ਕਿਸਾਨ ਹੋ ਜਾਣ ਸਾਵਧਾਨ, ਯਾਦ ਰੱਖਣ 31 ਅਗਸਤ ਨਹੀਂ ਤਾਂ ਭਰਨਾ ਪਵੇਗਾ ਡਬਲ ਵਿਆਜ਼ 

Alert for farmers! Return the farm loan to the bank within 20 days

ਨਵੀਂ ਦਿੱਲੀ - ਜਿਹੜੇ ਕਿਸਾਨਾਂ ਨੇ ਕਿਸਾਨ ਕ੍ਰੇਡਿਟ ਕਾਰਡ 'ਤੇ ਲੋਨ ਲਿਆ ਹੈ ਉਹਨਾਂ ਲਈ ਵੱਡੀ ਖ਼ਬਰ ਹੈ ਦਰਅਸਲ ਉਹਨਾਂ ਨੂੰ 31 ਅਗਸਤ ਦੀ ਤਾਰੀਕ ਯਾਦ ਰੱਖਣੀ ਹੋਵੇਗੀ, ਨਹੀਂ ਤਾਂ ਡਬਲ ਵਿਆਜ ਦੇਣਾ ਪਵੇਗਾ। ਲੋਨ ਲੈਣ ਵਾਲੇ ਕਿਸਾਨਾਂ ਨੂੰ  ਅਗਲੇ 10 ਦਿਨ ਵਿਚ ਬੈਂਕ ਨੂੰ ਪੈਸਾ ਵਾਪਸ ਕਰਨਾ ਹੈ। ਅਜਿਹਾ ਨਾ ਕਰਨ ਉੱਤੇ 4 ਦੀ ਜਗ੍ਹਾ 7 ਫ਼ੀਸਦੀ ਵਿਆਜ ਦੇਣਾ ਪਵੇਗਾ।

ਲੌਕਡਾਉਨ ਵਿੱਚ ਦਿੱਤੀ ਗਈ ਸੀ ਮੁਹਲਤ
ਕਿਸਾਨਾਂ ਨੇ 31 ਮਾਰਚ ਤੱਕ ਲੋਨ ਵਾਪਸ ਕਰਨਾ ਸੀ ਪਰ ਮੋਦੀ ਸਰਕਾਰ ਨੇ ਤਾਲਾਬੰਦੀ ਨੂੰ ਦੇਖਦੇ ਹੋਏ ਕਿਸਾਨਾਂ ਨੂੰ 31 ਮਾਰਚ ਤੋਂ ਵਧਾ ਕੇ 31 ਮਈ ਤੱਕ ਦਾ ਮੌਕਾ ਦੇ ਦਿੱਤਾ ਸੀ। ਇਸ ਤੋਂ ਬਾਅਦ 31 ਮਈ ਦੀ ਤਾਰੀਕ ਨੂੰ ਵਧਾ ਕੇ 31 ਅਗਸਤ ਤੱਕ ਕਰ ਦਿੱਤਾ ਸੀ। ਹੁਣ ਤਾਰੀਖ ਅੱਗੇ ਵਧਣ ਦੀ ਆਸ ਘੱਟ ਗਈ ਹੈ।

KCC ਉੱਤੇ ਕਿਵੇਂ ਘੱਟ ਲੱਗਦਾ ਹੈ ਵਿਆਜ?
ਕਿਸਾਨ ਲਈ ਕੇਸੀਸੀ ਉੱਤੇ ਲਏ ਗਏ 3 ਲੱਖ ਰੁਪਏ ਤੱਕ ਦੇ ਲੋਨ ਦੀ ਵਿਆਜ ਦਰ ਉਝ ਤਾਂ 9 ਫ਼ੀਸਦੀ ਹੈ ਪਰ ਸਰਕਾਰ ਇਸ ਵਿਚ 2 ਫ਼ੀਸਦੀ ਸਬਸਿਡੀ ਦਿੰਦੀ ਹੈ।

ਇੰਜ ਬਣਾਓ ਕਿਸਾਨ ਕਰੈਡਿਟ ਕਾਰਡ
ਸਭ ਤੋਂ ਪਹਿਲਾਂ ਪੀਐਮ ਕਿਸਾਨ ਯੋਜਨਾ ਦੀ ਅਧਿਕਾਰਤ ਸਾਈਟ (pmkisan.gov.in) ਉੱਤੇ ਜਾਓ। ਇੱਥੇ ਕਿਸਾਨ ਕਰੈਡਿਟ ਕਾਰਡ ਦਾ ਫਾਰਮ ਡਾਊਨਲੋਡ ਕਰੋ। ਇਸ ਫਾਰਮ ਨੂੰ ਤੁਹਾਨੂੰ ਆਪਣੀ ਖੇਤੀਬਾੜੀ ਲਾਇਕ ਜ਼ਮੀਨ ਦੇ ਦਸਤਾਵੇਜ਼, ਫ਼ਸਲ ਦੀ ਡਿਟੇਲਜ਼ ਦੇ ਨਾਲ ਭਰਨਾ ਹੋਵੇਗਾ। ਇਹ ਜਾਣਕਾਰੀ ਦੇਣੀ ਹੋਵੇਗੀ ਕਿ ਤੁਸੀਂ ਕਿਸੇ ਹੋਰ ਬੈਂਕ ਜਾਂ ਸ਼ਾਖਾ ਤੋਂ ਕੋਈ ਕਿਸਾਨ ਕਰੈਡਿਟ ਕਾਰਡ ਨਹੀਂ ਬਣਵਾਇਆ ਹੈ। ਇਸ ਨੂੰ ਭਰ ਕੇ ਬੈਂਕ ਵਿੱਚ ਜਮਾਂ ਕਰੋ।

ਇਹਨਾਂ ਦਸਤਾਵੇਜ਼ ਦੀ ਜ਼ਰੂਰਤ - ਆਈਡੀ ਸਬੂਤ ਜਿਵੇਂ - ਵੋਟਰ ਕਾਰਡ , ਪੈਨ ਕਾਰਡ , ਪਾਸਪੋਰਟ , ਆਧਾਰ ਕਾਰਡ , ਡਰਾਈਵਿੰਗ ਲਾਇਸੈਂਸ। ਇਨ੍ਹਾਂ ਵਿਚੋਂ ਕੋਈ ਇੱਕ ਤੁਹਾਡਾ ਅਡਰੈਸ ਪਰੂਫ਼ ਵੀ ਬਣ ਸਕਦਾ ਹੈ।
ਕਿਸਾਨ ਕਰੈਡਿਟ ਕਾਰਡ ਕਿਸੇ ਵੀ ਕੋ-ਆਪਰੇਟਿਵ ਬੈਂਕ, ਖੇਤਰੀ ਪੇਂਡੂ ਬੈਂਕ ਤੋਂ ਹਾਸਲ ਕੀਤਾ ਜਾ ਸਕਦਾ ਹੈ। ਨਿੱਜੀ ਬੈਂਕ ਵੀ ਇਹ ਕਾਰਡ ਬਣਾਉਂਦੇ ਹਨ।