Fact Check: ਗੁਜਰਾਤ 'ਚ ਭਗਵੰਤ ਮਾਨ ਦੀ ਦਿੱਤੀ ਸਪੀਚ ਦੇ ਵੀਡੀਓ ਦੇ ਇੱਕ ਅਧੂਰੇ ਭਾਗ ਨੂੰ ਫਰਜ਼ੀ ਦਾਅਵੇ ਨਾਲ ਕੀਤਾ ਜਾ ਰਿਹਾ ਵਾਇਰਲ 

Fact Check Cropped clip of Speech of Punjab CM Bhagwant Mann In Gujarat Shared with fake claim

RSFC (Team Mohali)- ਸੋਸ਼ਲ ਮੀਡੀਆ 'ਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਇੱਕ ਵੀਡੀਓ ਕਲਿਪ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਕਲਿਪ ਵਿਚ ਉਨ੍ਹਾਂ ਨੂੰ ਬੋਲਦੇ ਸੁਣਿਆ ਜਾ ਸਕਦਾ ਹੈ ਕਿ ਸਭ ਕੁਝ ਸਰਕਾਰ ਨੇ ਵੇਚ ਦਿੱਤਾ ਬੱਸ ਮੀਡੀਆ ਖਰੀਦ ਲਿਆ। ਹੁਣ ਯੂਜ਼ਰਸ ਦਾਅਵਾ ਕਰ ਰਹੇ ਹਨ ਕਿ ਭਗਵੰਤ ਮਾਨ ਆਪਣੀ ਸਰਕਾਰ ਬਾਰੇ ਇਹ ਗੱਲ ਕਰ ਰਹੇ ਹਨ। 

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਅਸਲ ਵੀਡੀਓ ਦਾ ਇੱਕ ਅਧੂਰਾ ਭਾਗ ਹੈ ਜਿਸਨੂੰ ਹੁਣ ਫਰਜ਼ੀ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ। 

ਵਾਇਰਲ ਪੋਸਟ

ਫੇਸਬੁੱਕ ਪੇਜ "Dhongi AAP" ਨੇ 11 ਅਕਤੂਬਰ 2022 ਨੂੰ ਵਾਇਰਲ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਲਿਖਿਆ, "ਚੰਡੀਗੜ੍ਹ ਵੀ ਵੇਚਤਾ, ਪੰਜਾਬ ਦੇ ਪਾਣੀ ਵੀ ਵੇਚਤੇ, ਬੇਰੁਜ਼ਗਾਰਾਂ ਦੇ ਹਿੱਸੇ ਦੀਆਂ ਨੌਕਰੀਆਂ ਵੀ ਵੇਚਦਿੱਤੀਆਂ, ਰੇਤੇ ਦੀਆਂ ਖੱਡਾਂ ਵੇਚਤੀਆਂ, ਆਵਕਾਰੀ ਵਿਭਾਗ ਦਿੱਲੀ ਵਾਲਿਆਂ ਨੂੰ ਵੇਚਤਾ ਅਤੇ ਖਰੀਦੀ ਸਿਰਫ਼ ਇੱਕੋ ਚੀਜ਼ ਆ ਉਹ ਭਗਵੰਤ ਮਾਨ ਕੋਲੋ ਈ ਸੁਣ ਲਓ ਕੀ"

ਇਸ ਪੋਸਟ ਨੂੰ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਸੁਣਿਆ। ਇਸ ਵੀਡੀਓ ਵਿਚ ਭਗਵੰਤ ਮਾਨ ਨੂੰ ਬੋਲਦੇ ਸੁਣਿਆ ਜਾ ਸਕਦਾ ਹੈ, "ਸਭ ਕੁਝ ਵੇਚ ਆਏ ਪਰ ਖਰੀਦੀ ਸਿਰਫ ਇੱਕ ਚੀਜ਼ ਹੈ ਮੀਡੀਆ"

ਅੱਗੇ ਵਧਦਿਆਂ ਅਸੀਂ ਇਸ ਸਪੀਚ ਨੂੰ ਆਮ ਆਦਮੀ ਪਾਰਟੀ ਅਤੇ ਭਗਵੰਤ ਮਾਨ ਦੇ ਅਧਿਕਾਰਿਕ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਲੱਭਣਾ ਸ਼ੁਰੂ ਕੀਤਾ। ਸਾਨੂੰ ਅਸਲ ਵੀਡੀਓ ਭਗਵੰਤ ਮਾਨ ਦੇ ਫੇਸਬੁੱਕ ਪੇਜ ਤੋਂ 9 ਅਕਤੂਬਰ 2022 ਨੂੰ ਸ਼ੇਅਰ ਕੀਤਾ ਮਿਲਿਆ। 

ਵੀਡੀਓ ਸ਼ੇਅਰ ਕਰਦਿਆਂ ਮਾਨ ਨੇ ਲਿਖਿਆ ਸੀ, "27 ਸਾਲਾਂ ਤੋਂ BJP ਦੇ ਤਸ਼ਦੱਦ ਦਾ ਸ਼ਿਕਾਰ ਹੋ ਰਹੇ ਗੁਜਰਾਤੀ ਪਰਿਵਰਤਨ ਲਈ ਤਿਆਰ ਨੇ…ਗੁਜਰਾਤ ਦੀ ਰਾਜਨੀਤਕ ਗੰਦਗੀ ‘ਚ ਉੱਘੇ ਹੋਏ ਕਮਲ ਦੇ ਫੁੱਲ ਦੀ ਸਫ਼ਾਈ ‘ਝਾੜੂ’ ਹੀ ਕਰੇਗਾ…BJP ਨੂੰ ਦਸੰਬਰ ਦੀਆਂ ਚੋਣਾਂ ‘ਚ ਕਰਾਰਾ ਜੁਆਬ ਦੇਵੇਗੀ ਗੁਜਰਾਤ ਦੀ ਜਨਤਾ…."