Fact Check: ਪੀਐੱਮ ਮੋਦੀ ਦੇ ਆਉਣ 'ਤੇ ਗੁਰਦੁਆਰਾ ਰਕਾਬਜੰਗ 'ਚੋਂ ਕਾਰਪੇਟ ਹਟਾਉਣ ਦਾ ਦਾਅਵਾ ਫਰਜ਼ੀ
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਪੋਸਟ 'ਚ ਕੀਤਾ ਦਾਅਵਾ ਫਰਜ਼ੀ ਹੈ।
ਰੋਜ਼ਾਨਾ ਸਪੋਕਸਮੈਨ ( ਮੋਹਾਲੀ ਟੀਮ) - ਸੋਸ਼ਲ ਮੀਡੀਆ 'ਤੇ ਨਰਿੰਦਰ ਮੋਦੀ ਦੀ ਇੱਕ ਪੋਸਟ ਵਾਇਰਲ ਕਰ ਕੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਜਿਸ ਦਿਨ ਨਰਿੰਦਰ ਮੋਦੀ ਗੁਰਦੁਆਰਾ ਰਕਾਬਗੰਜ ਸਾਹਿਬ ਮੱਥਾ ਟੇਕਣ ਗਏ ਸਨ ਉਸ ਦਿਨ ਜਾਣ ਬੁੱਝ ਕੇ ਗੁਰਦੁਆਰਾ ਸਾਹਿਬ ਵਿਚ ਵਿਛੇ ਕਾਰਪੇਟ ਚੁੱਕ ਦਿੱਤੇ ਗਏ ਸਨ ਤਾਂ ਜੋ ਉਹਨਾਂ ਨੂੰ ਠੰਢੇ ਫਰਸ਼ 'ਤੇ ਤੁਰ ਕੇ ਜਾਣਾ ਪਵੇ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਪੋਸਟ 'ਚ ਕੀਤਾ ਦਾਅਵਾ ਫਰਜ਼ੀ ਹੈ।
ਵਾਇਰਲ ਪੋਸਟ ਦਾ ਦਾਅਵਾ
ਫੇਸਬੁੱਕ ਯੂਜ਼ਰ Virendra Srivastava ਨੇ 21 ਦਸੰਬਰ ਨੂੰ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਆਪਣੇ ਕੈਪਸ਼ਨ ਵਿਚ ਲਿਖਿਆ ''Gurudwara Rakabganj Committee removed the Carpet for PM Modi's visit to make him walk on cold floor!He was never humiliated so much like this before!''
ਸਪੋਕਸਮੈਨ ਵੱਲੋਂ ਕੀਤੀ ਪੜਤਾਲ
ਸਪੋਕਸਮੈਨ ਨੇ ਆਪਣੀ ਪੜਤਾਲ ਸ਼ੁਰੂ ਕਰਨ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਦੀਆਂ ਗੁਰਦੁਆਰਾ ਰਕਾਬਜੰਗ ਸਾਹਿਬ ਜਾਣ ਦੀਆਂ ਖਬਰਾਂ ਤੇ ਵੀਡੀਓ ਸਰਚ ਕੀਤੀਆਂ ਜਿਸ ਵਿਚ ਅਸੀਂ ਅਜਿਹਾ ਕੋਈ ਵੀ ਦਾਅਵਾ ਕੀਤਾ ਨਹੀਂ ਪਾਇਆ ਕਿ ਨਰਿੰਦਰ ਮੋਦੀ ਦੇ ਜਾਣ ਤੋਂ ਪਹਿਲਾਂ ਕਾਰਪੇਟ ਹਟਾਏ ਗਏ ਹੋਣ। ਇਸ ਤੋਂ ਬਾਅਦ ਅਸੀਂ ਯੂਟਿਊਬ 'ਤੇ ਜਦੋਂ Narendra Modi At Rkabganj Sahib ਸਰਚ ਕੀਤਾ ਤਾਂ ਸਾਨੂੰ ਨਰਿੰਦਰ ਮੋਦੀ ਦੀ ਵੀਡੀਓ ਉਹਨਾਂ ਦੇ ਆਪਣੇ ਯੂਟਿਊਬ ਅਕਾਊਂਟ 'ਤੇ ਮਿਲੀ।
ਜਿਸ ਵਿਚ ਇਹ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਨਰਿੰਦਰ ਮੋਦੀ ਖੁਦ ਕਾਰਪੇਟ ਤੋਂ ਪਾਸੇ ਹੋ ਕੇ ਲੰਘੇ ਸਨ ਜਦਕਿ ਕਾਰਪੇਟ ਤਾਂ ਵਿਛਿਆ ਹੋਇਆ ਸੀ।
ਦੱਸ ਦਈਏ ਕਿ ਨਰਿੰਦਰ ਮੋਦੀ ਦੀ ਰਕਾਬਗੰਜ ਸਾਹਿਬ ਜਾਣ ਦੀ ਵੀਡੀਓ ਨੂੰ ਨਿਊਜ਼ ਏਜੰਸੀ ਏਐੱਨਆਈ ਨੇ ਵੀ ਸ਼ੇਅਰ ਕੀਤਾ ਹੈ ਜਿਸ ਵਿਚ ਕਾਰਪੇਟ ਵਿਛਾਏ ਸਾਫ਼ ਦਿਖਾਈ ਦੇ ਰਹੇ ਹਨ।
ਸਪੋਕਸਮੈਨ ਨੇ ਇਸ ਵਾਇਰਲ ਪੋਸਟ ਬਾਰੇ ਜਦੋਂ DSGMC ਪ੍ਰਧਾਨ ਮਨਜਿੰਦਰ ਸਿਰਸਾ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਦੱਸਿਆ ਕਿ ਨਰਿੰਦਰ ਮੋਦੀ ਦੇ ਰਕਾਬਜੰਗ ਸਾਹਿਬ ਆਉਣ ਬਾਰੇ ਗੁਰਦੁਆਰਾ ਸਾਹਿਬ ਵਿਚ ਕਿਸੇ ਨੂੰ ਕੋਈ ਜਾਣਕਾਰੀ ਨਹੀਂ ਸੀ ਇਸ ਲਈ ਉੱਥੇ ਕਾਰਪੇਟ ਵਿਛੇ ਹੋਏ ਸਨ ਤੇ ਵਾਇਰਲ ਪੋਸਟ 'ਚ ਕੀਤਾ ਦਾਅਵਾ ਬਿਲਕੁਲ ਫਰਜ਼ੀ ਹੈ।
ਨਤੀਜਾ - ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਵਿਚ ਕੀਤੇ ਗਏ ਦਾਅਵੇ ਨੂੰ ਫਰਜ਼ੀ ਪਾਇਆ ਹੈ।
calimed By - Virendra Srivastava
Claim - ਗਲਤ