ਮੰਡੀ (ਭਾਸ਼ਾ) :-  ਹਿਮਾਚਲ ਪ੍ਰਦੇਸ਼ ਦੇ ਮੰਡੀ ਜ਼ਿਲ੍ਹੇ ਵਿਚ ਖੇਤੀਬਾੜੀ ਵਿਭਾਗ ਦੇ ਵੱਲੋਂ ਕਿਸਾਨਾਂ ਨੂੰ ਦਿੱਤੇ ਗਏ ਬੀਜਾਂ ਦੇ ਖ਼ਰਾਬ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਦੇ ਕਾਰਨ ਕਿਸਾਨਾਂ ਦੀਆਂ ਉਮੀਦਾਂ ਉੱਤੇ ਪੂਰੀ ਤਰ੍ਹਾਂ ਨਾਲ ਪਾਣੀ ਫਿਰ ਗਿਆ ਹੈ। ਇਹ ਮਾਮਲਾ ਮੰਡੀ ਦੇ ਸੈਣ ਪਿੰਡ ਦਾ ਹੈ, ਜਿੱਥੇ ਦੋ ਕਿਸਾਨਾਂ ਨੇ ਨੈਸ਼ਨਲ ਸੀਡ ਕਾਰਪੋਰੇਸ਼ਨ ਤੋਂ ਪਿਆਜ ਦਾ 26 ਕਿੱਲੋ ਬੀਜ ਖਰੀਦਿਆ,

ਉਸ ਨੂੰ ਠੀਕ ਸਮੇਂ ਤੇ ਬੀਜਿਆ ਅਤੇ ਨਾਲ ਹੀ ਉਸ ਦੀ ਦੇਖਭਾਲ ਵੀ ਕੀਤੀ ਪਰ ਜ਼ਮੀਨ ਵਿਚ ਬੋਇਆ ਬੀਜ 15 - 20 ਦਿਨ ਹੋਣ ਤੋਂ ਬਾਅਦ ਵੀ ਨਹੀਂ ਉੱਗਿਆ। ਕਿਸਾਨ ਰਾਕੇਸ਼ ਸੈਣੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਭਰਾ ਅਤੇ ਉਨ੍ਹਾਂ ਨੇ ਪਿਆਜ ਦਾ 25 ਕਿੱਲੋ ਸਰਕਾਰੀ ਬੀਜ ਭੰਗਰੋਟੂ ਅਤੇ ਗਾਗਲ ਦੇ ਸਟੋਰ ਤੋਂ ਲਗਭੱਗ ਦਸ ਹਜ਼ਾਰ ਵਿਚ ਖਰੀਦਿਆ।

ਬੀਜ ਦੇ ਪੈਕੇਟ ਉੱਤੇ ਐਕਸਪਾਇਰੀ ਡੇਟ ਵੀ 2019 ਦੀ ਹੈ, ਉਸ ਨੂੰ ਠੀਕ ਸਮੇਂ ਤੇ ਬੋਇਆ ਵੀ ਗਿਆ ਪਰ ਪਿਆਜ ਦੇ ਬੂਟੇ ਨਹੀਂ ਲੱਗੇ। ਰਾਕੇਸ਼ ਨੇ ਖੇਤੀਬਾੜੀ ਵਿਭਾਗ ਦੇ ਬੀਜ ਦੀ ਗੁਣਵੱਤਾ ਉੱਤੇ ਸਵਾਲ ਚੁੱਕਦੇ ਹੋਏ ਨਿਜੀ ਕੰਪਨੀ ਦਾ ਬੀਜ ਵੀ ਦੱਸਿਆ ਜੋ ਨਾਲ ਦੇ ਖੇਤਾਂ ਵਿਚ ਹਰਾ-ਭਰਾ ਲਹਿਲਹਾ ਰਿਹਾ ਸੀ। ਰਾਕੇਸ਼ ਨੇ ਦੱਸਿਆ ਕਿ ਫਸਲ ਖ਼ਰਾਬ ਹੋਣ ਨਾਲ ਉਨ੍ਹਾਂ ਦੇ ਸੀਜਨ ਸਮੇਂ ਵਿਚ ਬਹੁਤ ਨੁਕਸਾਨ ਹੋਇਆ ਹੈ। ਕਿਉਂਕਿ ਹੁਣ ਪਿਆਜ ਦੀ ਪਨੀਰੀ ਨੂੰ ਖੇਤਾਂ ਵਿਚ ਲਗਾਉਣ ਦਾ ਕੰਮ ਸ਼ੁਰੂ ਹੋ ਜਾਵੇਗਾ।

ਅਜਿਹੇ ਵਿਚ ਬੀਜ ਦੇ ਖ਼ਰਾਬ ਹੋਣ ਦੀ ਸੂਰਤ ਵਿਚ ਉਨ੍ਹਾਂ ਨੂੰ ਨਿਰਾਸ਼ਾ ਹੀ ਹੱਥ ਲੱਗੀ ਹੈ। ਰਾਕੇਸ਼ ਨੇ ਮੰਗ ਚੁੱਕੀ ਹੈ ਕਿ ਸਰਕਾਰ ਕਿਸਾਨਾਂ ਨੂੰ ਠੀਕ ਅਤੇ ਉੱਤਮ ਗੁਣਵੱਤਾ ਵਾਲਾ ਬੀਜ ਉਪਲੱਬਧ ਕਰਵਾਏ। ਨਾਲ ਹੀ ਬੀਜ ਦੇ ਖ਼ਰਾਬ ਹੋਣ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾਵੇ। ਰਾਕੇਸ਼ ਨੇ ਸਰਕਾਰ ਤੋਂ ਨੁਕਸਾਨ ਦਾ ਮੁਆਵਜਾ ਦੇਣ ਦੀ ਵੀ ਮੰਗ ਕੀਤੀ ਹੈ।

ਉਥੇ ਹੀ ਜਦੋਂ ਇਸ ਬਾਰੇ ਵਿਚ ਖੇਤੀਬਾੜੀ ਵਿਭਾਗ ਮੰਡੀ ਦੇ ਡਿਪਟੀ ਡਾਇਰੈਕਟਰ ਰੂਪ ਲਾਲ ਚੁਹਾਨ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਧਿਆਨ ਵਿਚ ਇਹ ਪਹਿਲਾ ਮਾਮਲਾ ਆਇਆ ਹੈ, ਜਦੋਂ ਕਿ ਬਾਕਿ ਜਗ੍ਹਾਵਾਂ ਤੋਂ ਅਜਿਹੀ ਕੋਈ ਸ਼ਿਕਾਇਤ ਉਨ੍ਹਾਂ ਦੇ  ਕੋਲ ਨਹੀਂ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਮਾਮਲੇ ਨੂੰ ਲੈ ਕੇ ਖੇਤੀਬਾੜੀ ਵਿਭਾਗ ਦੇ ਡਾਇਰੈਕਟਰ ਨੂੰ ਲੇਟਰ ਭੇਜ ਦਿੱਤਾ ਗਿਆ ਹੈ ਅਤੇ ਨਾਲ ਹੀ ਕੰਪਨੀ ਤੋਂ ਵੀ ਇਸ ਬਾਰੇ ਵਿਚ ਜਾਣਕਾਰੀ ਦੇਣ ਨੂੰ ਕਿਹਾ ਗਿਆ ਹੈ।