ਨਵੀਂ ਦਿੱਲੀ, 2 ਸਤੰਬਰ (ਸੁਖਰਾਜ
ਸਿੰਘ): ਗੁਰੂ ਹਰਿਕ੍ਰਿਸ਼ਨ ਪਬਲਿਕ ਸਕੂਲ, ਨਾਨਕ ਪਿਆਓ ਵਿਖੇ ਚੁਣੇ ਗਏ ਪ੍ਰੀਫੈਕਟਸ
ਬੱਚਿਆਂ ਨੂੰ ਸਹੁੰ ਚੁਕਾਉਣ ਦੇ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਜਿਸ ਦੇ ਮੁੱਖ ਮਹਿਮਾਨ
ਸਕੂਲ ਮੈਨੇਜਰ ਸਰਵਜੀਤ ਸਿੰਘ ਵਿਰਕ ਸਨ। ਇਸ ਮੌਕੇ ਬਾਬਾ ਅਜੀਤ ਸਿੰਘ ਹਾਊਸ, ਬਾਬਾ ਜੁਝਾਰ
ਸਿੰਘ ਹਾਊਸ, ਬਾਬਾ ਜੋਰਾਵਰ ਸਿੰਘ ਹਾਊਸ ਅਤੇ ਬਾਬਾ ਫਤਹਿ ਸਿੰਘ ਹਾਊਸ ਲਈ ਚੁਣੇ ਗਏ ਹੈਡ
ਬੁਆਇਜ ਅਤੇ ਹੈਡ ਗਰਲਜ ਨੂੰ ਪ੍ਰਿੰਸੀਪਲ ਭੁਪਿੰਦਰਜੀਤ ਸਿੰਘ ਗੁਲਸ਼ਨ ਅਤੇ ਸਰਵਜੀਤ ਸਿੰਘ
ਵਿਰਕ ਨੇ ਪੱਗਾਂ, ਚੁੰਨੀਆਂ ਅਤੇ ਤਮਗ਼ੇ ਦੇ ਕੇ ਜ਼ਿੰਮੇਵਾਰੀ ਦੀ ਸਹੁੰ ਚੁਕਵਾਈ ਅਤੇ ਚੁਣੇ
ਗਏ ਬੱਚਿਆਂ ਨੂੰ ਬਿਨ੍ਹਾਂ ਕਿਸੇ ਪੱਖਪਾਤ ਦੇ ਦਿਤੀ ਗਈ ਜ਼ਿੰਮੇਵਾਰੀ ਪੂਰੀ ਕਰਨ ਦੀ
ਪ੍ਰੇਰਨਾ ਦਿਤੀ ਗਈ। ਇਸ ਦੇ ਨਾਲ ਹੀ ਬੱਚਿਆਂ ਨੂੰ ਆਉਣ ਵਾਲੇ ਭਵਿੱਖ ਵਿਚ ਅਪਣਾ ਫ਼ਰਜ
ਨਿਭਾਉਣ ਲਈ ਹਮੇਸ਼ਾ ਚੇਤੰਨ ਰਹਿਣ ਲਈ ਸੁਚੇਤ ਵੀ ਕੀਤਾ।
ਇਸ ਮੌਕੇ ਚੁਣੇ ਗਏ ਹੈਡ
ਬੁਆਇਜ ਅਤੇ ਹੈਡ ਗਰਲਜ ਨੇ ਕਿਹਾ ਕਿ ਸਾਨੂੰ ਜੋ ਜ਼ਿੰਮੇਵਾਰੀ ਸੌਂਪੀ ਗਈ ਹੈ ਅਸੀਂ ਇਸ ਨੂੰ
ਇਮਾਨਦਾਰੀ ਤੇ ਪੂਰੀ ਤਨਦੇਹੀ ਨਾਲ ਨਿਭਾਉਣ ਦਾ ਪੂਰਾ-ਪੂਰਾ ਯਤਨ ਕਰਾਂਗੇ।