ਨਵੀਂ ਦਿੱਲੀ, 9 ਸਤੰਬਰ
(ਸੁਖਰਾਜ ਸਿੰਘ): ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਵਸੰਤ ਵਿਹਾਰ ਦੇ ਚੇਅਰਮੈਨ ਜਥੇਦਾਰ
ਉਂਕਾਰ ਸਿੰਘ ਥਾਪਰ ਦੀ ਪ੍ਰਧਾਨਗੀ ਹੇਠ ਇਕ ਵਿਸ਼ੇਸ਼ ਇਕੱਤਰਤਾ ਹੋਈ। ਜਿਸ ਵਿਚ ਜਥੇ. ਥਾਪਰ
ਅਤੇ ਹੋਰ ਸਾਰੇ ਪ੍ਰਬੰਧਕੀ ਮੈਂਬਰਾਂ ਨੇ ਹਿੱਸਾ ਲਿਆ।
ਇਸ ਇਕੱਤਰਤਾ ਵਿੱਚ
ਜਥੇਦਾਰ ਉਂਕਾਰ ਸਿੰਘ ਥਾਪਰ ਤੋਂ ਇਲਾਵਾ ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ ਦੀ ਮੈਨੇਜਰ
ਸਰਦਾਰਨੀ ਸੁਪ੍ਰੀਤ ਕੌਰ, ਪ੍ਰਿੰਸੀਪਲ ਮੈਡਮ ਸੁਖਵੰਤ ਕੌਰ, ਰਵਿੰਦਰ ਸਿੰਘ ਖੁਰਾਨਾ ਸਾਬਕਾ
ਸੀਨੀਅਰ ਮੀਤ ਪ੍ਰਧਾਨ, ਸਤਪਾਲ ਸਿੰਘ, ਸਾਬਕਾ ਮੀਤ ਪ੍ਰਧਾਨ, (ਦਿੱਲੀ ਸਿੱਖ ਗੁਰਦਵਾਰਾ
ਪ੍ਰਬੰਧਕ ਕਮੇਟੀ) ਸਕੂਲ ਦੇ ਵਾਈਸ ਚੇਅਰਮੈਨ ਗੁਰਮੀਤ ਸਿੰਘ ਫ਼ੈਡਰੇਸ਼ਨ ਅਤੇ ਹੋਰ ਪਤਵੰਤੇ
ਸੱਜਣਾਂ ਨੇ ਹਿੱਸਾ ਲਿਆ। ਇਕੱਤਰਤਾ ਤੋਂ ਬਾਅਦ ਗੁਰਦਵਾਰਾ ਸਾਹਿਬ ਲਈ ਜਗ੍ਹਾ ਫਾਈਨਲ
ਕੀਤੀ, ਕਿਉਂਕਿ ਸਕੂਲ 'ਚ ਗੁਰੂਘਰ ਦੀ ਕੋਈ ਥਾਂ ਨਿਸ਼ਚਿਤ ਨਹੀਂ ਸੀ। ਸਕੂਲ ਦਾ ਸਾਲਾਨਾ
ਪ੍ਰੋਗਰਾਮ ਉਲੀਕਣ ਸਬੰਧੀ ਵੀ ਵਿਚਾਰਾਂ ਕੀਤੀਆਂ ਗਈਆਂ।
ਇਸ ਮੌਕੇ ਜਥੇ. ਥਾਪਰ ਦੇ ਵਿਆਹ
ਦੀ ਵਰ੍ਹੇ ਗੰਢ ਹੋਣ ਕਰ ਕੇ ਮੈਨੇਜਰ ਬੀਬਾ ਸੁਪ੍ਰੀਤ ਕੌਰ, ਪ੍ਰਿੰਸੀਪਲ ਸੁਖਵੰਤ ਕੌਰ,
ਰਵਿੰਦਰ ਸਿੰਘ ਖੁਰਾਨਾ ਤੇ ਸਤਪਾਲ ਸਿੰਘ ਨੇ ਫੁੱਲਾਂ ਦਾ ਗੁਲਦਸਤਾ ਦੇ ਕੇ ਵਧਾਈ ਦਿਤੀ।