(ਪਨੇਸਰ ਹਰਿੰਦਰ) - ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਬੜੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਇੱਕ ਡੇਰਾ ਸਿਰਸਾ ਪ੍ਰੇਮੀ ਸੱਪ ਨੂੰ ਪਲਾਸਟਿਕ ਦੇ ਡੱਬੇ ਵਿੱਚ ਪਾ ਕੇ ਬੈਠਾ ਪੱਤਰਕਾਰਾਂ ਨੂੰ ਵੰਗਾਰਦਾ ਦਿਖਾਈ ਦੇ ਰਿਹਾ ਹੈ। ਇਸ ਸੌਦਾ ਭਗਤ ਦਾ ਕਹਿਣਾ ਹੈ ਕਿ ਉਸਨੇ ਇਹ ਜ਼ਹਿਰੀਲਾ ਸੱਪ ਉਸਨੇ ਬੜੀ ਮਿਹਨਤ ਨਾਲ ਫੜਿਆ ਹੈ।
ਜਿਸਨੂੰ ਕਿ ਡੰਡੇ ਦੀ ਇੱਕ ਚੋਟ ਨਾਲ ਮਾਰਿਆ ਜਾ ਸਕਦਾ ਸੀ। ਸੌਦਾ ਭਗਤ ਨੇ ਕਿਹਾ ਕਿ ਜੇਕਰ ਪੱਤਰਕਾਰਾਂ ਵਿੱਚ ਦਮ ਹੈ ਤਾਂ ਇਹ ਵੀ ਦਿਖਾਉਣ ਕੇ ਜਿਸ ਸੱਪ ਨੂੰ ਡੰਡੇ ਦੀ ਇੱਕ ਚੋਟ ਨਾਲ ਮਾਰਿਆ ਜਾ ਸਕਦਾ ਸੀ ਉਸਨੂੰ ਅਸੀਂ ਬੜੀ ਅੱਧੇ ਘੰਟੇ ਦੀ ਮਿਹਨਤ ਨਾਲ ਜਿਉਂਦਾ ਫੜਿਆ ਹੈ ਅਤੇ ਸੁਰੱਖਿਅਤ ਥਾਂ 'ਤੇ ਛੱਡਿਆ ਜਾਵੇਗਾ।
ਇਸਦੇ ਦੱਸਣ ਅਨੁਸਾਰ ਇਸ ਸੱਪ ਦੇ ਸਪਰਸ਼ ਨਾਲ ਅੱਧੇ ਘੰਟੇ ਵਿੱਚ ਵਿਅਕਤੀ ਦੀ ਮੌਤ ਹੋ ਸਕਦੀ ਸੀ। ਪੱਤਰਕਾਰਾਂ ਦੁਆਰਾ ਬੀਤੇ ਦਿਨਾਂ ਵਿੱਚ ਸੌਦਾ ਸਾਧ ਦੇ ਕਾਲੇ ਕਾਰਨਾਮਿਆਂ ਦੇ ਪਾਜ ਉਧੇੜਨ ਤੋਂ ਖਿਝੇ ਇਸ ਭਗਤ ਨੇ ਇਸ 'ਚੰਗੇ' ਕੰਮ ਪਿੱਛੇ 'ਡਾ.ਐਮ.ਐਸ.ਜੀ'. ਦੀ ਪ੍ਰੇਰਨਾ ਦਾ ਹਵਾਲਾ ਦਿੱਤਾ। ਸੌਦਾ ਭਗਤ ਦਾ ਕਹਿਣਾ ਸੀ ਕਿ ਉਹ ਆਪਣੇ 'ਗੁਰੂ ਦੇ ਹੁਕਮ' ਨਾਲ ਜ਼ਹਿਰੀਲੇ ਸੱਪਾਂ ਨੂੰ ਫੜ ਸਕਦੇ ਹਨ।
ਇਸ ਸੌਦਾ ਭਗਤ ਨੇ ਗੁਰਬਾਣੀ ਦਾ ਹਵਾਲਾ ਦਿੰਦਿਆਂ ਪੱਤਰਕਾਰਾਂ ਨੂੰ ਝੂਠ ਦਾ ਪਿੱਛਾ ਛੱਡ ਸੱਚ ਦਾ ਸਾਥ ਦੇਣ ਦੀ ਗੱਲ ਕਹੀ ਪਰ ਉਸਦਾ ਇਸ਼ਾਰਾ ਬਲਾਤਕਾਰ ਦੇ ਦੋਸ਼ ਸਾਬਿਤ ਹੋਣ ਤੋਂ ਮੀਡੀਆ ਦਾ ਨਿਸ਼ਾਨਾ ਬਣੇ ਸੌਦਾ ਸਾਧ ਵੱਲ੍ਹ ਸੀ। ਅੰਤ ਵਿੱਚ ਇਸਨੇ ਪੱਤਰਕਾਰਾਂ ਨੂੰ ਸੱਪ ਫੜਨ ਦੀ ਚੁਣੌਤੀ ਵੀ ਦਿੱਤੀ।