ਬਾਇਉਗੈਸ ਐਸੋਸੀਏਸ਼ਨ ਨੇ ਪਰਾਲੀ ਨੂੰ ਦਸਿਆ ਊਰਜਾ ਪੈਦਾ ਕਰਨ ਦਾ ਵੱਡਾ ਸਰੋਤ

Biogas Association calls stubble a major source of energy generation

ਨਵੀਂ ਦਿੱਲੀ: ਭਾਰਤੀ ਬਾਇਓਗੈਸ ਐਸੋਸੀਏਸ਼ਨ (ਆਈ.ਬੀ.ਏ.) ਨੇ ਕਿਹਾ ਕਿ ਕਿਸਾਨਾਂ ਵਲੋਂ ਸਾੜੇ ਜਾ ਰਹੇ 73 ਲੱਖ ਟਨ ਝੋਨੇ ਦੀ ਪਰਾਲੀ ਦੀ ਵਰਤੋਂ ਜੇਕਰ ਬਾਇਓਗੈਸ ਪਲਾਂਟਾਂ ਵਿਚ ਕੀਤੀ ਜਾਵੇ ਤਾਂ ਹਰ ਸਾਲ ਲਗਭਗ 270 ਕਰੋੜ ਰੁਪਏ ਦੀ ਨਵਿਆਉਣਯੋਗ ਗੈਸ ਪੈਦਾ ਹੋ ਸਕਦੀ ਹੈ।

ਆਈ.ਬੀ.ਏ. ਨੇ ਅਪਣੇ ਇਕ ਬਿਆਨ ਵਿਚ ਕਿਹਾ ਹੈ ਕਿ ਨਵੀਨਤਮ ਐਨਾਇਰੋਬਿਕ ਪਾਚਨ ਪ੍ਰਕਿਰਿਆਵਾਂ ਇਸ ਖੇਤੀਬਾੜੀ ਰਹਿੰਦ-ਖੂੰਹਦ ਨੂੰ ਕੁਸ਼ਲਤਾ ਨਾਲ ਸੰਪੀੜਤ ਬਾਇਓ-ਗੈਸ (ਸੀ.ਬੀ.ਜੀ.) ਵਿਚ ਬਦਲ ਸਕਦੀਆਂ ਹਨ, ਜੋ ਸਿੱਧੇ ਤੌਰ ਉਤੇ ਆਯਾਤ ਕੀਤੀ ਕੁਦਰਤੀ ਗੈਸ ਦੀ ਥਾਂ ਲੈ ਸਕਦੀ ਹੈ। ਬਿਆਨ ਅਨੁਸਾਰ ਊਰਜਾ ਤੋਂ ਇਲਾਵਾ, ਝੋਨੇ ਦੀ ਪਰਾਲੀ ਬਾਇਓਈਥੇਨੌਲ ਉਤਪਾਦਨ ਲਈ ਵੀ ਸ਼ਾਨਦਾਰ ਹੈ ਕਿਉਂਕਿ ਇਸ ਵਿਚ 40 ਫ਼ੀ ਸਦੀ ਸੈਲੂਲੋਜ਼ ਦੀ ਮਾਤਰਾ ਹੈ।

ਆਈ.ਬੀ.ਏ. ਨੇ ਦਾਅਵਾ ਕੀਤਾ ਕਿ ਇਸ ਵਿਚ 1,600 ਕਰੋੜ ਰੁਪਏ ਦੇ ਆਯਾਤ ਬਦਲ ਪ੍ਰਾਪਤ ਕਰਨ ਦੀ ਸਮਰੱਥਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਬਾਕੀ 20 ਫ਼ੀ ਸਦੀ ਲਿਗਨਿਨ ਹਿੱਸੇ ਨਾਲ ਪੌਲੀਮਰ, ਐਕਟੀਵੇਟਿਡ ਕਾਰਬਨ, ਗ੍ਰਾਫਿਨ ਅਤੇ ਰਾਲ ਵਰਗੇ ਉੱਚ ਮੁੱਲ ਵਾਲੇ ਉਤਪਾਦ ਪੈਦਾ ਹੋ ਸਕਦੇ ਹਨ। ਬਿਆਨ ਮੁਤਾਬਕ ਇਸ ਸਮੇਂ ਸਾੜੀ ਜਾ ਰਹੀ 73 ਲੱਖ ਟਨ ਝੋਨੇ ਦੀ ਪਰਾਲੀ ਨੂੰ ਬਾਇਓਗੈਸ ਪਲਾਂਟਾਂ ’ਚ ਤਬਦੀਲ ਕਰਨ ਨਾਲ ਹਰ ਸਾਲ 270 ਕਰੋੜ ਰੁਪਏ ਦੀ ਨਵਿਆਉਣਯੋਗ ਗੈਸ ਪੈਦਾ ਹੋ ਸਕਦੀ ਹੈ।

ਐਸੋਸੀਏਸ਼ਨ ਨੇ ਕਿਹਾ ਕਿ ਇਸ ਨੀਤੀ ਨਾਲ 37,500 ਕਰੋੜ ਰੁਪਏ ਦੇ ਨਿਵੇਸ਼ ਨੂੰ ਆਕਰਸ਼ਿਤ ਕਰਨ ਅਤੇ 2028-29 ਤਕ ਦੇਸ਼ ਵਿਚ 750 ਸੀ.ਬੀ.ਜੀ. ਪ੍ਰਾਜੈਕਟਾਂ ਦੀ ਸਥਾਪਨਾ ਦੀ ਸਹੂਲਤ ਮਿਲਣ ਦੀ ਸੰਭਾਵਨਾ ਹੈ। ਵਧੇਰੇ ਮਹੱਤਵਪੂਰਣ ਗੱਲ ਇਹ ਹੈ ਕਿ ਇਹ ਐਲ.ਐਨ.ਜੀ. ਵਲ ਇਕ ਆਯਾਤ-ਬਦਲ ਦੀ ਚਾਲ ਨੂੰ ਦਰਸਾਉਂਦਾ ਹੈ, ਘਰੇਲੂ ਸਰੋਤਾਂ ਤੋਂ ਊਰਜਾ ਸੁਰੱਖਿਆ ਦਾ ਨਿਰਮਾਣ ਕਰ ਕੇ ਕੀਮਤੀ ਵਿਦੇਸ਼ੀ ਮੁਦਰਾ ਦੀ ਬਚਤ ਨੂੰ ਯਕੀਨੀ ਬਣਾਉਂਦਾ ਹੈ। (ਪੀਟੀਆਈ)