Fact Check: ਆਪਸੀ ਲੜਾਈ ਦਾ ਇਹ ਵੀਡੀਓ ਆਪ ਆਗੂਆਂ ਦਾ ਨਹੀਂ, ਭਾਜਪਾ ਲੀਡਰਾਂ ਦਾ ਹੈ
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਵੀਡੀਓ ਹਾਲੀਆ ਨਹੀਂ ਬਲਕਿ 2019 ਦਾ ਹੈ ਅਤੇ ਵੀਡੀਓ ਵਿਚ ਭਾਜਪਾ ਲੀਡਰ ਆਪਸ ਵਿਚ ਕੁੱਟਮਾਰ ਕਰ ਰਹੇ ਹਨ ਨਾ ਕਿ ਆਪ ਆਗੂ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸਦੇ ਵਿਚ ਇੱਕ ਮੀਟਿੰਗ ਦੌਰਾਨ 2 ਨੇਤਾ ਆਪਸ ਵਿਚ ਕੁੱਟਮਾਰ ਕਰਨ ਲਗ ਜਾਂਦੇ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਆਪ ਆਗੂਆਂ ਦਾ ਹੈ ਜੋ ਦਿੱਲੀ ਵਿਚ ਇੱਕ ਮੀਟਿੰਗ ਦੌਰਾਨ ਆਪਸ ਵਿਚ ਲੜ ਪਏ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪਹਿਲਾਂ ਆਪ ਆਗੂ ਸੰਜੇ ਸਿੰਘ ਨੇ ਆਪਣੇ ਵਿਧਾਇਕ ਨੂੰ ਕੁੱਟਿਆ ਅਤੇ ਫਿਰ ਵਿਧਾਇਕ ਨੇ ਸੰਜੇ ਸਿੰਘ ਨੂੰ ਕੁੱਟਿਆ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਵੀਡੀਓ ਹਾਲੀਆ ਨਹੀਂ ਬਲਕਿ 2019 ਦਾ ਹੈ ਅਤੇ ਵੀਡੀਓ ਵਿਚ ਭਾਜਪਾ ਲੀਡਰ ਆਪਸ ਵਿਚ ਕੁੱਟਮਾਰ ਕਰ ਰਹੇ ਹਨ ਨਾ ਕਿ ਆਪ ਆਗੂ।
ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ Arjan Singh Rana ਨੇ ਵਾਇਰਲ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "*दिल्ली में आप आदमी पार्टी* की मीटिंग चल रही थी और सांसद संजय सिंह ने अपने विधायक को जूते से पीटा, ???????? *उसके बाद उसी विधायक जी ने संजय सिंह को अच्छी तरह जूते से पेला*,???? दिल्ली की जनता ने चुना है इन्हीं बंदरों ???????? को राज करने के लिए।"
ਵਾਇਰਲ ਪੋਸਟ ਦਾ ਫੇਸਬੁੱਕ ਲਿੰਕ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਸਭਤੋਂ ਪਹਿਲਾਂ ਵਾਇਰਲ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ। ਵੀਡੀਓ ਵਿਚ ਦਿੱਸ ਰਹੀ ਮੀਟਿੰਗ ਅੰਦਰ ਨਰੇਂਦਰ ਮੋਦੀ ਅਤੇ ਯੋਗੀ ਅਦਿਤੀਯਨਾਥ ਦੇ ਪੋਸਟਰ ਵੇਖੇ ਜਾ ਸਕਦੇ ਹਨ ਜਿਸਤੋਂ ਸਾਬਿਤ ਹੁੰਦਾ ਹੈ ਕਿ ਵੀਡੀਓ ਭਾਜਪਾ ਲੀਡਰਾਂ ਦਾ ਹੋ ਸਕਦਾ ਹੈ।
ਅੱਗੇ ਵਧਦੇ ਹੋਏ ਅਸੀਂ ਕੀਵਰਡ ਸਰਚ ਜਰੀਏ ਮਾਮਲੇ ਨੂੰ ਲੈ ਕੇ ਖਬਰਾਂ ਲੱਭਣੀਆਂ ਸ਼ੁਰੂ ਕੀਤੀਆਂ। ਸਾਨੂੰ 7 ਮਾਰਚ 2019 ਨੂੰ ਪ੍ਰਕਾਸ਼ਿਤ News 18 ਦੀ ਇੱਕ ਖਬਰ ਮਿਲੀ ਜਿਸਦੇ ਵਿਚ ਆਪਸੀ ਲੜਾਈ ਕਰਨ ਵਾਲੇ 2 ਨੇਤਾਵਾਂ ਬਾਰੇ ਦੱਸਿਆ ਗਿਆ ਸੀ। News 18 ਨੇ ਖਬਰ ਅਪਲੋਡ ਕਰਦਿਆਂ ਸਿਰਲੇਖ ਦਿੱਤਾ, "जानिए कौन हैं जूतम-पैजार करने वाले बीजेपी सांसद शरद त्रिपाठी और विधायक राकेश सिंह बघेल"
ਖਬਰ ਅਨੁਸਾਰ, ਵੀਡੀਓ ਵਿਚ ਆਪਸੀ ਕੁੱਟਮਾਰ ਕਰਨ ਵਾਲੇ ਲੀਡਰ ਭਾਜਪਾ ਦੇ ਹਨ। ਇੱਕ ਸਾਂਸਦ ਸ਼ਰਦ ਤ੍ਰਿਪਾਠੀ ਹਨ ਅਤੇ ਦੂਜੇ ਵਿਧਾਇਕ ਰਾਕੇਸ਼ ਸਿੰਘ ਬਘੇਲ। ਖਬਰ ਵਿਚ ਦੱਸਿਆ ਗਿਆ ਕਿ ਇਨ੍ਹਾਂ ਦੀ ਰੰਜਿਸ਼ ਪੁਰਾਣੀ ਹੈ ਜਿਸਦੇ ਕਰਕੇ ਇਹ ਲੜਾਈ ਵੇਖਣ ਨੂੰ ਮਿਲੀ। ਇਹ ਖਬਰ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਇਸ ਮਾਮਲੇ ਨੂੰ ਲੈ ਕੇ BBC ਦੀ ਖਬਰ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਇਹ ਵੀਡੀਓ ਹਾਲੀਆ ਨਹੀਂ ਬਲਕਿ 2019 ਦਾ ਹੈ ਅਤੇ ਵੀਡੀਓ ਵਿਚ ਭਾਜਪਾ ਲੀਡਰ ਆਪਸ ਵਿਚ ਕੁੱਟਮਾਰ ਕਰ ਰਹੇ ਹਨ ਨਾ ਕਿ ਆਪ ਆਗੂ।
Claim- AAP Leaders thrashed each other during a meeting
Claimed By- FB User Arjan Singh Rana
Fact Check- Fake