Fact Check: ਕਾਂਗਰਸ ਦੇ ਚਿੰਤਨ ਸ਼ਿਵਿਰ ਦੀ ਤਸਵੀਰ ਨੂੰ ਗੁੰਮਰਾਹਕੁਨ ਦਾਅਵੇ ਨਾਲ ਕੀਤਾ ਜਾ ਰਿਹਾ ਵਾਇਰਲ

Fact Check Image of Congress Chintan Shivir Shared With Misleading Claim

RSFC (Team Mohali)- ਰਾਜਸਥਾਨ ਦੇ ਉਦੇਪੁਰ ਵਿਖੇ ਕਾਂਗਰਸ ਨੇ 3 ਦਿਨਾਂ ਦੇ ਆਪਣੇ ਚਿੰਤਨ ਸ਼ਿਵਿਰ ਦੀ ਸ਼ੁਰੁਆਤ ਕੀਤੀ। ਇਸ ਸ਼ਿਵਿਰ ਵਿਚ ਕਾਂਗਰੇਸ ਕਈ ਦਿੱਗਜ ਨੇਤਾ ਸ਼ਾਮਲ ਹੋਏ ਅਤੇ ਕਾਂਗਰਸ ਦੇ ਭਵਿੱਖ ਨੂੰ ਲੈ ਕੇ ਚਰਚਾਵਾਂ ਕੀਤੀਆਂ। ਹੁਣ ਇਸ ਸ਼ਿਵਿਰ ਨੂੰ ਲੈ ਕੇ ਇੱਕ ਤਸਵੀਰ ਵਾਇਰਲ ਕੀਤੀ ਜਾ ਰਹੀ ਹੈ। ਇਸ ਤਸਵੀਰ ਨਾਲ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਾਂਗਰਸ ਦੇ ਇਸ ਸ਼ਿਵਿਰ ਕੈੰਪ ਦੇ ਉਪਰਿਲੀ ਚਾਦਰਾਂ ਪਾਕਿਸਤਾਨ ਦੇ ਝੰਡੇ ਨਾਲ ਮੇਚਦੀਆਂ ਹਨ ਅਤੇ ਹੇਠਾਂ ਭਗਵਾ ਰੰਗੀ ਕਾਰਪੈਟ ਵਿਛਾਇਆ ਹੋਇਆ ਹੈ। ਇਸ ਪੋਸਟ ਨੂੰ ਵਾਇਰਲ ਕਰਦਿਆਂ ਫਿਰਕੂ ਰੰਗਤ ਦਿੱਤੀ ਜਾ ਰਹੀ ਹੈ।

ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਸ਼ਿਵਿਰ ਦੇ ਉਪਰਲੀਆਂ ਚਾਦਰਾਂ ਭਾਰਤੀ ਝੰਡੇ ਦੇ ਰੰਗ ਦੀਆਂ ਹਨ ਨਾ ਕਿ ਪਾਕਿਸਤਾਨੀ ਝੰਡੇ ਦੀਆਂ। ਇਸ ਪੋਸਟ ਜਰੀਏ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

ਵਾਇਰਲ ਪੋਸਟ

ਭਾਜਪਾ ਵਰਕਰ "Chandrakant Sundesha BJP" ਨੇ ਵਾਇਰਲ ਤਸਵੀਰ ਸ਼ੇਅਰ ਕਰਦਿਆਂ ਲਿਖਿਆ, "ऊपर पाकिस्तान के झंडे का दोनों रंग और नीचे भगवा रंग! ये राजस्थान के उदयपुर में चल रहे कांग्रेस पार्टी के चिंतन शिविर की तस्वीर है !!"

ਇਸ ਪੋਸਟ ਨੂੰ ਇਥੇ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।

ਇਸੇ ਤਰ੍ਹਾਂ ਇਸ ਤਸਵੀਰ ਨੂੰ ਸਮਾਨ ਦਾਅਵੇ ਨਾਲ ਪੱਤਰਕਾਰ ਅੰਬੁਜ ਭਾਰਦਵਾਜ ਨੇ ਵੀ ਸਾਂਝਾ ਕੀਤਾ।

ਪੜਤਾਲ

ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਸ਼ਿਵਿਰ ਦੀਆਂ ਤਸਵੀਰ ਨੂੰ ਕੀਵਰਡ ਸਰਚ ਜਰੀਏ ਲੱਭਣਾ ਸ਼ੁਰੂ ਕੀਤਾ।

ਸਾਨੂੰ ਇਸ ਸ਼ਿਵਿਰ ਦੀਆਂ ਕਈ ਤਸਵੀਰਾਂ ਮਿਲੀਆਂ। ਦੱਸ ਦਈਏ ਕਿ ਸ਼ਿਵਿਰ ਦੇ ਉਪਰਲੀਆਂ ਚਾਦਰਾਂ ਭਾਰਤੀ ਝੰਡੇ ਦੇ ਰੰਗ ਦੀਆਂ ਹਨ ਨਾ ਕਿ ਪਾਕਿਸਤਾਨੀ ਝੰਡੇ ਦੀਆਂ। ਇਸ ਸ਼ਿਵਿਰ ਦੇ ਪਹਿਲੇ ਦਿਨ ਦੀਆਂ ਤਸਵੀਰਾਂ ਸਾਨੂੰ ਕਾਂਗਰਸ ਦੇ ਅਧਿਆਕਰਿਕ ਟਵਿੱਟਰ 'ਤੇ ਅਪਲੋਡ ਮਿਲੀਆਂ। ਇਸ ਟਵੀਟ ਵਿਚ ਵਾਇਰਲ ਹੋ ਰਹੀ ਤਸਵੀਰ ਵੀ ਸੀ। ਜੇਕਰ ਇਨ੍ਹਾਂ ਤਸਵੀਰ ਨੂੰ ਵੇਖਿਆ ਜਾਵੇ ਤਾਂ ਸਾਫ ਹੁੰਦਾ ਹੈ ਕਿ ਸ਼ਿਵਿਰ ਉੱਪਰ ਪਾਕਿਸਤਾਨ ਦੇ ਝੰਡੇ ਰੰਗੀ ਚਾਦਰਾਂ ਨਹੀਂ ਹਨ।

ਵਾਇਰਲ ਤਸਵੀਰ ਅਤੇ ਸ਼ਿਵਿਰ ਦੀ ਦੂਸਰੀ ਤਸਵੀਰ ਦਾ ਕੋਲਾਜ ਇਸ ਗੱਲ ਨੂੰ ਸਾਫ ਕਰਦਾ ਹੈ ਕਿ ਸ਼ਿਵਿਰ ਉੱਪਰ ਪਾਕਿਸਤਾਨ ਦੇ ਝੰਡੇ ਰੰਗੀ ਚਾਦਰਾਂ ਨਹੀਂ ਹਨ।

ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਸ਼ਿਵਿਰ ਦੇ ਉਪਰਲੀਆਂ ਚਾਦਰਾਂ ਭਾਰਤੀ ਝੰਡੇ ਦੇ ਰੰਗ ਦੀਆਂ ਹਨ ਨਾ ਕਿ ਪਾਕਿਸਤਾਨੀ ਝੰਡੇ ਦੀਆਂ। ਇਸ ਪੋਸਟ ਜਰੀਏ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

Claim- Saffron Colour disrespected and Pakistan Flag's respected by INC during their Chintan Shivir
Claimed By- FB User Chandrakant Sundesha BJP
Fact Check- Misleading