Water filled in mukhtsar village fields

Punjab News:  ਇਥੋਂ ਨਾਲ ਦੇ ਪਿੰਡ ਕਾਉਣੀ ਰਕਬੇ ਵਿਚ ਲੰਘਦਾ ਦੋਦਾ ਰਜਬਾਹੇ ਵਿਚ ਬੀਤੀ ਸਵੇਰੇ ਦਿਨ ਚੜਨ ਸਾਰ ਪਾਣੀ ਜ਼ਿਆਦਾ ਆਉਣ ਕਾਰਨ ਪਾੜ ਪੈ ਗਿਆ, ਜਿਸ ਕਾਰਨ ਕਿਸਾਨਾਂ ਦੀ ਸੈਂਕੜੇ ਏਕੜ ਕਟਾਈ ਲਈ ਤਿਆਰ ਕਣਕ ਦੀ ਫ਼ਸਲ ਵਿਚ ਪਾਣੀ ਭਰ ਗਿਆ। ਕਿਸਾਨਾਂ ਨੇ ਭਾਰੀ ਨੁਕਸਾਨ ਖ਼ਦਸ਼ਾ ਜ਼ਾਹਰ ਕਰਦਿਆਂ।

ਹਾਜ਼ਰ ਪੀੜਤ ਕਿਸਾਨ ਆਗੂ ਅੰਗਰੇਜ ਸਿੰਘ ਕਾਉਣੀ, ਡੀ ਸੀ ਚੀਮਾਂ, ਗੋਲਡੀ ਬਰਾੜ, ਰਵਿੰਦਰ ਸਿੰਘ ਮੈਂਬਰ, ਰਛਪਾਲ ਸਿੰਘ, ਖੁਸ਼ਹਾਲ ਸਿੰਘ, ਮਿੱਠੂ ਸਿੰਘ, ਗੁਰਮੇਲ ਸਿੰਘ, ਗੁਰਜੰਟ ਸਿੰਘ ਅਤੇ ਬੂਟਾ ਸਿੰਘ, ਕੁਲਜੀਤ ਸਿੰਘ, ਕਰਮਜੀਤ ਕੰਗ ਆਦਿ ਨੇ ਨਹਿਰੀ ਵਿਭਾਗ ਦੀ ਅਣਗਹਿਲੀ ਦਸਦਿਆਂ ਮੁਆਵਜ਼ੇ ਦੀ ਮੰਗ ਕੀਤੀ ਹੈ। ਕਿਸਾਨਾਂ ਦਾ ਕਹਿਣਾ ਸੀ ਕਿ ਰਜਬਾਹੇ ਵਿਚ ਪਾੜ ਪੂਰਨ ਲਈ ਕੋਈ ਅਧਿਕਾਰੀ ਜਾਂ ਕੋਈ ਹੋਰ ਨਹੀਂ ਪੁੱਜਿਆ।

ਸਗੋਂ ਕਿਸਾਨਾਂ ਵਲੋਂ ਅਪਣੇ ਪੱਧਰ ਹੀ ਪਾੜ-ਪੂਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਇਸੇ ਹੀ ਰਜਬਾਹੇ ਵਿਚ ਪਿੰਡ ਦੋਦਾ ਦੇ ਰਕਬੇ ਵਿਚ ਵੀ ਪਾੜ ਪੈਣ ਕਾਰਨ 50 ਏਕੜ ਤੋਂ ਵਧ ਕਣਕ ਦੇ ਖੇਤਾਂ ਵਿਚ ਪਾਣੀ ਭਰ ਗਿਆ। ਇਥੋਂ ਦੇ ਕਿਸਾਨਾਂ ਨੇ ਵੀ ਰਜਬਾਹੇ ਵਿਚ ਪਾੜ ਦਾ ਕਾਰਨ ਵਿਭਾਗ ਦੀ ਅਣਗਹਿਲੀ ਅਤੇ ਪਾਣੀ ਓਵਰਫਲੋਅ ਦਸਿਆ ਹੈ।

ਨਹਿਰੀ ਵਿਭਾਗ ਦੇ ਸਬੰਧਤ ਐਸ ਡੀ ਓ ਨਾਲ ਰਾਬਤਾ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਵਲੋਂ ਪਾਣੀ ਦੀ ਘੱਟ ਵਰਤੋਂ ਹੋਣ ਕਰ ਕੇ ਪਿਛਲੇ ਮੋਘੇ ਬੰਦ ਕੀਤੇ ਜਾਣ ਕਾਰਨ ਰਜਬਾਹਾ ਟੁੱਟਿਆ ਹੈ, ਜਦਕਿ ਇਨ੍ਹਾਂ ਦਿਨਾਂ ਵਿਚ ਰਜਬਾਹੇ ਵਿਚ ਪਾਣੀ ਅੱਧੇ ਤੋਂ ਵੀ ਘੱਟ ਛੱਡਿਆ ਜਾਂਦਾ ਹੈ।