਰ੍ਹਾਂ ਭਾਜਪਾ ਆਗੂ Malavika Avinash ਨੇ ਇਹ ਕਟਿੰਗ ਸ਼ੇਅਰ ਕਰਦਿਆਂ ਲਿਖਿਆ, "Kya baat! The wonder that is Bharat! Smiling face with smiling eyes"
"ਇਹ ਕਟਿੰਗ ਆਨਲਾਈਨ ਵੈੱਬਸਾਈਟ ਜਰੀਏ ਬਣਾਈ ਗਈ ਹੈ"
Fodey.com ਨਾਂਅ ਦੀ ਵੈੱਬਸਾਈਟ ਤੋਂ ਇਹ ਫਰਜੀ ਕਟਿੰਗ ਬਣਾਈ ਗਈ ਹੈ। ਹੇਠਾਂ ਸਾਡੇ ਵੱਲੋਂ ਬਣਾਏ ਗਏ Demonstration Clip ਨੂੰ ਅਤੇ ਵਾਇਰਲ ਕਟਿੰਗ ਦੇ ਕੋਲਾਜ ਨੂੰ ਵੇਖਿਆ ਜਾ ਸਕਦਾ ਹੈ।
ਹੇਠਾਂ ਤੁਸੀਂ ਵੈੱਬਸਾਈਟ ਦੇ ਸਕ੍ਰੀਨਸ਼ਾਟ ਨੂੰ ਵੇਖ ਸਕਦੇ ਹੋ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਨਿਊਜ਼ਪੇਪਰ ਕਟਿੰਗ ਆਨਲਾਈਨ ਵੈੱਬਸਾਈਟ ਦੀ ਮਦਦ ਤੋਂ ਬਣਾਈ ਗਈ ਹੈ ਜਿਸਨੂੰ ਹੁਣ ਲੋਕ ਸੱਚ ਸਮਝ ਕੇ ਸ਼ੇਅਰ ਕਰ ਰਹੇ ਹਨ।
Claim- Need covishield vaccinated groom.
Claimed By- Several Social Media Users
Fact Check- Fake