ਸੁੱਖਪਾਲ ਖਹਿਰਾ ਨੇ ਆਪਣੇ ਹੀ ਬੇਟੇ ਨੂੰ ਕਿਹਾ ਬੇਟਾ ਸਮਾਨ? ਨਹੀਂ, ਵਾਇਰਲ ਵੀਡੀਓ ਐਡੀਟੇਡ ਹੈ
ਸੁੱਖਪਾਲ ਸਿੰਘ ਖਹਿਰਾ ਨੇ ਇਹ ਬਿਆਨ ਦਲਵੀਰ ਗੋਲਡੀ ਦੇ ਸੰਧਰਭ ਵਿਚ ਦਿੱਤਾ ਸੀ ਨਾ ਕਿ ਆਪਣੇ ਬੇਟੇ ਮਹਿਤਾਬ ਖਹਿਰਾ ਦੇ ਸੰਧਰਭ ਵਿਚ।
Claim
ਸੋਸ਼ਲ ਮੀਡੀਆ 'ਤੇ ਲੋਕ ਸਭ ਚੋਣਾਂ 2024 ਲਈ ਕਾਂਗਰਸ ਪਾਰਟੀ ਤੋਂ ਸੰਗਰੂਰ ਹਲਕੇ ਤੋਂ ਉਮੀਦਵਾਰ ਸੁੱਖਪਾਲ ਸਿੰਘ ਖਹਿਰਾ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਸੁੱਖਪਾਲ ਆਪਣੇ ਬੇਟੇ ਮਹਿਤਾਬ ਖਹਿਰਾ ਨੂੰ ਆਪਣੇ ਬੇਟੇ ਸਮਾਨ ਦੱਸਦੇ ਨਜ਼ਰ ਆ ਰਹੇ ਹਨ। ਹੁਣ ਇਸ ਵੀਡੀਓ ਨੂੰ ਵਾਇਰਲ ਕਰਦਿਆਂ ਸੁੱਖਪਾਲ ਸਿੰਘ ਖਹਿਰਾ 'ਤੇ ਤਨਜ਼ ਕਸੇ ਜਾ ਰਹੇ ਹਨ।
ਫੇਸਬੁੱਕ ਯੂਜ਼ਰ "Jass Pannu" ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "ਰੁਕੋ ਜ਼ਰਾ ਸਬਰ ਕਰੋ…..????ਮੇਰੇ ਪਿਤਾ ਸਮਾਨ ਭਾਪਾ ਜੀ ਦੀ ਅਪਾਰ ਸਫਲਤਾ ਤੋਂ ਬਾਅਦ…..!!!!! ਪੇਸ਼ ਹੈ…….. :- ਸੁਖਪਾਲ ਸਿੰਘ ਖਹਿਰਾ ਦਾ ਬਿਆਨ……!!!!!!ਮੁੱਖ ਮੰਤਰੀ ਸਾਬ ਸਹੀ ਕਹਿੰਦੇ ਨੇ ਇਹ ਕਾਨਵੈਂਟ ਦੇ ਪੜ੍ਹਿਆਂ ਨੂੰ ਕੱਖ ਨੀ ਪਤਾ ਹੁੰਦਾ…!!!!!
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਵੀਡੀਓ ਗੁੰਮਰਾਹਕੁਨ ਪਾਇਆ ਹੈ। ਸੁੱਖਪਾਲ ਸਿੰਘ ਖਹਿਰਾ ਨੇ ਇਹ ਬਿਆਨ ਦਲਵੀਰ ਗੋਲਡੀ ਦੇ ਸੰਧਰਭ ਵਿਚ ਦਿੱਤਾ ਸੀ ਨਾ ਕਿ ਆਪਣੇ ਬੇਟੇ ਮਹਿਤਾਬ ਖਹਿਰਾ ਦੇ ਸੰਧਰਭ ਵਿਚ।
Investigation
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਸੁੱਖਪਾਲ ਸਿੰਘ ਖਹਿਰਾ ਦੇ ਫੇਸਬੁੱਕ ਪੇਜ 'ਤੇ ਸਰਚ ਕੀਤਾ।
"ਵਾਇਰਲ ਵੀਡੀਓ ਐਡੀਟੇਡ ਹੈ"
ਸਾਨੂੰ ਇਸ ਵੀਡੀਓ ਕਲਿੱਪ ਦਾ ਮੂਲ ਲਾਈਵ ਵੀਡੀਓ Sukhpal Khaira ਦੇ ਫੇਸਬੁੱਕ ਅਕਾਊਂਟ 'ਤੇ ਅਪਲੋਡ ਮਿਲਿਆ। ਆਗੂ ਨੇ 1 ਮਈ 2024 ਨੂੰ ਇੱਕ ਫੇਸਬੁੱਕ ਲਾਈਵ ਕਰਦਿਆਂ ਸਿਰਲੇਖ ਲਿਖਿਆ, "ਦੋਸਤੋ, ਹਲੇ ਤਾਂ ਸੰਗਰੂਰ ਦੇ ਯੁੱਧ ਦੀ ਸ਼ੁਰੂਆਤ ਹੈ। ਗੋਲਡੀ ਵਰਗੇ ਬਹੁਤ ਦੋਗਲੇ ਆਉਣਗੇ ਤੇ ਜਾਣਗੇ। ਉੱਪਰ ਦੀਆਂ ਅਤੇ ਹੇਠਲੀਆਂ ਸਰਕਾਰਾਂ ਬੋਹਤ ਜ਼ੋਰ ਲਾ ਰਹੀਆ ਨੇ, ਪਰ ਮੈਂ ਸਮਝਦਾ ਹਾਂ ਕਿ ਮੇਰੀ ਡੋਰ ਸੰਗਰੂਰ ਦੇ ਆਮ ਲੋਕਾਂ ਦੇ ਹੱਥ ਵਿੱਚ ਹੈ। ਮੇਰਾ ਭਵਿੱਖ ਤੁਸੀਂ ਤਹਿ ਕਰੋਗੇ। ~ ਖਹਿਰਾ"
ਅਸੀਂ ਇਸ ਵੀਡੀਓ ਨੂੰ ਪੂਰਾ ਸੁਣਿਆ ਅਤੇ ਪਾਇਆ ਕਿ ਆਗੂ ਦਾ ਵਾਇਰਲ ਵੀਡੀਓ ਵਾਲਾ ਭਾਗ 2 ਮਿੰਟ ਅਤੇ 11 ਸੈਕੰਡ 'ਤੇ ਸੁਣਿਆ ਜਾ ਸਕਦਾ ਹੈ। ਦੱਸ ਦਈਏ ਜੇਕਰ ਅਸੀਂ ਮੂਲ ਵੀਡੀਓ ਨੂੰ ਸੁਣੀਐ ਤਾਂ ਆਗੂ ਸੁੱਖਪਾਲ ਖਹਿਰਾ ਇਸ ਬਿਆਨ ਨੂੰ ਦਲਵੀਰ ਗੋਲਡੀ ਦੇ ਸੰਧਰਭ ਵਿਚ ਬੋਲਦੇ ਹਨ। ਆਗੂ ਨੇ ਆਪਣੇ ਵੀਡੀਓ ਵਿਚ ਕਿਹਾ ਸੀ, "ਦਲਵੀਰ ਗੋਲਡੀ ਮੇਰੇ ਬੱਚਿਆਂ ਵਰਗਾ ਹੈ ਤੇ ਮੈਂ ਓਥੇ ਕਿਹਾ ਕਿ ਦਲਵੀਰ ਗੋਲਡੀ ਮਹਿਤਾਬ ਖਹਿਰਾ ਮੇਰੇ ਬੇਟੇ ਵਰਗਾ ਹੈ ਤੇ ਓਹਦਾ ਪਰਿਵਾਰ ਮੇਰੇ ਬੱਚਿਆਂ ਵਰਗਾ ਹੈ..."
ਮਤਲਬ ਸਾਫ ਸੀ ਕਿ ਹੁਣ ਮੂਲ ਵੀਡੀਓ ਦੇ ਇੱਕ ਭਾਗ ਨੂੰ ਕੱਟ ਕੇ ਗੁੰਮਰਾਹਕੁਨ ਦਾਅਵੇ ਨਾਲ ਸਾਂਝਾ ਕੀਤਾ ਜਾ ਰਿਹਾ ਹੈ।
Conclusion
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਵੀਡੀਓ ਗੁੰਮਰਾਹਕੁਨ ਪਾਇਆ ਹੈ। ਸੁੱਖਪਾਲ ਸਿੰਘ ਖਹਿਰਾ ਨੇ ਇਹ ਬਿਆਨ ਦਲਵੀਰ ਗੋਲਡੀ ਦੇ ਸੰਧਰਭ ਵਿਚ ਦਿੱਤਾ ਸੀ ਨਾ ਕਿ ਆਪਣੇ ਬੇਟੇ ਮਹਿਤਾਬ ਖਹਿਰਾ ਦੇ ਸੰਧਰਭ ਵਿਚ।
Result- Misleading
Our Sources
Original Meta Live Of INC Leader Sukhpal Singh Khaira Shared On 1 May 2024
ਕਿਸੇ ਖਬਰ 'ਤੇ ਸ਼ੱਕ? ਸਾਨੂੰ ਭੇਜੋ ਅਸੀਂ ਕਰਾਂਗੇ ਉਸਦਾ Fact Check... ਸਾਨੂੰ Whatsapp ਕਰੋ "9560527702" 'ਤੇ ਜਾਂ ਸਾਨੂੰ E-mail ਕਰੋ "factcheck@rozanaspokesman.com" 'ਤੇ