ਅਫ਼ਗਾਨਿਸਤਾਨ ਦੇ ਪ੍ਰਸ਼ੰਸਕਾਂ ਨੂੰ ਖਿਝਾ ਰਹੇ ਪਾਕਿਸਤਾਨੀ ਸਮਰਥਕ ਦੇ ਨੱਚਣ ਦੀ ਇਸ ਵੀਡੀਓ ਦਾ Asia Cup 2022 ਨਾਲ ਕੋਈ ਸਬੰਧ ਨਹੀਂ

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਜਾਣਕਾਰੀ ਲੱਭਣੀ ਸ਼ੁਰੂ ਕੀਤੀ। 

ਵਾਇਰਲ ਹੋ ਰਿਹਾ ਵੀਡੀਓ ਪੁਰਾਣਾ ਹੈ 

ਸਾਨੂੰ ਆਪਣੀ ਸਰਚ ਦੌਰਾਨ ਇਹ ਵੀਡੀਓ Youtube 'ਤੇ 30 ਅਕਤੂਬਰ 2021 ਦਾ ਅਪਲੋਡ ਮਿਲਿਆ। Youtube ਅਕਾਊਂਟ All Timez Sports ਨੇ 30 ਅਕਤੂਬਰ 2021 ਨੂੰ ਇਹ ਵੀਡੀਓ Shorts ਸ਼ੇਅਰ ਕਰਦਿਆਂ ਲਿਖਿਆ, "Pakistani Fan Mocking Afghanistan People In The Stadium Funny Dance ICC World T20 Cup 2021 #PakvAFG"

ਯੂਜ਼ਰ ਨੇ ਇਸ ਵੀਡੀਓ ਨੂੰ T20 ਵਿਸ਼ਵ ਕੱਪ 2021 ਦਾ ਦੱਸਿਆ। ਇਸੇ ਲਈ ਅਸੀਂ ਅੱਗੇ ਵਧਦੇ ਹੋਏ ਪਾਕਿਸਤਾਨ ਅਤੇ ਅਫ਼ਗ਼ਾਨਿਸਤਾਨ ਦੇ ਵਿਸ਼ਵ ਕੱਪ 2021 ਦੇ ਮੁਕਾਬਲੇ ਬਾਰੇ ਜਾਣਕਾਰੀ ਲੱਭਣੀ ਸ਼ੁਰੂ ਕੀਤੀ। 

ਦੱਸ ਦਈਏ ਇਹ ਮੁਕਾਬਲੇ 29 ਅਕਤੂਬਰ 2021 ਨੂੰ ਦੁਬਈ ਅੰਤਰਰਾਸ਼ਟਰੀ ਸਟੇਡੀਅਮ ਵਿਖੇ ਦੋਵੇਂ ਟੀਮਾਂ ਵਿਚਕਾਰ ਖੇਡਿਆ ਗਿਆ ਸੀ ਅਤੇ ਹਾਲੀਆ ਏਸ਼ੀਆ ਕੱਪ 2022 ਦਾ ਮੁਕਾਬਲੇ ਸ਼ਾਰਜਾਹ ਦੇ ਸਟੇਡੀਅਮ ਵਿਖੇ ਖੇਡਿਆ ਗਿਆ ਸੀ।

ਜੇਕਰ ਵਾਇਰਲ ਵੀਡੀਓ ਅਤੇ ਦੁਬਈ ਸਟੇਡੀਅਮ ਦੇ ਕੋਲਾਜ ਨੂੰ ਵੇਖਿਆ ਜਾਵੇ ਤਾਂ ਸਾਫ ਹੁੰਦਾ ਹੈ ਕਿ ਇਹ ਵੀਡੀਓ ਦੁਬਈ ਦੇ ਕ੍ਰਿਕੇਟ ਸਟੇਡੀਅਮ ਦਾ ਹੈ।

ਸ਼ਾਰਜਾਹ ਕ੍ਰਿਕੇਟ ਸਟੇਡੀਅਮ ਅਤੇ ਦੁਬਈ ਦੇ ਕ੍ਰਿਕੇਟ ਸਟੇਡੀਅਮ ਦਾ ਕੋਲਾਜ ਹੇਠਾਂ ਵੇਖਿਆ ਜਾ ਸਕਦਾ ਹੈ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ ਪੁਰਾਣਾ ਹੈ ਅਤੇ ਇਸਦਾ Asia Cup 2022 ਨਾਲ ਕੋਈ ਸਬੰਧ ਨਹੀਂ ਹੈ।