ਗਰਮੀਆਂ 'ਚ ਰਹਿਣਾ ਚਾਹੁੰਦੇ ਹੋ ਤਰੋਤਾਜ਼ਾ ਤਾਂ ਪੀਓ ਬੇਲ ਦਾ ਸ਼ਰਬਤ 

ਮੋਹਾਲੀ : ਗਰਮੀਆਂ ਦੇ ਮੌਸਮ 'ਚ ਅਸੀਂ ਹਰ ਕੋਈ ਅਜਿਹੀ ਚੀਜ਼ ਪੀਣਾ ਪਸੰਦ ਕਰਦੇ ਹਾਂ ਜੋ ਸਾਨੂੰ ਤਾਜ਼ਗੀ ਦਾ ਅਹਿਸਾਸ ਦਿਵਾਉਂਦਾ ਹੈ ਅਤੇ ਸਾਡੇ ਸਰੀਰ ਨੂੰ ਅੰਦਰੋਂ ਠੰਡਾ ਰੱਖਣ 'ਚ ਮਦਦ ਕਰਦਾ ਹੈ। ਜਿਵੇਂ-ਜਿਵੇਂ ਗਰਮੀ ਵਧਦੀ ਜਾਂਦੀ ਹੈ, ਅਸੀਂ ਉਨ੍ਹਾਂ ਚੀਜ਼ਾਂ ਦੀ ਤਲਾਸ਼ ਕਰਦੇ ਹਾਂ ਜੋ ਸਾਡੀ ਪਿਆਸ ਬੁਝਾ ਸਕਦੀਆਂ ਹਨ ਅਤੇ ਸਾਨੂੰ ਊਰਜਾ ਨਾਲ ਭਰਪੂਰ ਰੱਖ ਸਕਦੀਆਂ ਹਨ। ਵੈਸੇ ਤਾਂ ਗਰਮੀਆਂ ਦੇ ਪੀਣ ਵਾਲੇ ਪਦਾਰਥਾਂ 'ਚ ਅਜਿਹੀਆਂ ਕਈ ਚੀਜ਼ਾਂ ਹੁੰਦੀਆਂ ਹਨ ਜੋ ਸਾਨੂੰ ਅੰਦਰੋਂ ਤਰੋਤਾਜ਼ਾ ਰੱਖਣ 'ਚ ਮਦਦ ਕਰਦੀਆਂ ਹਨ।

ਭਾਵੇਂ ਇਹ ਕਲਾਸਿਕ ਗੁਲਾਬ ਸ਼ਰਬਤ, ਬਦਾਮ ਸ਼ਰਬਤ ਜਾਂ ਫ਼ਾਲਸਾ ਸ਼ਰਬਤ ਹੋਵੇ, ਇਹ ਸਾਰੇ ਨਾ ਸਿਰਫ਼ ਗਰਮੀ ਤੋਂ ਰਾਹਤ ਦਿੰਦੇ ਹਨ, ਸਗੋਂ ਸ਼ਾਨਦਾਰ ਸੁਆਦ ਨਾਲ ਵੀ ਭਰਪੂਰ ਹੁੰਦੇ ਹਨ। ਹਾਲਾਂਕਿ, ਅਸੀਂ ਸਾਰੇ ਜਾਣਦੇ ਹਾਂ ਕਿ ਅਸੀਂ ਹਮੇਸ਼ਾ ਇਕ ਚੀਜ਼ ਖਾ ਕੇ ਬੋਰ ਹੋ ਸਕਦੇ ਹਾਂ, ਇਸ ਲਈ ਜੇਕਰ ਤੁਸੀਂ ਇਸ ਵਾਰ ਕੁਝ ਵੱਖਰਾ ਕਰਨ ਦੀ ਕੋਸ਼ਿਸ਼ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਬੇਲ ਦਾ ਸ਼ਰਬਤ ਬਣਾ ਕੇ ਪੀ ਸਕਦੇ ਹੋ।

ਇਹ ਵੀ ਪੜ੍ਹੋ: ਆਇਰਨ ਦੀ ਕਮੀ ਔਰਤਾਂ ਦੀ ਸੁੰਦਰਤਾ ਨੂੰ ਕਰਦੀ ਹੈ ਪ੍ਰਭਾਵਤ, ਆਉ ਜਾਣਦੇ ਹਾਂ ਕਿਵੇਂ

ਗਰਮੀਆਂ ਦੇ ਮੌਸਮ ਵਿਚ ਬੇਲ ਦਾ ਸ਼ਰਬਤ ਵੀ ਸਵਾਦ ਦੇ ਨਾਲ-ਨਾਲ ਕਈ ਸਿਹਤ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਗਰਮੀ ਦੇ ਦਿਨਾਂ ਵਿਚ ਤੁਹਾਨੂੰ ਤਰੋਤਾਜ਼ਾ ਕਰਨ ਵਿਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਪਾਚਨ ਕਿਰਿਆ ਨੂੰ ਠੀਕ ਰੱਖਣ, ਹੀਟ ​​ਸਟ੍ਰੋਕ ਤੋਂ ਬਚਾਉਣ ਅਤੇ ਸਰੀਰ ਨੂੰ ਡੀਟੌਕਸ ਕਰਨ ਵਿਚ ਵੀ ਮਦਦ ਕਰ ਸਕਦਾ ਹੈ।

ਇਸ ਲਈ ਤੁਹਾਨੂੰ ਸਿਰਫ ਪਾਣੀ, ਨਿੰਬੂ ਦਾ ਰਸ, ਸ਼ਹਿਦ, ਭੁੰਨੇ ਹੋਏ ਜੀਰੇ ਅਤੇ ਇੱਕ ਚੁਟਕੀ ਕਾਲਾ ਨਮਕ ਦੇ ਨਾਲ ਬੇਲ ਦੇ ਗੁੱਦੇ ਨੂੰ ਮਿਲਾਉਣਾ ਹੈ ਅਤੇ ਤੁਸੀਂ ਘਰ ਵਿਚ ਇਸ ਸਵਾਦਿਸ਼ਟ ਸ਼ਰਬਤ ਦਾ ਆਨੰਦ ਲੈਣ ਲਈ ਤਿਆਰ ਹੋ।

ਸ਼ਰਬਤ ਬਣਾਉਣ ਲਈ ਸਮੱਗਰੀ

ਬੇਲ - 2
ਸ਼ਹਿਦ/ਖੰਡ - ਸੁਆਦ ਅਨੁਸਾਰ
ਨਿੰਬੂ ਦਾ ਰਸ
ਭੁੰਨਿਆ ਜੀਰਾ
ਕਾਲਾ ਲੂਣ

ਸ਼ਰਬਤ ਬਣਾਉਣ ਦੀ ਵਿਧੀ

> ਸਭ ਤੋਂ ਪਹਿਲਾਂ ਬੇਲ ਨੂੰ ਧੋ ਕੇ ਕੱਟ ਲਓ, ਫਿਰ ਇਸ ਦਾ ਗੁੱਦਾ ਕੱਢ ਕੇ ਇਕ ਬਰਤਨ ਵਿਚ ਰੱਖ ਲਉ।
> ਹੁਣ ਇਸ ਦੇ ਗੁੱਦੇ ਨੂੰ ਇਕ ਵੱਡੇ ਬਰਤਨ 'ਚ ਰੱਖੋ ਅਤੇ ਪਾਣੀ 'ਚ ਉਦੋਂ ਤਕ ਚੰਗੀ ਤਰ੍ਹਾਂ ਮਿਲਾਉ ਜਦੋਂ ਤਕ ਇਹ ਪੂਰੀ ਤਰ੍ਹਾਂ ਘੁਲ ਨਹੀਂ ਜਾਂਦਾ।
> ਹੁਣ ਇਸ ਪਾਣੀ ਨੂੰ ਛਾਣਨੀ ਦੀ ਮਦਦ ਨਾਲ ਛਾਣ ਕੇ ਵੱਖ ਕਰ ਲਓ।
> ਇਸ 'ਚ ਪਾਣੀ, ਸ਼ਹਿਦ, ਕਾਲਾ ਨਮਕ, ਨਿੰਬੂ ਦਾ ਰਸ ਅਤੇ ਭੁੰਨਿਆ ਹੋਇਆ ਜੀਰਾ ਮਿਲਾਉ।
> ਸਾਰੇ ਮਿਸ਼ਰਣ ਨੂੰ ਠੰਡਾ ਕਰਨ ਲਈ ਆਈਸ ਕਿਊਬ ਪਾਉ।
> ਹੁਣ ਇਹ ਸਵਾਦਿਸ਼ਟ ਬੇਲ ਦਾ ਸ਼ਰਬਤ ਪੀਣ ਲਈ ਬਿਲਕੁਲ ਤਿਆਰ ਹੈ।