ਜਾਣੋ ਗਰਮੀਆਂ 'ਚ ਕਕੜੀ ਖਾਣ ਦੇ ਫ਼ਾਇਦੇ

cucumbers

ਕਕੜੀ ਰੇਸ਼ਾ ਅਤੇ ਪਾਣੀ ਦਾ ਸ਼ਾਨਦਾਰ ਮੇਲ ਹੈ। ਕਕੜੀ 'ਚ ਆਇਯੋਡੀਨ ਦੀ ਪੂਰੀ ਮਾਤਰਾ ਪਾਈ ਜਾਂਦੀ ਹੈ, ਜਿਸ ਨਾਲ ਇਹ ਕਈ ਬਿਮਾਰੀਆ ਤੋਂ ਬਚਾਅ ਕਰਦੀ ਹੈ। ਕਕੜੀ ਸਰੀਰ ਨੂੰ ਸਿਹਤਮੰਦ ਕਰਨ ਦੇ ਨਾਲ ਹੀ ਰੋਗ ਮਿਟਾਉਣ 'ਚ ਵੀ ਸਮਰਥ ਹੈ।

ਆਯੁਰਵੇਦ ਮੁਤਾਬਕ ਗਰਮੀਆਂ ਦਾ ਇਹ ਫ਼ਲ ਸਵਾਦ ਅਤੇ ਪਿੱਤ ਖ਼ਤ‍ਮ ਕਰਨ 'ਚ ਵੀ ਮਦਦਗਾਰ ਸਾਬਤ ਹੁੰਦਾ ਹੈ। ਇਸ 'ਚ ਕੈਲਸ਼ੀਅਮ ਫ਼ਾਸਫ਼ੋਰਸ, ਸੋਡੀਅਮ ਅਤੇ ਮੈਗਨੀਸ਼ੀਅਮ ਪਾਇਆ ਜਾਂਦਾ ਹੈ। ਇਸ ਦਾ ਸੇਵਨ ਡਿਹਾਈਡਰੇਸ਼ਨ ਤੋਂ ਬਚਾਉਂਦਾ ਹੈ ਨਾਲ ਹੀ ਇਹ ਸਲਾਦ ਦੇ ਰੂਪ ਵਿਚ ਢਿੱਡ ਲਈ ਬਹੁਤ ਫ਼ਾਇਦੇਮੰਦ ਹੁੰਦੀ ਹੈ।

ਇਸ ਦੇ ਸੇਵਨ ਨਾਲ ਸਰੀਰ ਨੂੰ ਗਰਮੀ ਵੀ ਘੱਟ ਲਗਦੀ ਹੈ। ਜਿਨ੍ਹਾਂ ਨੂੰ ਗਰਮੀਆਂ ਵਿਚ ਬਹੁਤ ਜ਼ਿਆਦਾ ਪਿਆਸ ਲਗਦੀ ਹੋਵੇ ਤਾਂ ਕਕੜੀ ਖਾਣ ਨਾਲ ਪਿਆਸ ਸ਼ਾਂਤ ਹੁੰਦੀ ਹੈ। ਕਕੜੀ 'ਚ ਪੋਟੈਸ਼ੀਅਮ ਹੁੰਦਾ ਹੈ ਜੋ ਹਾਈ ਬਲੱਡ ਪ੍ਰੈਸ਼ਰ ਦੇ ਰੋਗੀਆਂ ਲਈ ਬਹੁਤ ਫ਼ਾਇਦੇਮੰਦ ਹੰਦਾ ਹੈ। ਪਿਸ਼ਾਬ 'ਚ ਜਲਨ ਦੀ ਸਮੱਸਿਆ ਹੋਣ 'ਤੇ ਕਕੜੀ ਖਾਣ ਨਾਲ ਬਹੁਤ ਮਦਦਗਾਰ ਹੁੰਦਾ ਹੈ।

ਕਕੜੀ ਦਾ ਸੇਵਨ ਸੂਗਰ ਦੇ ਪੱਧਰ ਨੂੰ ਕਾਬੂ ਕਰਦਾ ਹੈ। ਜ਼ਿਆਦਾ ਭੋਜਨ ਕਰ ਲੈਣ ਨਾਲ ਜਦੋਂ ਢਿੱਡ 'ਚ ਦਰਦ ਹੰਦਾ ਹੈ ਤਾਂ ਕਕੜੀ ਖਾਣ ਨਾਲ ਪਾਚਣ ਕਿਰਿਆ ਤੇਜ਼ ਹੋਣ ਨਾਲ ਦਰਦ ਤੋਂ ਮੁਕਤੀ ਮਿਲਦੀ ਹੈ। ਇਸ ਦੇ ਬੀਜ ਦਿਮਾਗ ਦੀ ਗਰਮੀ ਨੂੰ ਦੂਰ ਕਰਨ 'ਚ ਮਦਦਗਾਰ ਹੁੰਦੇ ਹਨ। ਇਸ ਦੇ ਸੇਵਨ ਨਾਲ ਚਿੜਚਿੜਾਪਣ ਅਤੇ ਅਵਸਾਦ ਆਦਿ ਮਾਨਸਿਕ ਵਿਕਾਰ ਦੂਰ ਹੁੰਦੇ ਹਨ।