ਘਰ ਦੀ ਰਸੋਈ ਵਿਚ ਬਣਾਉ ਬਰੈਡ ਟੋਸਟ

ਬ੍ਰੈਡ ਟੋਸਟ ਜ਼ਿਆਦਾਤਰ ਲੋਕਾਂ ਨੂੰ ਪਸੰਦ ਹੁੰਦਾ ਹੈ। ਕਈ ਲੋਕ ਇਸ ਨੂੰ ਨਾਸ਼ਤੇ ਵਿਚ ਖਾਂਦੇ ਹਨ। ਬ੍ਰੈਡ ਟੋਸਟ ਕਈ ਤਰੀਕਿਆਂ ਨਾਲ ਬਣਾਏ ਜਾਂਦੇ ਹਨ। ਅੱਜ ਅਸੀਂ ਤੁਹਾਨੂੰ ਚੀਜ਼ੀ ਬੇਕਡ ਅੰਡਾ ਟੋਸਟ ਬਣਾਉਣ ਦੇ ਤਰੀਕੇ ਬਾਰੇ ਦਸਾਂਗੇ।

ਸਮੱਗਰੀ: ਬ੍ਰੈਡ ਸਲਾਈਸ, ਨਮਕ ਸਵਾਦ ਅਨੁਸਾਰ, ਅੰਡਾ, ਕਾਲੀ ਮਿਰਚ, ਮੋਜਾਰੋਲਾ ਚੀਜ਼ ਸਵਾਦ ਅਨੁਸਾਰ 
ਵਿਧੀ: ਬ੍ਰੈਡ ਸਲਾਈਸ ਲਉ ਅਤੇ ਚਮਚ ਨਾਲ ਇਸ ਨੂੰ ਵਿਚੋਂ ਦਬਾ ਦਿਉ। ਇਸ ’ਤੇ ਨਮਕ ਅਤੇ ਕਾਲੀ ਮਿਰਚ ਛਿੜਕ ਦਿਉ। ਇਕ ਅੰਡਾ ਲਉ ਅਤੇ ਤੋੜ ਕੇ ਬ੍ਰੈਡ ਸਲਾਈਸ ’ਤੇ ਪਾਉ।

ਫਿਰ ਮੋਜੋਰੋਲਾ ਚੀਜ਼ ਨੂੰ ਅੰਡੇ ਦੇ ਉਪਰ ਪਾਉ ਅਤੇ ਬ੍ਰੈਡ ਸਲਾਈਸ ਦੇ ਚਾਰੇ ਪਾਸੇ ਪਾਉ। ਫਿਰ ਮਾਈਕਰੋਵੇਵ ਨੂੰ 350 ਡਿਗਰੀ ਤੋਂ 180 ਡਿਗਰੀ ਪ੍ਰੀ ਹੀਟ ਕਰ ਲਉ ਅਤੇ ਇਸ ਨੂੰ 5-7 ਮਿੰਟ ਲਈ ਮਾਈਕ੍ਰੋਵੇਵ ਵਿਚ ਪਕਾਉ। ਤੁਹਾਡਾ ਬ੍ਰੈਡ ਟੋਸਟ ਬਣ ਕੇ ਤਿਆਰ ਹੈ। ਹੁਣ ਇਸ ਨੂੰ ਅਪਣੇ ਬੱਚਿਆਂ ਅਤੇ ਖ਼ੁਦ ਵੀ ਖਾਉ।