ਫ਼ੈਸ਼ਨ ਦੇ ਇਸ ਦੌਰ 'ਚ ਹੇਅਰ ਸਟ੍ਰੇਟਨਿੰਗ ਦਾ ਟਰੈਂਡ

File

ਫ਼ੈਸ਼ਨ ਦੇ ਇਸ ਦੌਰ ਵਿਚ ਔਰਤਾਂ ਅਪਣੀ ਡਰੈਸ ਦੇ ਨਾਲ ਨਾਲ ਵਾਲਾਂ ਉਤੇ ਵੀ ਐਕਸਪੈਰਿਮੈਂਟ ਕਰ ਰਹੀਆਂ ਹਨ। ਕਦੇ ਅਪਣੇ ਕੇਸਾਂ ਨੂੰ ਕਰਲੀ ਕਰਵਾਉਂਦੀਆਂ ਹਨ ਤਾਂ ਕਦੇ ਸਟਰੇਟ। ਇਨੀਂ ਦਿਨੀਂ ਸਟਰੇਟ ਕੇਸਾਂ ਦਾ ਫ਼ੈਸ਼ਨ ਹੈ। ਆਓ ਜੀ, ਜਾਣਦੇ ਹਾਂ ਕਿ ਕਿਸ ਤਰ੍ਹਾਂ ਵਾਲਾਂ ਦੀ ਸਟ੍ਰੇਟਨਿੰਗ ਕਰਵਾਓ। ਵਾਲਾਂ ਦੇ ਕਿਸਮ ਨੂੰ ਸਮਝੋ : ਵਾਲਾਂ ਦਾ ਟਰੀਟਮੈਂਟ ਕਰਨ ਤੋਂ ਪਹਿਲਾਂ ਇਹ ਜਾਨਣਾ ਜ਼ਰੂਰੀ ਹੈ ਕਿ ਉਨ੍ਹਾਂ ਦਾ ਟੈਕਸਚਰ ਕਿਵੇਂ ਹੈ, ਉਹ ਮੋਟੇ ਹੈ ਜਾਂ ਪਤਲੇ।

ਵਾਲਾਂ ਵਿਚ ਵੇਵ ਕਿਵੇਂ ਹੈ, ਨਾਰਮਲ ਹੈ, ਕਰਲੀ ਹੈ ਜਾਂ ਬਹੁਤ ਕਰਲੀ। ਵਾਲਾਂ ਵਿਚ ਕੁਦਰਤੀ ਨਮੀ ਕਿੰਨੀ ਹੈ। ਜਿਨ੍ਹਾਂ ਵਾਲਾਂ ਵਿਚ ਕੁਦਰਤੀ ਨਮੀ ਘੱਟ ਹੁੰਦੀ ਹੈ ਉਹ ਕਮਜ਼ੋਰ ਹੁੰਦੇ ਹਨ। ਉਨ੍ਹਾਂ ਉਤੇ ਸਟ੍ਰੇਟਨਿੰਗ ਕਰਦੇ ਸਮੇਂ ਹੱਥ ਜਲਦੀ ਜਲਦੀ ਚਲਾਓ ਕਿਉਂਕਿ ਉਨ੍ਹਾਂ ਉਤੇ ਜਲਦੀ ਅਸਰ ਹੁੰਦਾ ਹੈ।

ਹੇਅਰ ਸਟ੍ਰੇਟਨਿੰਗ ਦੇ ਫ਼ਾਇਦੇ : ਲੁੱਕ ਵਿਚ ਚੇਂਜ ਆਉਂਦਾ ਹੈ। ਵਾਲਾਂ ਵਿਚ ਸ਼ਾਇਨਿੰਗ ਆਉਂਦੀ ਹੈ। ਵਾਲਾਂ ਦਾ ਟੈਕਸਚਰ ਵਧੀਆ ਹੋ ਜਾਂਦਾ ਹੈ। ਵਾਲਾਂ 1 ਸਾਲ ਤੋਂ ਜ਼ਿਆਦਾ ਸਮੇਂ ਤੱਕ ਸੁਲਝੇ ਅਤੇ ਖੂਬਸੂਰਤ ਬਣੇ ਰਹਿੰਦੇ ਹਨ। ਡਲ ਅਤੇ ਫਰੀਜ਼ੀ ਹੇਅਰ ਬਿਲਕੁਲ ਸਮੂਦ ਹੋ ਜਾਂਦੇ ਹਨ।

ਸਟ੍ਰੇਟਨਿੰਗ ਦਾ ਤਰੀਕਾ : ਸਟ੍ਰੇਟਨਿੰਗ ਕਰਨ ਲਈ ਸੱਭ ਤੋਂ ਪਹਿਲਾਂ ਵਾਲਾਂ ਨੂੰ ਆਪਟੀਕੇਅਰ ਸ਼ੈਂਪੂ ਨਾਲ ਧੋਵੋ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਤੌਲੀਏ ਨਾਲ ਚੰਗੀ ਤਰ੍ਹਾਂ ਸੁਕਾ ਲਵੋ। ਹੁਣ ਵਾਲਾਂ ਨੂੰ 4 ਗਿੱਲੇ 'ਚ ਵੰਡ ਕੇ ਹਰ ਹਿੱਸੇ 'ਤੇ ਸਟ੍ਰੇਟਨਿੰਗ ਕਰੀਮ ਲਗਾਓ। ਇਕ ਹੀ ਵਾਰ ਵਿਚ ਕਰੀਮ ਨਾ ਕੱਢ ਕੇ ਥੋੜੀ-ਥੋੜੀ ਮਾਤਰਾ ਵਿਚ ਲਗਾਓ। ਬਰਸ਼ ਨਾਲ ਕਰੀਮ ਥੋੜੇ-ਥੋੜੇ ਵਾਲਾਂ ਵਿਚ ਲਗਾਓ ਅਤੇ ਫਿਰ ਉਂਗਲੀਆਂ ਨਾਲ ਉਤੇ ਤੋਂ ਹੇਠਾਂ ਦੇ ਪਾਸੇ ਮਿਕਸ ਕਰੋ।

ਵਾਲਾਂ ਦੀਆਂ ਜੜਾਂ ਵਿਚ ਬਰਸ਼ ਨਾਲ ਕਦੇ ਕਰੀਮ ਨਾ ਲਗਾਓ। ਜੜਾਂ ਉਤੇ ਹਮੇਸ਼ਾ ਅੰਗੂਠੇ ਨਾਲ ਹਲਕੇ ਤੋਂ ਲਗਾਓ। ਜੇਕਰ ਜੜਾਂ ਉਤੇ ਚੰਗੀ ਤਰ੍ਹਾਂ ਨਾਲ ਕਰੀਮ ਨਹੀਂ ਲਗਾਈ ਜਾਵੇ ਤਾਂ ਵਾਲਾਂ ਵਿਚ ਵੇਵ ਆਉਣ ਲੱਗਦੇ ਹਨ। ਸਟ੍ਰੇਟਨਿੰਗ ਕਰੀਮ ਹਮੇਸ਼ਾ ਹਲਕੇ ਗਿੱਲੇ ਵਾਲਾਂ ਵਿਚ ਹੀ ਲਗਾਓ।ਗਿੱਲੇ ਵਾਲਾਂ ਵਿਚ ਕਰੀਮ ਚੰਗੀ ਤਰ੍ਹਾਂ ਫੈਲਦੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।