ਇੰਝ ਕਰੋ ਲੱਕੜ ਦੇ ਫਰਸ਼ ਦੀ ਸੰਭਾਲ
ਇਨ੍ਹੀਂ ਦਿਨੀਂ ਲੱਕੜ ਦਾ ਫਰਸ਼ ਰੁਝਾਨ ਵਿਚ ਹੈ। ਜੇ ਤੁਹਾਡੇ ਘਰ ਵਿਚ ਵੀ ਲੱਕੜ ਦੀ ਫਰਸ਼ ਹੈ, ਤਾਂ ਇਹ ਜਾਣਨਾ ਮਹੱਤਵਪੂਰਣ ਹੈ...
ਇਨ੍ਹੀਂ ਦਿਨੀਂ ਲੱਕੜ ਦਾ ਫਰਸ਼ ਰੁਝਾਨ ਵਿਚ ਹੈ। ਜੇ ਤੁਹਾਡੇ ਘਰ ਵਿਚ ਵੀ ਲੱਕੜ ਦੀ ਫਰਸ਼ ਹੈ, ਤਾਂ ਇਹ ਜਾਣਨਾ ਮਹੱਤਵਪੂਰਣ ਹੈ ਕਿ ਤੁਸੀਂ ਇਸ ਦੀ ਦੇਖਭਾਲ ਕਿਵੇਂ ਕਰ ਸਕਦੇ ਹੋ। ਤਾਂ ਕਿ ਇਹ ਲੰਬੇ ਸਮੇਂ ਤੱਕ ਰਹੇ ਅਤੇ ਸੁੰਦਰਤਾ 'ਤੇ ਵੀ ਮਸੇਂ ਦਾ ਅਸਰ ਨਾ ਪਵੇ।
ਖ਼ਾਸਕਰ ਸਰਦੀਆਂ ਵਿਚ ਵੁਡੇਨ ਯਾਨੀ ਕਿ ਹਾਰਡਵੁਡ ਦੇ ਫਰਸ਼ ਨੂੰ ਨੁਕਸਾਨ ਹੋਣ ਦੀ ਵਧੇਰੇ ਸੰਭਾਵਨਾ ਹੁੰਦੀ ਹੈ। ਸਰਦੀਆਂ ਵਿਚ ਲੱਕੜ ਦੇ ਬਣੇ ਫਰਸ਼ ਨੂੰ ਬਣਾਈ ਰੱਖਣ ਲਈ ਇਨ੍ਹਾਂ ਸੁਝਾਆਂ ਦੀ ਕੋਸ਼ਿਸ਼ ਕਰ ਸਕਦੇ ਹੋ। ਘੱਟ ਨਮੀ ਦੇ ਪੱਧਰ ਕਾਰਨ ਲੱਕੜ ਦਾ ਫਰਸ਼ ਸੁੰਗੜ ਸਕਦਾ ਹੈ।
ਜਿਸ ਕਾਰਨ ਦਰਾਰਾਂ ਜਾਂ ਫਰਸ਼ ਵਿਚਕਾਰ ਖਾਲੀ ਜਗ੍ਹਾ ਬਣ ਜਾਂਦੀ ਹੈ। ਇਸ ਲਈ ਘਰ ਵਿਚ ਥਰਮੋਸਟੇਟ ਲਗਾਣਾ ਚਾਹੀਦਾ ਹੈ। ਤਾਂ ਜੋ ਤਾਪਮਾਨ ਨੂੰ ਨਿਯੰਤਰਿਤ ਕੀਤਾ ਜਾ ਸਕੇ। ਅਕਸਰ ਥਰਮੋਸਟੇਟ ਦੇ ਤਾਪਮਾਨ ਨੂੰ ਵਧਾਉਣਾ ਜਾਂ ਘਟਾਉਣਾ ਨਹੀਂ ਚਾਹੀਦਾ।
ਫਰਸ਼ ਦੀ ਚਮਕ ਨੂੰ ਬਰਕਰਾਰ ਰੱਖਣ ਲਈ ਜੁੱਤੀਆਂ ਦੇ ਰੈਕ ਵਿਚ ਆਪਣੇ ਜੁੱਤੇ ਰੱਖੋ। ਆਪਣੇ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਨੂੰ ਬੇਨਤੀ ਕਰੋ ਕਿ ਉਹ ਜੁੱਤੀਆਂ ਨੂੰ ਦਰਵਾਜ਼ੇ ‘ਤੇ ਖੋਲ੍ਹ ਕੇ ਹੀ ਘਰ ਵਿਚ ਦਾਖਲ ਹੋਣ। ਘਰ ਦੇ ਜਿਨ੍ਹਾਂ ਹਿੱਸਿਆਂ ਵਿਚ ਜ਼ਿਆਦਾ ਆਵਾਜਾਹੀ ਰਹਿੰਦੀ ਹੈ।
ਉੱਥੇ ਫਰਸ਼ ਉੱਤੇ ਕਾਰਪੇਟ, ਦਰੀ ਜਾਂ ਫਲੋਰ ਮੈਟ ਬਿਛਾ ਦਿਓ। ਇਸ ਨਾਲ ਗੰਦੇ ਜੁੱਤੇ ਅਤੇ ਗੰਦੇ ਪੈਰਾਂ ਨਾਲ ਗੰਦਗੀ ਫੈਲਣ ਦੀ ਸੰਭਾਵਨਾ ਘੱਟ ਹੋ ਜਾਂਦੀ ਹੈ। ਫਰਸ਼ ‘ਤੇ ਪਾਣੀ, ਧੂੜ, ਚਿੱਕੜ ਹੋਣ ਜਾਂ ਨਮਕ ਆਦਿ ਡਿੱਗਣ ‘ਤੇ ਇਸ ਨੂੰ ਨਰਮ ਤੌਲੀਏ ਨਾਲ ਸਾਫ਼ ਕਰੋ। ਧੂੜ, ਗੰਦਗੀ ਨੂੰ ਰੋਕਣ ਲਈ ਰੋਜ਼ਾਨਾ ਵੈੱਕਯੁਮ ਕਲੀਨਰ ਜਾਂ ਝਾੜੂ ਨਾਲ ਸਾਫ ਕਰੋ।
ਕਿਉਂਕਿ ਅਜਿਹਾ ਨਾ ਕਰਨ ਨਾਲ ਫਰਸ਼ ‘ਤੇ ਨਿਸ਼ਾਨ ਪੈ ਸਕਦੇ ਹਨ ਅਤੇ ਫਰਸ਼ ਦੀ ਚਮਕ ਵੀ ਖਤਮ ਹੋ ਸਕਦੀ ਹੈ। ਫਰਸ਼ ਸਾਫ਼ ਕਰਨ ਲਈ ਇੱਕ ਫਲੋਰ ਕਲੀਨਰ ਅਤੇ ਚਮਕ ਨੂੰ ਬਰਕਰਾਰ ਰੱਖਣ ਲਈ ਚੰਗੀ ਕੰਪਨੀ ਦੀ ਵੈਕਸ ਪਾਲਿਸ਼ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।