ਆਲੂ ਦੇ ਆਈਸ ਕਿਊਬ ਤੋਂ ਮਿਲੇਗੀ ਬਿਨਾਂ ਦਾਗ਼ ਵਾਲੀ ਚਮੜੀ, ਇੰਝ ਕਰੋ ਵਰਤੋਂ
ਆਲੂ ਚਿਹਰੇ ਦੇ ਧੱਬਿਆਂ ਨੂੰ ਦੂਰ ਕਰਨ ਲਈ ਬਹੁਤ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ
ਆਲੂ ਚਿਹਰੇ ਦੇ ਧੱਬਿਆਂ ਨੂੰ ਦੂਰ ਕਰਨ ਲਈ ਬਹੁਤ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਆਲੂ ਦਾ ਜੂਸ ਨਾ ਸਿਰਫ ਚਿਹਰੇ ਨੂੰ ਬੇਦਾਗ਼ ਬਣਾਉਂਦਾ ਹੈ ਬਲਕਿ ਅੱਖਾਂ ਦੇ ਆਲੇ ਦੁਆਲੇ ਕਾਲੇ ਚੱਕਰ ਵੀ ਦੂਰ ਕਰ ਦਿੰਦਾ ਹੈ।
ਆਲੂ ਚਿਹਰੇ ਦੀਆਂ ਝੁਰੜੀਆਂ ਦੂਰ ਕਰਨ ਵਿਚ ਵੀ ਮਦਦ ਕਰਦਾ ਹੈ। ਉੱਥੇ ਹੀ ਆਈਸ ਕਿਊਬ ਚਿਹਰੇ ਨੂੰ ਠੰਡਾ ਕਰਦਾ ਹੈ। ਆਇਸ ਕਿਊਬ ਨਾਲ ਮੁਹਾਸੇ ਤੋਂ ਲੈ ਕੇ ਤੇਲਯੁਕਤ ਚਮੜੀ ਤੱਕ ਦੀਆਂ ਕਈ ਸਮੱਸਿਆਵਾਂ 'ਤੇ ਕਾਬੂ ਪਾਇਆ ਜਾ ਸਕਦਾ ਹੈ।
ਆਲੂ ਆਈਸ ਕਿਊਬ ਦੇ ਫਾਇਦੇ- ਆਲੂ ਅਤੇ ਆਈਸ ਕਿਊਬ ਵੱਖੋ ਵੱਖਰੇ ਤਰੀਕਿਆਂ ਨਾਲ ਚਮੜੀ ਨੂੰ ਲਾਭ ਪਹੁੰਚਾਉਂਦੇ ਹਨ। ਇਨ੍ਹਾਂ ਦੋਵਾਂ ਦਾ ਮਿਸ਼ਰਣ ਯਾਨੀ ਆਲੂ ਆਈਸ ਕਿਊਬ ਚਮੜੀ ਦੀਆਂ ਕਈ ਸਮੱਸਿਆਵਾਂ ਨੂੰ ਦੂਰ ਸਕਦਾ ਹੈ। ਇਹ ਨਾ ਸਿਰਫ ਚਿਹਰੇ ਨੂੰ ਨਿਖਾਰਦਾ ਹੈ ਬਲਕਿ ਧੁੱਪ, ਜਲਣ ਜਾਂ ਸੋਜ ਵਰਗੀਆਂ ਸਮੱਸਿਆਵਾਂ ਤੋਂ ਵੀ ਰਾਹਤ ਦਿੰਦਾ ਹੈ।
ਆਲੂ ਆਈਸ ਕਿਊਬ ਜੰਮਾਣ ਦਾ ਤਰੀਕਾ- ਆਲੂ ਦੇ ਰਸ ਵਿਚ ਥੋੜ੍ਹਾ ਜਿਹਾ ਨਿੰਬੂ ਦਾ ਰਸ ਮਿਲਾਓ ਅਤੇ ਇਸ ਨੂੰ ਫ੍ਰੀਜ਼ਰ ਵਿਚ ਰੱਖੋ। ਘੱਟੋ ਘੱਟ ਦੋ ਦਿਨਾਂ ਬਾਅਦ ਇਸਨੂੰ ਬਾਹਰ ਕੱਢੋ।
ਇਕ ਗੱਲ ਧਿਆਨ ਵਿਚ ਰੱਖੋ ਕਿ ਕਦੇ ਵੀ ਆਲੂ ਆਈਸ ਕਿਊਬ ਨੂੰ ਸਿੱਧੇ ਚਿਹਰੇ 'ਤੇ ਨਾ ਲਗਾਓ। ਇਸ ਨੂੰ ਰੁਮਾਲ ਜਾਂ ਸਾਫ਼ ਕੱਪੜੇ ਨਾਲ ਲਪੇਟੋ ਅਤੇ ਚਿਹਰੇ 'ਤੇ ਨਰਮੀ ਨਾਲ ਲਗਾਓ।
ਇਸ ਨੂੰ ਚਿਹਰੇ 'ਤੇ ਅਤੇ ਨਾਲ ਹੀ ਗਲ਼ੇ 'ਤੇ ਲਗਾਓ। ਇੱਕ ਦਿਨ ਵਿਚ ਸਿਰਫ ਇੱਕ ਆਈਸ ਕਿਊਬ ਲਗਾਓ। ਥੋੜ੍ਹੀ ਦੇਰ ਬਾਅਦ ਆਪਣੇ ਚਿਹਰੇ ਨੂੰ ਠੰਡੇ ਪਾਣੀ ਨਾਲ ਧੋ ਲਓ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।