ਨਵੀਂ ਦਿੱਲੀ, 10
ਸਤੰਬਰ (ਸੁਖਰਾਜ ਸਿਘ): ਦਿਆਲ ਸਿੰਘ (ਈ.) ਕਾਲਜ ਦੇ ਪੰਜਾਬੀ ਵਿਭਾਗ ਦੀ 'ਪੰਜਾਬੀ ਵਿਰਸਾ
ਸੁਸਾਇਟੀ' ਦੇ ਅਹੁਦੇਦਾਰਾਂ ਦੀ ਚੋਣ ਵਿਚ ਗੁਰਕੀਰਤ ਸਿੰਘ ਨੂੰ ਪ੍ਰਧਾਨ ਤੇ ਵਿਸ਼ਾਲ ਸ਼ਰਮਾ
ਨੂੰ ਉਪ-ਪ੍ਰਧਾਨ ਚੁਣਿਆਂ ਗਿਆ।ਮਨਪ੍ਰੀਤ ਸਿੰਘ ਸੈਨੀ ਜਨਰਲ ਸਕੱੱਤਰ, ਅੰਕਿਤਾ ਜਸਰੋਟੀਆ
ਸਕੱੱਤਰ, ਸੁਖਮਨਦੀਪ ਸਿੰਘ ਜੁਆਇੰਟ ਸਕੱੱਤਰ, ਅਰਪਿਤਾ ਸ਼ਰਮਾ ਮੀਡੀਆ ਸਕੱੱਤਰ, ਮਨਦੀਪ
ਸਿੰਘ ਖਜਾਨਚੀ, ਬਲਜਿੰਦਰ ਸਿੰਘ ਪੀ. ਆਰ. ਹੈੱੱਡ, ਅਮਨ ਕੁਮਾਰ ਸਿੰਘ ਪੀ. ਆਰ. ਸਕੱੱਤਰ,
ਪ੍ਰੀਤ ਸਿੰਘ ਫੰਕਸ਼ਨਲ ਤੇ ਮੈਨੇਜਮੈਂਟ ਹੈੱੱਡ ਅਤੇ ਸਾਹਿਲ ਬੰਸਲ ਫੰਕਸ਼ਨਲ ਤੇ ਮੈਨੇਜਮੈਂਟ
ਸਕੱੱਤਰ ਚੁਣੇ ਗਏ।
ਆਕਾਸ਼ ਦੇਵਨ, ਜਸਪ੍ਰੀਤ ਸਿੰਘ ਸਿਆਲੀ ਤੇ ਜਗਦੀਪ ਸਿੰਘ ਨੂੰ ਬੀ.ਏ.
ਦੀਆਂ ਜਮਾਤਾਂ ਦੇ ਵਿਦਿਆਰਥੀ ਕੋਆਰਡੀਨੇਟਰ ਨਿਯੁਕਤ ਕੀਤਾ ਗਿਆ। ਗਿਆਰਾਂ ਵਿਦਿਆਰਥੀ
ਐਗ਼ਜ਼ੀਕਿਊਟਿਵ ਦੇ ਮੈਂਬਰ ਬਣਾਏ ਗਏ ਹਨ। ਇਹ ਜਾਣਕਾਰੀ ਪੰਜਾਬੀ ਵਿਭਾਗ ਦੇ ਮੁਖੀ ਡਾ.
ਪ੍ਰਿਥਵੀ ਰਾਜ ਥਾਪਰ ਨੇ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਪ੍ਰਿੰਸੀਪਲ ਡਾ. ਪਵਨ ਕੁਮਾਰ ਸ਼ਰਮਾ
ਦੀ ਸਰਪ੍ਰਸਤੀ ਵਾਲੀ ਇਸ ਸੁਸਾਇਟੀ ਨੇ ਪਿਛਲੇ ਕਈ ਵਰ੍ਹਿਆਂ ਵਿਚ ਪੰਜਾਬੀ ਦੇ ਕਈ
ਪ੍ਰੋਗਰਾਮ ਕਰਵਾਏ ਹਨ। ਇਨ੍ਹਾਂ ਪ੍ਰੋਗਰਾਮਾਂ ਵਿਚ ਪੰਜਾਬੀ ਕੁਇਜ਼ 'ਸੌ ਸਵਾਲ', ਸੈਮੀਨਾਰ
ਤੇ ਹੋਰ ਪ੍ਰਤੀਯੋਗਤਾਵਾਂ ਸ਼ਾਮਲ ਹਨ। ਇਸ ਵਰ੍ਹੇ ਵੀ ਸੁਸਾਇਟੀ ਵਲੋਂ ਪ੍ਰੋਗਰਾਮ ਉਲੀਕੇ ਗਏ
ਹਨ। ਕਾਲਜ ਵਿਚ ਬੀ. ਕਾੱੱਮ ਤੇ ਬੀ. ਏ. ਪ੍ਰੋਗਰਾਮ ਵਿਚ ਪੰਜਾਬੀ ਦੇ ਪੰਜਾਹ ਤੋਂ ਵੱੱਧ
ਵਿਦਿਆਰਥੀ ਹਨ।