Non Veg ਖਾਣ ਵਾਲਿਆਂ ਦੀ ਜੇਬ ਇਸ ਸਾਲ ਹੋਵੇਗੀ ਢਿੱਲੀ ਅੰਡਾ ਤੇ ਚਿਕਨ ਮਿਲੇਗਾ ਮਹਿੰਗਾ
40 ਤੋਂ 45 ਪ੍ਰਤੀਸ਼ਤ ਮੁਰਗੇ ਹੀ ਬਚੇ
ਭਾਰਤ ਵਿਚ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ ਹੋ ਵਾਲੀ ਹੈ ਅਤੇ ਇਸ ਦੇ ਨਾਲ ਹੀ ਸਰਦੀਆਂ ਦੀ ਆਮਦ ਵੀ ਨਿਰਧਾਰਤ ਮੰਨੀ ਜਾਂਦੀ ਹੈ। ਸਰਦੀਆਂ ਦੀ ਸ਼ੁਰੂਆਤ ਦੇ ਨਾਲ ਹੀ ਗਰਮੀਆਂ ਦੇ ਮੁਕਾਬਲੇ ਅੰਡਿਆਂ ਦੀ ਮੰਗ ਵਧ ਜਾਂਦੀ ਹੈ। ਮੰਗ ਵਧਣ ਕਾਰਨ ਇਸ ਦਾ ਅਸਰ ਕੀਮਤਾਂ 'ਤੇ ਦਿਖਾਈ ਦੇਵੇਗਾ।
ਚਿਕਨ ਅਤੇ ਅੰਡੇ ਤੋਂ ਬਿਨਾਂ ਭਾਰਤੀਆਂ ਦਾ ਕੋਈ ਵੀ ਜਸ਼ਨ ਅਧੂਰਾ ਹੁੰਦਾ ਹੈ ਪਰ ਇਸ ਸਾਲ ਵਿਚ ਅੰਡਾ ਆਪਣੀਆਂ ਵਧਦੀਆਂ ਕੀਮਤਾਂ ਨਾਲ ਰਿਕਾਰਡ ਬਣਾ ਸਕਦਾ ਹੈ। ਅਕਤੂਬਰ ਵਿਚ ਅੰਡਿਆਂ ਦੀ ਪ੍ਰਚੂਨ ਵਿਕਰੀ 7 ਰੁਪਏ ਤੋਂ ਸ਼ੁਰੂ ਹੋ ਕੇ ਪ੍ਰਤੀ ਅੰਡਾ 8 ਰੁਪਏ ਤੱਕ ਜਾ ਸਕਦੀ ਹੈ।
ਕੋਰੋਨਾ ਮਹਾਂਮਾਰੀ ਆਪਣਾ ਲਗਾਤਰ ਕਹਿਰ ਵਰਤਾ ਰਹੀ ਹੈ । ਇਸ ਮਹਾਂਮਾਰੀ ਨਾਲ ਪੋਲਟਰੀ ਉਦਯੋਗ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ ਹੈ। ਲੋਕਾਂ ਨੇ ਅੰਡਾ ਚਿਕਨ ਖਾਣਾ ਬਿਲਕੁਲ ਬੰਦ ਕਰ ਦਿੱਤਾ ਸੀ ਕਿਉਂਕਿ ਲੋਕ ਸਮਝਣ ਲੱਗ ਪਏ ਸਨ ਕਿ ਕੋਰੋਨਾ ਅੰਡਾ- ਚਿਕਨ ਖਾਣ ਨਾਲ ਹੁੰਦਾ ।
ਦੂਜੇ ਪਾਸੇ ਤਾਲਾਬੰਦੀ ਕਾਰਨ ਪੋਲਟਰੀ ਮਾਲਕਾਂ ਕੋਲ ਮੁਰਗੀਆਂ ਨੂੰ ਖੁਰਾਕ ਦੇਣ ਲਈ ਅਨਾਜ ਨਹੀਂ ਸੀ। ਨਤੀਜਾ ਇਹ ਹੋਇਆ ਕਿ ਪੋਲਟਰੀ ਮਾਲਕਾਂ ਨੇ ਮੁਰਗੀਆਂ ਨੂੰ ਜਿੰਦਾ ਦਫ਼ਨਾਉਣਾ ਸ਼ੁਰੂ ਕਰ ਦਿੱਤਾ ਅਤੇ ਅੰਡੇ ਵੀ ਸੁੱਟ ਦਿੱਤੇ। ਕੁਝ ਥਾਵਾਂ 'ਤੇ ਮੁਰਗੀ ਮੁਫਤ ਵੰਡਣੀਆਂ ਪਈਆਂ।
ਕਿਸੇ ਵੀ ਆਮ ਪੋਲਟਰੀ ਫਾਰਮ ਦੇ ਮਾਲਕ ਕੋਲ ਇਸ ਸਮੇਂ 40 ਤੋਂ 45 ਪ੍ਰਤੀਸ਼ਤ ਮੁਰਗੇ ਹੀ ਬਚੇ ਹਨ। ਬਾਕੀ ਮੁਰਗੇ-ਮੁਰਗੀਆਂ ਪਹਿਲਾਂ ਹੀ ਕੋਰੋਨਾ ਦੀ ਭੇਂਟ ਚੜ੍ਹ ਚੁੱਕੇ ਹਨ। ਇਸ ਕਾਰਨ ਬਾਜ਼ਾਰ 'ਚ ਉਪਲੱਬਧ ਮੁਰਗੀ ਅਤੇ ਅੰਡੇ ਸਰਦੀਆਂ ਦੀ ਮੰਗ ਨੂੰ ਪੂਰਾ ਕਰਨ ਦੇ ਸਮਰੱਥ ਨਹੀਂ ਹੋਣਗੇ। ਸਰਦੀਆਂ ਸ਼ੁਰੂ ਹੁੰਦਿਆਂ ਹੀ ਅੰਡਿਆਂ ਦੀ ਮੰਗ ਵਧਣੀ ਸ਼ੁਰੂ ਹੋ ਗਈ ਹੈ। ਇਸ ਕਾਰਨ ਇਸ ਸਾਲ ਦੀਆਂ ਸਰਦੀਆਂ 'ਚ ਅੰਡੇ ਅਤੇ ਚਿਕਨ ਮਹਿੰਗੇ ਹੋਣ ਦੀ ਪੂਰੀ ਸੰਭਾਵਨਾ ਹੈ।