ਤੱਥ ਜਾਂਚ - ਠੱਗੀ ਕਰਨ ਵਾਲੇ ਪੁਜਾਰੀ ਦਾ ਪੀਐੱਮ ਮੋਦੀ ਨਾਲ ਨਹੀਂ ਕੋਈ ਸਬੰਧ, ਪੋਸਟ ਫਰਜ਼ੀ 

Fact Check: PM Modi Fake Photo Viral With Wrong Claim

ਰੋਜ਼ਾਨਾ ਸਪੋਕਸਮੈਨ(ਮੋਹਾਲੀ ਟੀਮ) - ਸੋਸ਼ਲ ਮੀਡੀਆ 'ਤੇ ਅਖ਼ਬਾਰ ਦੀ ਇਕ ਕਟਿੰਗ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਪੀਐੱਮ ਮੋਦੀ ਨੂੰ ਇਕ ਪੁਜਾਰੀ ਨਾਲ ਦੇਖਿਆ ਜਾ ਸਕਦਾ ਹੈ। ਖ਼ਬਰ ਵਿਚ ਦੱਸਿਆ ਗਿਆ ਹੈ ਕਿ ਗਊ ਸੇਵਾ ਦੇ ਨਾਂਅ ‘ਤੇ ਪੈਸੇ ਇਕੱਠੇ ਕਰਕੇ ਫਰਾਰ ਹੋ ਗਿਆ। ਖ਼ਬਰ ਵਿਚ ਲੱਗੀ ਪੁਜਾਰੀ ਅਤੇ ਪੀਐਮ ਮੋਦੀ ਦੀ ਜ਼ਰੀਏ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪੀਐੱਮ ਮੋਦੀ ਦਾ ਇਸ ਪੁਜਾਰੀ ਨਾਲ ਕੁਨੈਕਸ਼ਨ ਹੈ। 

ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ ਵਿਚ ਜੋ ਪੁਜਾਰੀ ਹੈ ਉਸ ਨੇ ਪੀਐੱਮ ਮੋਦੀ ਨਾਲ ਆਪਣੀ ਤਸਵੀਰ ਫੋਟੋਸ਼ਾਪ ਜ਼ਰੀਏ ਬਣਵਾਈ ਸੀ। ਪੀਐੱਮ ਮੋਦੀ ਦਾ ਇਸ ਪੁਜਾਰੀ ਨਾਲ ਕੋਈ ਸਬੰਧ ਨਹੀਂ ਹੈ। 

ਵਾਇਰਲ ਪੋਸਟ 
ਟਵਿੱਟਰ ਯੂਜ਼ਰ ADV KRISHNA GOPAL YADAV ਨੇ 11 ਫਰਵਰੀ ਨੂੰ ਵਾਇਰਲ ਕਟਿੰਗ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, ''हर अच्छे व्यक्ति के साथ हमारे प्रधानमंत्री जी की तस्वीर होती है , @YashMeghwal''

ਵਾਇਰਲ ਪੋਸਟ ਦਾ ਅਰਕਾਇਵਰਡ ਲਿੰਕ  

ਪੜਤਾਲ 
ਪੜਤਾਲ ਸ਼ੁਰੂ ਕਰਨ ਦੌਰਾਨ ਸਾਨੂੰ ਵਾਇਰਲ ਕਟਿੰਗ ਵਿਚ ਦਿੱਤੀ ਗਈ ਖ਼ਬਰ ਨੂੰ ਲੈ ਕੇ ਕੁੱਝ ਕੀਵਰਡ ਸਰਚ ਕੀਤੇ। ਸਾਨੂੰ ਆਪਣੀ ਸਰਚ ਦੌਰਾਨ www.patrika.com ਦੀ ਇਕ ਰਿਪੋਰਟ ਮਿਲੀ। ਇਸ ਰਿਪੋਰਟ ਵਿਚ ਵਾਇਰਲ ਤਸਵੀਰ ਨੂੰ ਵੀ ਪ੍ਰਕਾਸ਼ਿਤ ਕੀਤਾ ਗਿਆ ਸੀ। ਇਹ ਰਿਪੋਰਟ 2017 ਦੀ ਸੀ। ਰਿਪੋਰਟ ਮੁਤਾਬਿਕ ਇਹ ਪੁਜਾਰੀ ਨਰਿੰਦਰ ਮੋਦੀ ਦੇ ਨਾਲ ਆਪਣੀ ਫੋਟੋ ਦਿਖਾ ਕੇ ਲੋਕਾਂ ਨੂੰ ਠੱਗਦਾ ਸੀ। ਪਿੰਡ ਦੇ ਲੋਕ ਜਿਵੇਂ ਇਹ ਪੁਜਾਰੀ ਕਹਿੰਦਾ ਸੀ,ਉਸੇ ਤਰ੍ਹਾਂ ਕਰਨ ਨੂੰ ਤਿਆਰ ਹੋ ਜਾਂਦੇ ਸਨ। ਧਾਰਮਿਕ ਲੋਕਾਂ ਨੇ ਉਸ ਨੂੰ ਪਿੰਡ ਵਿਚ ਗਊਸ਼ਾਲਾ ਬਣਾਉਣ ਲਈ ਅਤੇ ਮੰਦਿਰ ਵਿਚ ਭਗਵਤ ਕਥਾ ਦੇ ਨਾਮ ਤੇ 15-20 ਲੱਖ ਰੁਪਏ ਸੌਂਪ ਦਿੱਤੇ। ਇਸ ਤੋਂ ਬਾਅਦ ਮੌਕਾ ਦੇਖਦੇ ਹੀ ਪੁਜਾਰੀ ਮੰਦਿਰ ਨੂੰ ਤਾਲਾ ਲਗਾ ਕੇ ਰੁਪਏ ਲੈ ਕੇ ਫਰਾਰ ਹੋ ਗਿਆ। ਇਹ ਪੂਰਾ ਮਾਮਲਾ ਰਾਜਸਥਾਨ ਦੇ ਸ਼੍ਰੀਗੰਗਾਨਗਰ ਦਾ ਹੈ। ਰਿਪੋਰਟ ਵਿਚ ਕਿਧਰੇ ਵੀ ਇਹ ਨਹੀਂ ਲਿਖਿਆ ਸੀ ਕਿ ਪੀਐੱਮ ਮੋਦੀ ਦਾ ਇਸ ਪੁਜਾਰੀ ਨਾਲ ਕੋਈ ਸਬੰਧ ਹੈ। ਇਸ ਪੁਜਾਰੀ ਨੇ ਆਪਣੇ ਤਸਵੀਰ ਪੀਐੱਮ ਮੋਦੀ ਨਾਲ ਫੋਟੋਸ਼ਾਪ ਕਰਵਾਈ ਸੀ। 

ਇਸ ਘਟਨਾ ਬਾਰੇ ਦੈਨਿਕ ਭਾਸਕਰ ਦੀ ਰਿਪੋਰਟ ਇੱਥੇ ਕਲਿੱਕ ਕਰ ਕੇ ਪੜ੍ਹੀ ਜਾ ਸਕਦੀ ਹੈ। 

ਪੜਤਾਲ ਨੂੰ ਅੱਗੇ ਵਧਾਉਂਦੇ ਹੋਏ ਅਸੀਂ ਵਾਇਰਲ ਕਟਿੰਗ 'ਚੋਂ ਤਸਵੀਰ ਨੂੰ ਕਰਾਪ ਕਰ ਕੇ ਗੂਗਲ ਰਿਵਰਸ ਇਮੇਜ ਕੀਤਾ। ਸਾਨੂੰ ਸਰਚ ਦੌਰਾਨ www.narendramodi.in ਦੀ ਅਧਿਕਾਰਕ ਵੈੱਬਸਾਈਟ 'ਤੇ ਪ੍ਰਕਾਸ਼ਿਤ ਇਕ ਰਿਪੋਰਟ ਮਿਲੀ। ਰਿਪੋਰਟ ਵਿਚ ਸਾਨੂੰ ਵਾਇਰਲ ਕਟਿੰਗ ਵਿਚ ਜੋ ਤਸਵੀਰ ਹੈ ਉਸ ਨਾਲ ਮੇਲ ਖਾਂਦੀ ਤਸਵੀਰ ਮਿਲੀ ਪਰ ਇਹ ਤਸਵੀਰ ਨਰਿੰਦਰ ਮੋਦੀ ਅਤੇ ਨੇਪਾਲ ਦੇ ਸਾਬਕਾ ਪੀਐੱਮ ਸ਼ੇਰ ਬਹਾਦਰ ਦੇਓਬਾ ਨਾਲ ਸੀ। ਇਸ ਤਸਵੀਰ ਨੂੰ 2016 ਵਿਚ ਲਿਆ ਗਿਆ ਸੀ। ਇਸ ਤਸਵੀਰ ਦੀ ਬੈਕਗ੍ਰਾਊਂਡ ਅਤੇ ਪੀਐੱਮ ਮੋਦੀ ਦੇ ਕੱਪੜੇ ਹੂਬਹੂ ਵਾਇਰਲ ਕਟਿੰਗ ਵਿਚ ਜੋ ਤਸਵੀਰ ਹੈ ਉਸ ਨਾਲ ਮੇਲ ਖਾਂਦੇ ਹਨ। ਪੁਜਾਰੀ ਨੇ ਵੀ ਇਸੇ ਤਸਵੀਰ ਨੂੰ ਫੋਟੋਸ਼ਾਪ ਕਰਵਾਇਆ ਹੈ।

ਵਾਇਰਲ ਤਸਵੀਰ ਅਤੇ ਅਸਲ ਤਸਵੀਰ ਦਾ ਕੋਲਾਜ ਹੋਠਾਂ ਦੇਖਿਆ ਦਾ ਸਕਦਾ ਹੈ। 

ਇਸ ਤੋਂ ਬਾਅਦ ਅਸੀਂ ਇਸ ਵਾਇਰਲ ਪੋਸਟ ਬਾਰੇ ਭਾਜਪਾ ਦੇ ਬੁਲਾਰੇ ਤੇਜਿੰਦਰਪਾਲ ਸਿੰਘ ਨਾਲ ਸਪੰਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਸੰਪਰਕ ਨਹੀਂ ਹੋ ਪਾਇਆ। ਉਹਨਾਂ ਵੱਲੋਂ ਇਸ ਵਾਇਰਲ ਪੋਸਟ ਬਾਰੇ ਪੁਸ਼ਟੀ ਕਰਨ 'ਤੇ ਸਟੋਰੀ ਵਿਚ ਅਪਡੇਟ ਕਰ ਦਿੱਤਾ ਜਾਵੇਗਾ। 

ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ 2016 ਦੀ ਖ਼ਬਰ ਨੂੰ ਗਲਤ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ। ਪੀਐੱਮ ਮੋਦੀ ਦਾ ਪੁਜਾਰੀ ਨਾਲ ਕੋਈ ਸਬੰਧ ਨਹੀਂ ਹੈ। ਪੁਜਾਰੀ ਨੇ ਆਪਣੀ ਤਸਵੀਰ ਪੀਐੱਮ ਮੋਦੀ ਨਾਲ ਫੋਟੋਸ਼ਾਪ ਕਰਵਾਈ ਸੀ, ਜਿਸ ਦੇ ਜਰੀਏ ਉਸ ਨੇ ਰਾਜਸਥਾਨ ਵਿਚ 15-20 ਲੱਖ ਦੀ ਠੱਗੀ ਮਾਰੀ ਸੀ।
Claim: ਪੀਐੱਮ ਮੋਦੀ ਦਾ ਇਸ ਪੁਜਾਰੀ ਨਾਲ ਕੁਨੈਕਸ਼ਨ ਹੈ। 
Claimed By: ਟਵਿੱਟਰ ਯੂਜ਼ਰ ADV KRISHNA GOPAL YADAV 
Fact Check: ਫਰਜ਼ੀ