ਇਸ ਕਿਸਾਨ ਨੇ ਘਰ ਦੀ ਛੱਤ 'ਤੇ ਲਗਾਏ 40 ਕਿਸਮ ਦੇ ਅੰਬ ਦੇ ਪੌਦੇ 

Kochi man grows 40 varieties of mangoes on his rooftop

ਕੇਰਲ: ਕਈ ਲੋਕ ਅਕਸਰ ਆਪਣੇ ਘਰ ਦੀ ਛੱਤ 'ਤੇ ਕੋਈ ਛੋਟੇ ਪੌਦੇ ਲਗਾ ਦਿੰਦੇ ਹਨ ਅਤੇ ਉਹ ਪੌਦੇ ਬਹੁਤ ਵਧੀਆ ਉੱਗ ਵੀ ਪੈਂਦੇ ਹਨ। ਪਰ ਤੁਸੀਂ ਕਦੇ ਇਹ ਕਲਪਨਾ ਕੀਤੀ ਹੈ ਕਿ ਛੱਤ ਤੇ ਫਲਾਂ ਦਾ ਬਾਗ਼ ਬਣ ਸਕਦਾ ਹੈ। ਅੱਜ ਅਸੀ ਤੁਹਾਨੂੰ ਇੱਕ ਅਜਿਹੇ ਵਿਅਕਤੀ ਬਾਰੇ ਜਾਣੂੰ ਕਰਵਾਵਾਂਗੇ ਜਿਸ ਨੇ ਆਪਣੇ ਘਰ ਦੀ ਛੱਤ ਤੇ ਅੰਬਾਂ ਦਾ ਬਾਗ ਲਾਇਆ ਹੋਇਆ ਹੈ।

ਉਸਨੇ ਇੱਕ ਨਹੀਂ ਬਲਕਿ 40 ਕਿਸਮ ਦੇ ਅੰਬਾਂ ਦੇ ਦਰੱਖਤ ਆਪਣੀ ਛੱਤ ਤੇ ਲਗਾਏ ਹਨ। 63 ਸਾਲਾ ਜੋਸਫ ਫਰਾਂਸਿਸ ਐਰਨਾਕੁਲਮ ਦਾ ਰਹਿਣ ਵਾਲਾ ਹੈ। ਉਹ ਏਸੀ ਟੈਕਨੀਸ਼ਨ ਹੈ ਪਰ ਲੋਕ ਅੱਜ ਕੱਲ੍ਹ ਉਸਨੂੰ ਬਜ਼ੁਰਗ ਕਿਸਾਨ ਵੀ ਕਹਿੰਦੇ ਹਨ। ਜੋਸਫ਼ ਦੀ ਨਾਨੀ ਖੇਤੀ ਕਰਦੀ ਸੀ ਅਤੇ ਉਨ੍ਹਾਂ ਦੇ ਘਰ ਕਈ ਕਿਸਮ ਦੇ ਗੁਲਾਬ ਦੇ ਪੌਦੇ ਸਨ।

ਜੋਸਫ ਨੂੰ ਖੇਤੀ ਲਈ ਪ੍ਰਰੇਣਾ ਵੀ ਨਾਨੀ ਤੋਂ ਹੀ ਮਿਲੀ। ਨਵੇਂ ਘਰ 'ਚ ਸ਼ਿਫਟ ਹੋਣ ਮਗਰੋਂ ਜੋਸਫ ਨੇ 250 ਕਿਸਮ ਦੇ ਗੁਲਾਬ ਅਤੇ ਮਸ਼ਰੂਮ ਦੇ ਪੌਦੇ ਲਗਾਏ। ਜਿਸ ਤੋਂ ਬਾਅਦ ਜੋਸਫ ਦਾ ਰੁਝਾਨ ਅੰਬਾਂ ਵੱਲ ਵਧਿਆ। ਉਸਨੇ ਘਰ ਦੀ ਛੱਤ ਤੇ ਅੰਬ ਲਾਉਣ ਦਾ ਫੈਸਲਾ ਕੀਤਾ ਅਤੇ ਪੀਵੀਸੀ ਡਰੱਮ ਖਰੀਦੇ ਅਤੇ ਉਨ੍ਹਾਂ ਨੂੰ ਕੱਟ ਕੇ ਅੰਬ ਦਾ ਛੋਟਾ ਪੌਦਾ ਲਗਾ ਦਿੱਤਾ।

ਅੱਜ ਇਨ੍ਹਾਂ ਡਰੱਮਾਂ 'ਚ ਲੱਗੇ ਅੰਬ ਦੇ ਬੂਟੇ 5 ਤੋਂ 9 ਫੁੱਟ ਉੱਚੇ ਹੋ ਗਏ ਹਨ। ਜੋਸਫ ਦੇ ਬਗੀਚੇ 'ਚ ਚੰਦਰਕਰਨ, ਅਲਫੌਂਸਾ, ਮਾਲਗੋਵਾ, ਨੀਲਮ ਅਤੇ ਕੇਸਰ ਵਰਗੇ 40 ਕਿਸਮਾਂ ਦੇ ਅੰਬ ਲੱਗੇ ਹਨ। ਇਸ ਤੋਂ ਇਲਾਵਾ ਜੋਸਫ ਨੇ ਗਰਾਫਟਿੰਗ ਕਰ ਕਈ ਤਰ੍ਹਾਂ ਦੀਆਂ ਕਿਸਮਾਂ ਵੀ ਤਿਆਰ ਕੀਤੀਆਂ ਹਨ।