jalebi

ਝਟਪਟ ਜਲੇਬੀ ਬਣਾਉਣ ਦਾ ਤਰੀਕਾ ਬਹੁਤ ਹੀ ਆਸਾਨ ਹੈ। ਜਲੇਬੀ ਕੁਰਕੁਰੀ ਅਤੇ ਰਸ ਭਰੀ ਬਣਾਈ ਜਾ ਸਕਦੀ ਹੈ। ਝਟਪਟ ਜਲੇਬੀ ਦਾ ਮਤਲਬ ਹੈ ਕਿ ਤੁਸੀਂ ਇਸ ਨੂੰ ਕੁੱਝ ਹੀ ਮਿੰਟਾਂ ਵਿਚ ਬਣਾ ਸਕਦੇ ਹੋ। 
ਸਮੱਗਰੀ - ਮੈਦਾ -1 ਕੱਪ, ਵੇਸਣ - 1 ਚਮਚ, ਕੌਰਨਫਲਾਰ - 1/2 ਚਮਚ, ਖ਼ਮੀਰ- 1 ਚਮਚ, ਦਹੀਂ-1/4 ਕਪ, ਚੀਨੀ – 2 ਕਪ, ਪਾਣੀ- 1 ਕਪ, ਤੇਲ- ਤਲਣ ਲਈ, ਤੇਲ- ਜਲੇਬੀ ਦਾ ਪੇਸਟ ਬਣਾਉਣ ਲਈ

ਵਿਧੀ :- ਜਲੇਬੀ ਦਾ ਪੇਸਟ ਬਣਾਉਣ ਲਈ ਖ਼ਮੀਰ ਨੂੰ ਇਕ ਕਪ ਪਾਣੀ ਵਿਚ ਘੋਲ ਲਉ। ਚੰਗੀ ਤਰ੍ਹਾਂ ਹਿਲਾਉ ਅਤੇ 1 ਮਿੰਟ ਘੁਲਣ ਲਈ ਛੱਡ ਦਿਉ। ਇਕ ਵੱਡਾ ਕਟੋਰਾ ਲਉ , ਉਸ ਵਿਚ ਮੈਦਾ, ਵੇਸਣ, ਦਹੀ, ਕੋਰਨਫਲੌਰ ਅਤੇ ਖ਼ਮੀਰ ਦਾ ਮਿਸ਼ਰਣ ਪਾਉ। ਚੰਗੀ ਤਰ੍ਹਾਂ ਮਿਲਾਉ ਅਤੇ ਕੋਸ਼ਿਸ਼ ਕਰੋ ਕਿ ਇਸ ਵਿਚ ਕੋਈ ਗੰਢ ਨਾ ਰਹਿ ਜਾਵੇ। ਗਾੜਾ ਮਿਸ਼ਰਣ ਬਣਾਉਣਾ ਹੈ।  ਥੋੜ੍ਹੀ - ਥੋੜ੍ਹੀ ਮਾਤਰਾ ਵਿਚ ਪਾਣੀ ਮਿਲਾਉ ਅਤੇ ਮਿਸ਼ਰਣ ਨੂੰ ਮਿਲਾਉ। ਇਹ ਇੰਨਾ ਗਾੜਾ ਹੋਣਾ ਚਾਹੀਦਾ ਹੈ ਜਿਸ ਦੇ ਨਾਲ ਅਸੀ ਇਸ ਨੂੰ ਬੋਤਲ ਵਿਚ ਪਾ ਕੇ ਆਸਾਨੀ ਨਾਲ ਟਮਾਟਰ ਦੀ ਚਟਨੀ ਦੀ ਤਰ੍ਹਾਂ ਬਾਹਰ ਕੱਢ ਸਕੀਏ।

ਜਦੋਂ ਤੁਹਾਨੂੰ ਲੱਗੇ ਕਿ ਮਿਸ਼ਰਣ ਗਾੜਾ ਹੋਣ ਹੀ ਵਾਲਾ ਹੈ ਤਦ ਇਸ ਵਿਚ 1 ਚਮਚ ਤੇਲ ਪਾ ਕੇ ਹਿਲਾਉਂਦੇ ਰਹੋ। ਮਿਸ਼ਰਣ ਤਿਆਰ ਹੈ। ਇਸ ਮਿਸ਼ਰਣ ਨੂੰ 10 ਮਿੰਟ ਲਈ ਇਕ ਪਾਸੇ ਰੱਖ ਦਿਓ। ਹੁਣ ਅਸੀਂ  ਚਾਸ਼ਨੀ ਤਿਆਰ ਕਰਾਂਗੇ। ਇਕ ਕੜਾਹੀ ਲੈ ਕੇ ਉਸ ਵਿਚ ਚੀਨੀ ਅਤੇ 1 ਕਪ ਪਾਣੀ ਪਾਓ। ਜੇਕਰ ਤੁਸੀਂ ਚਾਸ਼ਨੀ ਵਿਚ ਕੁੱਝ ਖੁਸ਼ਬੂ ਚਾਹੁੰਦੇ ਹੋ ਤਾਂ ਤੁਸੀਂ ਉਸ ਵਿਚ ਅੱਧਾ ਚਮਚ ਇਲਾਇਚੀ ਪਾਊਡਰ ਪਾ ਸਕਦੇ ਹੋ। 1 ਮਿੰਟ ਲਈ ਇਸ ਨੂੰ ਤੇਜ਼ ਅੱਗ ਉਤੇ ਪਕਾਓ ਅਤੇ ਫਿਰ ਇਸ ਨੂੰ ਘੱਟ ਅੱਗ ਉਤੇ ਕਰ ਦਿਓ। ਚੀਨੀ 1 ਮਿੰਟ ਵਿਚ ਘੁਲ ਜਾਵੇਗੀ ਅਤੇ ਇਸ ਨੂੰ ਉਦੋਂ ਤੱਕ ਪਕਾਉਣਾ ਹੈ ਜਦੋਂ ਤੱਕ ਇਸ ਵਿਚ ਇਕ ਤਾਰ ਨਹੀਂ ਬਣ ਜਾਂਦੀ।

ਇਸ ਵਿਚ 15 ਮਿੰਟ ਲੱਗਣਗੇ। ਜਲੇਬੀ ਬਣਾਉਣ ਲਈ ਕੜਾਹੀ ਵਿੱਚੋਂ ਚਪਟੀ ਅਤੇ ਘੱਟ ਉਚਾਈ ਦੀ ਹੋਣੀ ਚਾਹੀਦੀ ਹੈ। ਕੜਾਈ ਵਿਚ ਤੇਲ 50 %  ਉਚਾਈ ਤੱਕ ਭਰੋ। ਤੇਜ਼ ਅੱਗ ਉਤੇ ਇਸ ਨੂੰ 2 ਮਿੰਟ ਤੱਕ ਗਰਮ ਕਰੋ। ਜਲੇਬੀ ਮਿਸ਼ਰਣ ਨੂੰ ਜਲੇਬੀ ਬਣਾਉਣ ਦੀ ਬੋਤਲ ਵਿਚ, ਚੈਨ ਵਾਲਾ ਬੈਗ, ਦੁੱਧ ਦੀ ਥੈਲੀ ਇਸਤੇਮਾਲ ਵਿਚ ਲਿਆ ਸਕਦੇ ਹੋ। ਜੇਕਰ ਤੁਸੀਂ ਚੈਨ ਬੈਗ ਜਾਂ ਦੁੱਧ ਦੀ ਥੈਲੀ ਲਈ ਹੈ ਤੱਦ ਤੁਸੀਂ ਉਸ ਦੇ ਇਕ ਕੋਨੇ ਵਿਚ 5 ਐਮਐਮ ਦਾ ਛੇਦ ਕਰੋ। ਆਪਣੇ ਹੱਥ ਨੂੰ ਹੌਲੀ - ਹੌਲੀ ਘੁਮਾਉ ਅਤੇ ਜਲੇਬੀ ਮਿਸ਼ਰਣ ਨੂੰ ਗਰਮ ਤੇਲ ਵਿਚ ਪਾਉ।

ਪਹਿਲੀ ਵਾਰ ਵਿਚ ਗੋਲਾਕਾਰ ਜਲੇਬੀ ਥੋੜ੍ਹੀ ਮੁਸ਼ਕਲ ਨਾਲ ਬਣੇਗੀ। ਹੱਥ ਨੂੰ ਇਸ ਤਰ੍ਹਾਂ ਗੋਲ ਘੁਮਾਓ ਕਿ ਹਰ ਨਵਾਂ ਗੋਲਾ ਪਿਛਲੇ ਗੋਲੇ ਨਾਲ ਜੁੜ ਜਾਵੇ। ਇਸ ਨੂੰ ਸੁਨਹਰੇ ਰੰਗ ਦੀ ਹੋਣ ਤੱਕ ਤਲੋ। ਇਸ ਨੂੰ ਪਲਟਦੇ ਵੀ ਰਹੋ। ਇਕ ਜਲੇਬੀ ਨੂੰ ਪੂਰੀ ਤਰ੍ਹਾਂ ਤਲਣ ਵਿਚ ਕਰੀਬ 3 ਮਿੰਟ ਲੱਗਣਗੇ। ਹੁਣ ਜਲੇਬੀ ਨੂੰ ਬਾਹਰ ਕੱਢੋ ਅਤੇ ਸਿੱਧਾ ਚੀਨੀ ਦੇ ਘੋਲ ਵਿਚ ਪਾਉ। ਇਹ ਪੱਕਾ ਕਰ ਲਓ ਕਿ ਜਲੇਬੀ ਚੀਨੀ ਦੇ ਘੋਲ ਵਿਚ ਚੰਗੀ ਤਰ੍ਹਾਂ ਡੁੱਬ ਜਾਵੇ, ਜਿਸ ਦੇ ਨਾਲ ਜਲੇਬੀ ਵਿਚ ਚਾਸ਼ਨੀ ਚੰਗੀ ਤਰ੍ਹਾਂ ਚਲੀ ਜਾਵੇ।

1 ਮਿੰਟ ਬਾਅਦ ਜਲੇਬੀ ਨੂੰ ਚਾਸ਼ਨੀ ਵਿਚੋਂ ਬਾਹਰ ਕੱਢੋ। ਜਲੇਬੀ ਦੇ ਉਤੇ ਪਿਸਤਾ ਪਾ ਕੇ ਪਰੋਸੇ। ਸਵਾਦਿਸ਼ਟ ਅਤੇ ਗਰਮਾ ਗਰਮ ਜਲੇਬੀ ਤਿਆਰ ਹੈ ਪਰੋਸਣ ਦੇ ਲਈ। ਜਲੇਬੀ ਨੂੰ 2-3 ਦਿਨ ਤੱਕ ਫਰਿੱਜ ਵਿਚ ਰੱਖ ਸਕਦੇ ਹੋ। ਇਸ ਨੂੰ ਦੁਬਾਰਾ ਗਰਮ ਕਰਣ ਲਈ ਮਾਇਕਰੋਵੇਵ ਦਾ ਇਸਤੇਮਾਲ ਕਰੋ।