ਹਰ ਦਰਦ ਦੀ ਦਾਰੂ ਹੈ ਜੀਰੇ-ਗੁੜ ਦਾ ਪਾਣੀ

water of cumin and jaggery

ਗੁੜ ਅਤੇ ਜੀਰਾ 2 ਅਜਿਹੇ ਆਮ ਭੋਜਨ ਵਸਤਾਂ ਹਨ ਜੋ ਹਰ ਘਰ ਦੀ ਰਸੋਈ ਵਿਚ ਜ਼ਰੂਰ ਮਿਲ ਜਾਂਦੇ ਹਨ। ਜੀਰੇ ਦੀ ਵਰਤੋਂ ਭੋਜਨ ਨੂੰ ਸਵਾਦਿਸ਼ਟ ਬਣਾਉਣ ਲਈ ਕੀਤਾ ਜਾਂਦਾ ਹੈ। ਸਵਾਦ ਦੇ ਨਾਲ - ਨਾਲ ਚੰਗੀ ਸਿਹਤ ਲਈ ਵੀ ਜੀਰਾ ਕਾਫ਼ੀ ਅਹਿਮ ਮੰਨਿਆ ਜਾਂਦਾ ਹੈ। ਉਥੇ ਹੀ ਗੁੜ ਵੀ ਤਮਾਮ ਤਰ੍ਹਾਂ ਦੇ ਪੋਸ਼ਟਿਕ ਤੱਤ ਨਾਲ ਭਰਪੂਰ ਹੁੰਦਾ ਹੈ।  ਜੀਰਾ ਅਤੇ ਗੁੜ ਦੇ ਪਾਣੀ ਦਾ ਸੇਵਨ ਕਰਨ ਨਾਲ ਕਈ ਤਰ੍ਹਾਂ ਦੀ ਸਿਹਤ ਸਮੱਸਿਆਵਾਂ ਨੂੰ ਠੀਕ ਕੀਤਾ ਜਾ ਸਕਦਾ ਹੈ।  ਤਾਂ ਆਓ ਜਾਣਦੇ ਹਾਂ ਕਿ ਗੁੜ ਅਤੇ ਜੀਰੇ ਦੇ ਪਾਣੀ ਨਾਲ ਕਿਹੜੀਆਂ ਬੀਮਾਰੀਆਂ ਠੀਕ ਕੀਤੀਆਂ ਜਾ ਸਕਦੀਆਂ ਹਨ।  

ਜੀਰਾ ਅਤੇ ਗੁੜ ਦੋਨੇ ਢਿੱਡ ਦੀ ਹਰ ਸਮੱਸਿਆ ਦੂਰ ਕਰਨ ਲਈ ਜਾਣੇ ਜਾਂਦੇ ਹਨ। ਕਬਜ਼, ਗੈਸ, ਢਿੱਡ ਫੁੱਲਣਾ ਅਤੇ ਢਿੱਡ ਦਰਦ ਵਰਗੀ ਸਮੱਸਿਆਵਾਂ ਤੋਂ ਰਾਹਤ ਪਾਉਣ ਲਈ ਜੀਰੇ ਅਤੇ ਗੁੜ ਦੇ ਪਾਣੀ ਦਾ ਨੁਸਖਾ ਜ਼ਰੂਰ ਅਜ਼ਮਾਓ।  ਇਸ ਨਾਲ ਢਿੱਡ ਦੀ ਹਰ ਸਮੱਸਿਆ ਦਾ ਹੱਲ ਹੋ ਜਾਵੇਗਾ।  

ਪਿੱਠ ਦਰਦ ਅਤੇ ਕਮਰ ਦਰਦ ਵਰਗੀ ਸਮੱਸਿਆ ਦੇ ਇਲਾਜ ਵਿਚ ਵੀ ਗੁੜ ਅਤੇ ਜੀਰੇ ਦਾ ਪਾਣੀ ਬਹੁਤ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਮਾਹਵਾਰੀ ਵਿਚ ਹਾਰਮੋਨਲ ਬਦਲਾਵਾਂ ਦੇ ਚਲਦੇ ਔਰਤਾਂ ਨੂੰ ਹਰ ਤਰ੍ਹਾਂ ਦੀਆਂ ਤਕਲੀਫਾਂ ਹੁੰਦੀਆਂ ਹਨ। ਇਹਨਾਂ ਸਾਰੀਆਂ ਤਕਲੀਫਾਂ ਤੋਂ ਨਿਜਾਤ ਦਿਵਾਉਣ ਵਿਚ ਗੁੜ ਅਤੇ ਜੀਰੇ ਦਾ ਪਾਣੀ ਬੇਹੱਦ ਕਾਰਗਰ ਨੁਸਖਾ ਹੈ।  

ਗੁੜ ਅਤੇ ਜੀਰੇ ਦਾ ਪਾਣੀ ਪੀਣ ਨਾਲ ਸਿਰਦਰਦ ਵਿਚ ਕਾਫ਼ੀ ਰਾਹਤ ਮਿਲ ਜਾਂਦੀ ਹੈ। ਇਸ ਲਈ ਜੇਕਰ ਤੁਹਾਨੂੰ ਵਾਰ - ਵਾਰ ਸਿਰਦਰਦ ਦੀ ਸ਼ਿਕਾਇਤ ਰਹਿੰਦੀ ਹੈ ਤਾਂ ਤੁਸੀਂ ਇਸ ਨੁਸਖੇ ਦੀ ਵਰਤੋਂ ਕਰ ਕੇ ਵੇਖੋ। ਸਿਰਦਰਦ ਤੋਂ ਇਲਾਵਾ ਜੀਰੇ ਅਤੇ ਗੁੜ ਦੇ ਪਾਣੀ ਨਾਲ ਬੁਖਾਰ ਨੂੰ ਵੀ ਠੀਕ ਕੀਤਾ ਜਾ ਸਕਦਾ ਹੈ।  

ਜੀਰਾ ਅਤੇ ਗੁੜ ਸਰੀਰ ਦੇ ਜ਼ਹਿਰੀਲੇ ਤੱਤਾਂ ਨੂੰ ਬਾਹਰ ਕੱਢਣ ਦੇ ਕੁਦਰਤੀ ਗੁਣਾਂ ਨਾਲ ਭਰਪੂਰ ਹੁੰਦੇ ਹਨ। ਇਹ ਸਾਡੇ ਸਰੀਰ ਦੀ ਗੰਦਗੀ ਨੂੰ ਸਾਫ਼ ਕਰ ਸਾਡੇ ਪ੍ਰਤੀਰੋਧ ਪ੍ਰਣਾਲੀ ਯਾਨੀ ਇੰਮਿਊਨਿਟੀ ਨੂੰ ਮਜਬੂਤ ਬਣਾਉਂਦੇ ਹਨ।  ਇਸ ਤੋਂ ਸਾਨੂੰ ਕਈ ਬੀਮਾਰੀਆਂ ਨਾਲ ਲੜਨ ਵਿਚ ਮਦਦ ਮਿਲਦੀ ਹੈ। 

ਬਣਾਉਣ ਦਾ ਢੰਗ : ਜੀਰੇ ਅਤੇ ਗੁੜ ਦਾ ਪਾਣੀ ਬਣਾਉਣ ਲਈ ਸੱਭ ਤੋਂ ਪਹਿਲਾਂ ਇਕ ਭਾਂਡੇ ਵਿਚ 2 ਕਪ ਸਾਦਾ ਪਾਣੀ ਲਵੋ। ਹੁਣ 1 ਚੱਮਚ ਪਿਸਿਆ ਹੋਇਆ ਗੁੜ ਅਤੇ 1 ਚੱਮਚ ਜੀਰਾ ਮਿਲਾਓ ਅਤੇ ਚੰਗੀ ਤਰ੍ਹਾਂ ਉਬਾਲ ਲਵੋ। ਉਬਾਲਣ ਤੋਂ ਬਾਅਦ ਇਸ ਪਾਣੀ ਨੂੰ ਤੁਸੀਂ ਕਪ ਵਿਚ ਕੱਢ ਕੇ ਪੀਸ ਸਕਦੇ ਹੋ।