ਖ਼ੂਨ ਜਾਂਚ ਦੇ ਨਵੇਂ ਤਰੀਕੇ ਨਾਲ ਟੀਬੀ ਦਾ ਦੋ ਸਾਲ ਪਹਿਲਾਂ ਹੀ ਪਤਾ ਚੱਲ ਸਕਦੈ

 ਵਿਗਿਆਨੀਆਂ ਨੇ ਨਵੀਂ ਕਿਸਮ ਦੀ ਖ਼ੂਨ ਜਾਂਚ ਦਾ ਪਤਾ ਲਾਇਆ ਹੈ ਜਿਸ ਜ਼ਰੀਏ ਜ਼ਿਆਦਾ ਜੋਖਮ ਵਾਲੇ ਰੋਗੀਆਂ ਅੰਦਰ ਟੀਬੀ ਦੀ ਸ਼ੁਰੂਆਤ ਹੋਣ ਤੋਂ ਦੋ ਸਾਲ ਪਹਿਲਾਂ ਹੀ ਇਸ ਬਾਰੇ ਸਟੀਕ ਪਤਾ ਲਾਇਆ ਜਾ ਸਕਦਾ ਹੈ। ਅਮਰੀਕਨ ਜਨਰਲ ਆਫ਼ ਰੈਸਪੀਰੇਟਰੀ ਐਂਡ ਕ੍ਰਿਟੀਕਲ ਕੇਅਰ ਮੈਡੀਸਨ ਵਿਚ ਛਪੇ ਅਧਿਐਨ ਮੁਤਾਬਕ ਐਕਟਿਵ ਟੀਬੀ ਤੋਂ ਗ੍ਰਸਤ ਲੋਕਾਂ ਅੰਦਰ ਇਹ ਰੋਗ ਪੈਦਾ ਹੋਣ ਦਾ ਸੱਭ ਤੋਂ ਜ਼ਿਆਦਾ ਖ਼ਦਸ਼ਾ ਰਹਿੰਦਾ ਹੈ। ਫਿਰ ਵੀ ਟੀਬੀ ਬੈਕਟੀਰੀਆ ਤੋਂ ਪੀੜਤ ਕਰੀਬ ਪੰਜ ਤੋਂ 20 ਫ਼ੀ ਸਦੀ ਲੋਕਾਂ ਅੰਦਰ ਹੀ ਇਹ ਪੈਦਾ ਹੁੰਦਾ ਹੈ। 

ਅਧਿਐਨ ਕਰਨ ਵਾਲਿਆਂ ਨੇ ਇਕ ਤਰ੍ਹਾਂ ਦੀ ਖ਼ੂਨ ਜਾਂਚ ਦੀ ਕਾਢ ਕੱਢੀ ਹੈ ਜੋ ਉਨ੍ਹਾਂ ਚਾਰ ਜੀਨਜ਼ ਦੇ ਪੱਧਰ ਨੂੰ ਮਾਪਦੀ ਹੈ ਜਿਹੜਾ ਜ਼ਿਆਦਾ ਜੋਖਮ ਵਾਲੇ ਰੋਗੀਆਂ ਅੰਦਰ ਟੀਬੀ ਦੇ ਵਿਕਾਸ ਦਾ ਅਨੁਮਾਨ ਲਾਉਂਦਾ ਹੈ। ਦਖਣੀ ਅਫ਼ਰੀਕਾ ਦੀ ਸਟੇਲੇਨਬੋਸ਼ ਯੂਨੀਵਰਸਿਟੀ ਦੇ ਗੇਰਹਰਡ ਵਾਲਜਲ ਨੇ ਦਸਿਆ ਕਿ ਉਨ੍ਹਾਂ ਵੇਖਿਆ ਕਿ ਰੋਗ ਸ਼ੁਰੂ ਹੋਣ ਤੋਂ ਪਹਿਲਾਂ ਦਾ ਇਹ ਅਨੁਮਾਨ ਖ਼ੂਨ ਵਿਚ ਮੌਜੂਦ ਚਾਰ ਜੀਨਜ਼ ਦੀ ਜਾਂਚ ਜ਼ਰੀਏ ਸੰਭਵ ਹੈ। (ਏਜੰਸੀ)