Beauty News: ਵਾਲਾਂ ਨੂੰ ਸੁੰਦਰ ਬਣਾਉਣ ਲਈ ਕਰੋ ਲੱਕੜ ਦੀ ਕੰਘੀ ਦੀ ਵਰਤੋਂ

Beauty  News: ਵਾਲਾਂ ਨੂੰ ਸੁੰਦਰ ਬਣਾਉਣ ਲਈ ਕੰਘੀ ਕਰਨਾ ਬਹੁਤ ਜ਼ਰੂਰੀ ਹੈ ਜਿਸ ਕਾਰਨ ਵਾਲ ਸੁੰਦਰ ਅਤੇ ਸੰਚਾਲਤ ਦਿਖਾਈ ਦਿੰਦੇ ਹਨ। ਕੰਘੀ ਨਾ ਕਰਨ ਦੀ ਆਦਤ ਤੁਹਾਡੇ ਵਾਲਾਂ ਦੀ ਗੁਣਵਤਾ ’ਤੇ ਸਿੱਧਾ ਅਸਰ ਪਾਉਂਦੀ ਹੈ। ਕੰਘੀ ਨਾ ਕਰਨ ਕਾਰਨ ਵਾਲ ਉਲਝੇ ਰਹਿੰਦੇ ਹਨ ਅਤੇ ਜਦੋਂ ਤੁਸੀਂ ਇਸ ਨੂੰ ਕੱਢਣ ਦੀ ਕੋਸ਼ਿਸ਼ ਕਰਦੇ ਹੋ ਤਾਂ ਇਸ ਨਾਲ ਦਰਦ ਹੁੰਦਾ ਹੈ ਅਤੇ ਵਾਲ ਵੀ ਬਹੁਤ ਜ਼ਿਆਦਾ ਟੁਟ ਜਾਂਦੇ ਹਨ। ਖ਼ੈਰ, ਵਾਲ ਝੜਨ ਦੇ ਹੋਰ ਵੀ ਕਈ ਕਾਰਨ ਹਨ, ਜਿਨ੍ਹਾਂ ਵਿਚ ਦੇਖਭਾਲ ਦੀ ਕਮੀ, ਵਾਲਾਂ ਨੂੰ ਸਹੀ ਤਰ੍ਹਾਂ ਨਾਲ ਬੁਰਸ਼ ਨਾ ਕਰਨਾ ਅਤੇ ਸਹੀ ਕੰਘੀ ਦੀ ਵਰਤੋਂ ਨਾ ਕਰਨਾ ਸ਼ਾਮਲ ਹੈ। ਵਾਲਾਂ ਨੂੰ ਸਿਹਤਮੰਦ ਅਤੇ ਸੁੰਦਰ ਬਣਾਉਣ ਵਿਚ ਵੀ ਕੰਘੀ ਬਹੁਤ ਵੱਡੀ ਭੂਮਿਕਾ ਨਿਭਾਉਂਦੀ ਹੈ। ਇਨ੍ਹਾਂ ਵਿਚੋਂ ਸੱਭ ਤੋਂ ਵਧੀਆ ਲੱਕੜ ਦੀ ਕੰਘੀ ਹੈ ਜੋ ਪਲਾਸਟਿਕ ਦੇ ਮੁਕਾਬਲੇ ਕਈ ਗੁਣਾਂ ਨਾਲ ਭਰਪੂਰ ਹੁੰਦੀ ਹੈ ਅਤੇ ਸਾਡੇ ਵਾਲਾਂ ਨੂੰ ਇਸ ਦਾ ਸਿੱਧਾ ਫ਼ਾਇਦਾ ਮਿਲਦਾ ਹੈ। 

ਪਲਾਸਟਿਕ ਜਾਂ ਧਾਤੂ ਦੇ ਕੰਘੇ ਬਿਜਲੀ ਪੈਦਾ ਕਰਦੇ ਹਨ ਜਿਸ ਕਾਰਨ ਵਾਲਾਂ ਦੇ ਉਲਝਣ ਦੂਰ ਨਹੀਂ ਹੁੰਦੇ ਅਤੇ ਇਨ੍ਹਾਂ ਨੂੰ ਖੋਲ੍ਹਣ ਲਈ ਬਹੁਤ ਸਾਰੇ ਵਾਲਾਂ ਦੀ ਕੁਰਬਾਨੀ ਕਰਨੀ ਪੈਂਦੀ ਹੈ, ਜਦੋਂ ਕਿ ਲੱਕੜ ਦੀ ਕੰਘੀ ਨਾਲ ਇਹ ਸਮੱਸਿਆ ਨਹੀਂ ਹੁੰਦੀ। ਵਾਲਾਂ ਨੂੰ ਮਿੰਟਾਂ ਵਿਚ ਆਸਾਨੀ ਨਾਲ ਸਟਾਈਲ ਕੀਤਾ ਜਾ ਸਕਦਾ ਹੈ। ਪਲਾਸਟਿਕ ਦੇ ਮੁਕਾਬਲੇ, ਲੱਕੜ ਦੀ ਕੰਘੀ ਨਾ ਸਿਰਫ਼ ਵਾਲਾਂ ਨੂੰ ਆਸਾਨੀ ਨਾਲ ਸੰਭਾਲਦੀ ਹੈ, ਸਗੋਂ ਇਹ ਖੋਪੜੀ ਦੀ ਮਾਲਿਸ਼ ਵੀ ਕਰਦੀ ਹੈ ਜਿਸ ਨਾਲ ਸਿਰ ਵਿਚ ਖ਼ੂਨ ਦਾ ਸੰਚਾਰ ਵਧਦਾ ਹੈ ਜਿਸ ਨਾਲ ਖੋਪੜੀ ਅਤੇ ਵਾਲ ਦੋਵੇਂ ਸਿਹਤਮੰਦ ਰਹਿੰਦੇ ਹਨ।

ਸਾਡੀ ਸਕੈਲਪ ਤੋਂ ਤੇਲ ਵੀ ਨਿਕਲਦੇ ਹਨ, ਜੋ ਵਾਲਾਂ ਦੀ ਨਮੀ ਨੂੰ ਬਰਕਰਾਰ ਰਖਦੇ ਹਨ ਜਿਸ ਨਾਲ ਖੁਸ਼ਕੀ ਦੀ ਸਮੱਸਿਆ ਦੂਰ ਹੁੰਦੀ ਹੈ। ਇਸ ਲਈ ਲੱਕੜ ਦੀ ਕੰਘੀ ਖੋਪੜੀ ਤੋਂ ਨਿਕਲਣ ਵਾਲੇ ਇਸ ਕੁਦਰਤੀ ਤੇਲ ਨੂੰ ਵਾਲਾਂ ਵਿਚ ਬਰਾਬਰ ਹਿੱਸਿਆਂ ਵਿਚ ਵੰਡਣ ਦਾ ਕੰਮ ਕਰਦੀ ਹੈ ਜਿਸ ਨਾਲ ਵਾਲਾਂ ਦੀ ਚਮਕ ਅਤੇ ਕੋਮਲਤਾ ਵਧਦੀ ਹੈ। ਲੱਕੜ ਦੀਆਂ ਕੰਘੀਆਂ ਕਈ ਕਿਸਮਾਂ ਦੀਆਂ ਲੱਕੜਾਂ ਤੋਂ ਬਣਾਈਆਂ ਜਾਂਦੀਆਂ ਹਨ, ਪਰ ਨਿੰਮ ਦੀ ਲੱਕੜ ਤੋਂ ਬਣੀ ਕੰਘੀ ਸੱਭ ਤੋਂ ਵਧੀਆ ਹੈ।