tattoo

ਅੱਜ ਕੱਲ ਨੌਜਵਾਨਾਂ ਤੋਂ ਲੈ ਕੇ ਹਰ ਵਰਗ ਦੇ ਲੋਕਾਂ 'ਚ ਟੈਟੂ ਬਣਵਾਉਣ ਦਾ ਚਲਣ ਵਧ ਰਿਹਾ ਹੈ। ਜ਼ਿੰਦਗੀ 'ਚ ਕਈ ਕਾਰਨ ਹੁੰਦੇ ਹਨ ਜਦੋਂ ਕੋਈ ਟੈਟੂ ਬਣਵਾਉਣਾ ਚਾਉਂਦਾ ਹੈ। ਕੋਈ ਅਪਣੇ ਪਿਆਰ ਨੂੰ ਉਸ ਟੈਟੂ 'ਚ ਦਿਖਾ ਰਿਹਾ ਹੁੰਦਾ ਹੈ ਤਾਂ ਕੋਈ ਜ਼ਿੰਦਗੀ ਬਹੁਤ ਸਾਰੇ ਪੜਾਅ ਨੂੰ ਦਿਖਾ ਰਿਹਾ ਹੁੰਦਾ ਹੈ। ਸੋਚ ਤਾਂ ਲਿਆ ਕਿ ਟੈਟੂ ਕਰਵਾਉਣਾ ਹੈ ਪਰ ਬਣਦੇ ਸਮੇਂ ਕਿੰਨਾ ਦਰਦ ਹੋਵੇਗਾ, ਕੋਈ ਸਾਈਡ ਇਫੈਕਟ ਤਾਂ ਨਹੀਂ ਹੋ ਜਾਵੇਗਾ, ਬਣਨ  ਤੋਂ ਬਾਅਦ ਕਿਵੇਂ ਦਖੇਗਾ, ਕਿੰਨੇ ਪੈਸੇ ਲੱਗਣਗੇ, ਅਜਿਹੇ ਕਈ ਸਵਾਲ ਮਨ ਵਿੱਚ ਹੁੰਦੇ ਹਨ।

ਇਥੇ ਉਹ ਸਾਰੀ ਗੱਲਾਂ ਹਨ, ਜੋ ਤੁਹਾਨੂੰ ਟੈਟੂ ਬਣਵਾਉਣ ਤੋਂ ਪਹਿਲਾਂ ਹੀ ਪਤਾ ਕਰ ਲੈਣੀਆਂ ਚਾਹੀਦੀਆਂ ਹਨ ਤਾਕਿ ਬਾਅਦ ਵਿਚ ਕਿਸੇ ਤਰ੍ਹਾਂ ਦਾ ਅਫ਼ਸੋਸ ਜਾਂ ਪਰੇਸ਼ਾਨੀ ਨਾ ਹੋਵੇ। ਟੈਟੂ ਕਰਵਾਉਣ ਲਈ ਤੁਹਾਡਾ 18 ਸਾਲ ਦਾ ਹੋਣਾ ਲਾਜ਼ਮੀ ਹੈ, ਹਾਲਾਂਕਿ ਬਹੁਤ ਸਾਰੇ ਪਾਰਲਰਾਂ ਵਿਚ ਮਾਂ-ਪਿਓ ਦੀ ਮਨਜ਼ੂਰੀ ਨਾਲ ਇਸ ਤੋਂ ਪਹਿਲਾਂ ਵੀ ਟੈਟੂ ਬਣਵਾਇਆ ਜਾ ਸਕਦਾ ਹੈ। ਟੈਟੂ ਕਿਥੇ ਬਣਵਾਉਣਾ ਹੈ, ਇਹ ਵੀ ਪਹਿਲਾਂ ਤੋਂ ਤੈਅ ਕਰ ਲਵੋ। ਟੈਟੂ ਕਰਨ ਤੋਂ ਪਹਿਲਾਂ ਤੁਹਾਡੀ ਪਸੰਦ ਦੀ ਹੋਈ ਡਿਜ਼ਾਇਨ ਨੂੰ ਤੁਹਾਡੇ ਸਰੀਰ ਦੇ ਉਸ ਹਿਸੇ ਤੇ ਬਣਾਇਆ ਜਾਂਦਾ ਹੈ ਜਿੱਥੇ ਤੁਹਾਡੀ ਮਰਜ਼ੀ ਹੁੰਦੀ ਹੈ।

ਉਸ ਨੂੰ ਧਿਆਨ ਨਾਲ ਦੇਖੋ ਤਾਕਿ ਕਿਤੇ ਕੋਈ ਗਲਤੀ ਨਾ ਰਹਿ ਜਾਵੇ। ਖਾਸਕਰ ਤੁਸੀਂ ਕੋਈ ਨਾਮ ਬਣਵਾ ਰਹੇ ਹੋਣ ਤਾਂ ਧਿਆਨ ਦੇਣਾ ਹੋਰ ਜ਼ਰੂਰੀ ਹੋ ਜਾਂਦਾ ਹੈ ਕਿਉਂਕਿ ਕਈ ਵਾਰ ਸਪੈਲਿੰਗ ਵਿਚ ਗਲਤੀਆਂ ਰਹਿ ਜਾਂਦੀਆਂ ਹਨ। ਸਿਰਫ ਘਰ ਦੇ ਕਰੀਬ ਹੋ ਜਾਣ ਨਾਲ ਕੋਈ ਪਾਰਲਰ ਕਵਾਲਿਟੀ ਵੀ ਦੇਵੇ, ਅਜਿਹਾ ਜ਼ਰੂਰੀ ਨਹੀਂ ਹੈ। ਪਹਿਲਾਂ ਪਾਰਲਰ ਵਿਚ ਜਾਓ ਅਤੇ ਟੈਟੂ ਆਰਟਿਸਟ ਦਾ ਅਨੁਭਵ ਜਾਣਨ ਦੀ ਕੋਸ਼ਿਸ਼ ਕਰੋ, ਹੋ ਸਕੇ ਤਾਂ ਉਸ ਦਾ ਲਾਇਸੈਂਸ ਵੀ ਦਿਖਾਉਣ ਨੂੰ ਕਹੋ। ਪਾਰਲਰ ਦਾ ਰਿਵਿਊ ਪਹਿਲਾਂ ਹੀ ਦੇਖ ਲਵੋ। ਧਿਆਨ ਦਿਓ ਕਿ ਟੈਟੂ ਆਰਟਿਸਟ ਤੁਹਾਡੇ ਸਾਹਮਣੇ ਹੀ ਨੀਡਲ ਪੈਕੇਟ ਖੋਲ੍ਹੇ, ਇੰਕ ਕਪ ਨਵਾਂ ਹੋਣਾ ਚਾਹੀਦਾ ਹੈ।

ਨਾਲ ਹੀ ਪੂਰੀ ਪ੍ਰਕਿਰਿਆ ਦੇ ਦੌਰਾਨ ਆਰਟਿਸਟ ਗਲਵਸ ਪਹਿਨੇ ਰਹੇ। ਨੀਡਲ ਦਾ ਦੁਬਾਰਾ ਇਸਤੇਮਾਲ ਕਈ ਤਰ੍ਹਾਂ ਦੀ ਗੰਭੀਰ ਬੀਮਾਰੀਆਂ ਜਿਵੇਂ ਐਚਆਈਵੀ ਵੀ ਦੇ ਸਕਦੇ ਹੈ। ਜੇਕਰ ਟੈਟੂ ਬਣਵਾਉਣ ਦੇ ਦੌਰਾਨ ਆਰਟਿਸਟ ਦੀ ਕੋਈ ਹਰਕੱਤ ਤੁਹਾਨੂੰ ਨਾਗਵਾਰ ਲੱਗੇ ਤਾਂ ਤੁਰਤ ਟੈਟੂ ਬਣਵਾਉਣ ਦਾ ਇਰਾਦਾ ਛੱਡ ਦਿਓ। ਜੇਕਰ ਆਰਟਿਸਟ ਗਲਤ ਟੈਟੂ ਬਣਾ ਕਰ ਰਿਹਾ ਹੈ ਅਤੇ ਉਸ ਵਿਚ ਤੁਹਾਡੇ ਅਨੁਸਾਰ ਬਦਲਾਅ ਨੂੰ ਤਿਆਰ ਕਰੋ ਨਹੀਂ ਤਾਂ ਵੀ ਟੈਟੂ ਦਾ ਇਰਾਦਾ ਕੁੱਝ ਸਮੇਂ ਲਈ ਮੁਲਤਵੀ ਕੀਤਾ ਜਾ ਸਕਦਾ ਹੈ।