ਜਾਣੋ ਦੰਦ ਖ਼ਰਾਬ ਹੋਣ ਦੇ ਕਾਰਨ ਅਤੇ ਉਪਾਅ

tooth decay

ਦੰਦਾਂ ਦੇ ਰੋਗ ਭਾਰਤ 'ਚ ਇਕ ਮਹੱਤਵਪੂਰਣ ਜਨ ਸਿਹਤ ਸਮੱਸਿਆ ਹੈ ਜਿਸ 'ਚ ਦੰਦ ਨਾਲ 60 ਤੋਂ 65 ਫ਼ੀ ਸਦੀ ਅਤੇ ਪੇਰੀਓਡੈਂਟਲ ਬੀਮਾਰੀਆਂ ਨਾਲ 50 ਤੋਂ 90 ਫ਼ੀ ਸਦੀ ਲੋਕ ਪ੍ਰਭਾਵਤ ਹੁੰਦੇ ਹਨ। ਅੱਜਕਲ ਜੰਕ ਫੂਡ ਦੀ ਖ਼ਪਤ ਜ਼ਿਆਦਾ ਹੋਣ ਕਾਰਨ ਸਕੂਲੀ ਬੱਚਿਆਂ 'ਚ ਇਹ ਸਮੱਸਿਆ ਕਾਫ਼ੀ ਜ਼ਿਆਦਾ ਹੈ। ਐਸਿਡ ਉਸ ਸਮੇਂ ਪੈਦਾ ਹੁੰਦਾ ਹੈ ਜਦੋਂ ਦੰਦ ਦੀ ਸਤਿਹ 'ਤੇ ਪਲਾਕ 'ਚ ਮੌਜੂਦ ਕੀਟਾਣੂ ਨਾਲ ਭੋਜਨ ਜਾਂ ਤਰਲ ਪਦਾਰਥ 'ਚ ਮੌਜੂਦ ਸੂਗਰ ਪ੍ਰਤੀਕਿਰਆ ਕਰਦੀ ਹੈ।

ਐਸਿਡ ਇਨੇਮਲ 'ਚ ਕੈਲਸ਼ੀਅਮ ਅਤੇ ਫ਼ਾਸਫੇਟ ਦੀ ਕਮੀ ਦਾ ਕਾਰਨ ਬਣਦਾ ਹੈ। ਇਸ ਪਰਿਕ੍ਰੀਆ ਨੂੰ ਡਿਮਿਨਰਲਾਇਜ਼ੇਸ਼ਨ ਕਿਹਾ ਜਾਂਦਾ ਹੈ। ਡਾਕਟਰਾਂ ਨੇ ਕਿਹਾ ਕਿ ਸਿਰਫ਼ ਕੈਲੋਰੀ ਵਾਲੇ ਖ਼ੂਰਾਕੀ ਪਦਾਰਥਾਂ ਜਿਵੇਂ ਬਿਸਕੁਟ, ਚਾਕਲੇਟ ਅਤੇ ਹੋਰ ਪ੍ਰੋਸੇੈਸਡ ਫੂਡ 'ਚ ਖੰਡ ਅਤੇ ਲੂਣ ਦੋਹਾਂ ਦੀ ਮਾਤਰਾ ਜ਼ਿਆਦਾ ਹੁੰਦੀ ਹੈ। ਇਹ ਮੁੰਹ ਦੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀਆਂ ਹਨ ਅਤੇ ਅੰਤ ਵੇਲੇ : ਬਹੁਤ ਹੀ ਘੱਟ ਉਮਰ 'ਚ ਦੰਦਾਂ ਅਤੇ ਮਸੂੜਿਆਂ ਦੀਆਂ ਸਮੱਸਿਆਵਾਂ ਨੂੰ ਜਨਮ ਦੇ ਸਕਦੇ ਹਨ। ਮੁੰਹ 'ਚ ਕੀਟਾਣੂ ਖ਼ਰਾਬ ਉਤਪਾਦਾਂ (ਜਾਂ ਐਸਿਡ) ਨੂੰ ਪੈਦਾ ਕਰਦੇ ਹਨ ਜੋ ਦੰਦਾਂ 'ਚ ਛੋਟੇ ਛੇਦ ਕਰ ਦਿੰਦੇ ਹਨ।

ਦੰਦਾਂ ਦੀ ਦੇਖਭਾਲ ਲਈ ਕੁੱਝ ਸੁਝਾਅ  :  
ਦੰਦਾਂ ਨੂੰ ਰੋਜ਼ ਟੁਥਪੇਸਟ ਨਾਲ ਸਾਫ਼ ਕਰੋ, ਇਸ ਨਾਲ ਪਲਾਕ ਅਤੇ ਕੀਟਾਣੂ ਰੋਕਣ 'ਚ ਮਦਦ ਮਿਲਦੀ ਹੈ ਜੋਕਿ ਦੰਦਾਂ ਅਤੇ ਪੈਰੀਓਡੈਂਟਲ ਬੀਮਾਰੀਆਂ ਦਾ ਕਾਰਨ ਬਣ ਸਕਦੇ ਹਨ। ਹਰ ਦਿਨ ਫ਼ਲਾਸ ਨਾਲ ਦੰਦ ਸਾਫ਼ ਕਰੋ ਕਿਉਂਕਿ ਇਹ ਉਨ੍ਹਾਂ ਹਿੱਸੀਆਂ ਨੂੰ ਸਾਫ਼ ਕਰਨ 'ਚ ਮਦਦ ਕਰਦਾ ਹੈ, ਜਿੱਥੇ ਬੁਰਸ਼ ਨਹੀਂ ਪਹੁੰਚ ਸਕਦਾ ਹੈ।

ਮੀਠੇ ਅਤੇ ਸਟਾਰਚ ਵਾਲੇ ਖ਼ੂਰਾਕੀ ਪਦਾਰਥਾਂ ਤੋਂ ਬਚੋ ਕਿਉਂਕਿ ਇਸ ਤਰ੍ਹਾਂ ਦੇ ਖ਼ੂਰਾਕੀ ਪਦਾਰਥਾਂ 'ਚ ਮੌਜੂਦ ਖੰਡ ਲਾਰ 'ਚ ਬੈਕਟੀਰੀਆ ਦੇ ਨਾਲ ਪ੍ਰਤੀਕਿਰਆ ਕਰ ਕੇ ਦੰਦਾਂ ਦੀ ਬੀਮਾਰੀ ਨੂੰ ਵਧਾਉਣ ਅਤੇ ਇਨੇਮਲ ਨੂੰ ਖ਼ਤਮ ਕਰਨ ਵਾਲੇ ਐਸਿਡ ਦਾ ਨਿਮਾਰਣ ਕਰਦੀ ਹੈ। ਜੀਭ ਵੀ ਕੀਟਾਣੂ ਨੂੰ ਇਕਠੇ ਕਰਦੀ ਹੈ। ਇਸ ਲਈ ਬੁਰਸ਼ ਕਰਨ ਤੋਂ ਬਾਅਦ ਇਕ ਜੀਭ ਸਾਫ਼ ਕਰਨ ਵਾਲੀ ਤਾਰ ਨਾਲ ਜੀਭ ਨੂੰ ਵੀ ਸਾਫ਼ ਕਰਨਾ ਚਾਹੀਦਾ ਹੈ।

ਜੇਕਰ ਤੁਹਾਡੇ ਮਸੂੜਿਆਂ 'ਚ ਸੋਜ ਹੋ ਜਾਂਦੀ ਹੈ ਜਾਂ ਉਨ੍ਹਾਂ ਨੂੰ ਖ਼ੂਨ ਵਗਦਾ ਹੈ ਤਾਂ ਦੰਦਾਂ ਦੇ ਡਾਕਟਰ ਨੂੰ ਮਿਲੋ। ਦੰਦਾਂ ਅਤੇ ਮਸੂੜਿਆਂ ਦੇ ਦਰਦ ਨੂੰ ਅਣਦੇਖਾ ਨਾ ਕਰੋ। ਹਰ ਛੇ ਮਹੀਨੇ 'ਚ ਅਪਣੇ ਦੰਦਾਂ ਦੀ ਜਾਂਚ ਕਰਵਾਉ। ਸਾਲ 'ਚ ਦੋ ਵਾਰ ਡੈਂਟਲ ਕਲੀਨਿੰਗ ਕਰਵਾਉ।