ਖੱਟੀ ਡਕਾਰ 'ਚ ਫ਼ਾਇਦੇ ਦੇਣਗੇ ਇਹ ਘਰੇਲੂ ਨੁਸਖ਼ੇ

Indigetion

ਖਾਣ - ਪੀਣ ਦੀਆਂ ਇਨ੍ਹਾਂ ਆਦਤਾਂ  ਕਾਰਨ ਕਈ ਵਾਰ ਬੱਚਿਆਂ 'ਚ ਦਸਤ, ਉਲਟੀ ਅਤੇ ਢਿੱਡ ਦਰਦ ਤਾਂ ਉਥੇ ਹੀ ਸੀਨੇ 'ਚ ਜਲਨ, ਢਿੱਡ ਦਰਦ ਅਤੇ ਖੱਟੀ ਡਕਾਰ ਦੀ ਸਮੱਸਿਆ ਦੇਖੀ ਜਾਂਦੀ ਹੈ। ਅਜਕਲ ਲੋਕਾਂ ਨੂੰ ਘਰ ਦੇ ਖਾਣੇ ਤੋਂ ਜ਼ਿਆਦਾ ਬਾਹਰ ਦਾ ਫਾਸਟ ਫੂਡ ਅਤੇ ਜੰਕ ਫੂਡ ਪਸੰਦ ਆਉਂਦਾ ਹੈ ਜਿਸ ਕਾਰਨ  ਲੋਕਾਂ 'ਚ ਢਿੱਡ ਨਾਲ ਸਬੰਧਤ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। 

ਲੈਕਟਿਕ ਐਸਿਡ ਦੀ ਵਰਤੋਂ ਨਾਲ ਖੱਟੀ ਡਕਾਰ ਦੀ ਸਮੱਸਿਆ 'ਚ ਅਰਾਮ ਮਿਲਦਾ ਹੈ। ਦਹੀ 'ਚ ਲੈਕਟਿਕ ਐਸਿਡ ਹੋਣ ਦੇ ਕਾਰਨ ਇਹ ਖੱਟੀ ਡਕਾਰ ਦੀ ਸਮੱਸਿਆ ਨੂੰ ਅਸਾਨੀ ਨਾਲ ਠੀਕ ਕਰ ਦਿੰਦਾ ਹੈ। ਇਸ ਤੋਂ ਇਲਾਵਾ ਦਹੀ 'ਚ ਐਂਜ਼ਾਈਮਜ਼ ਅਤੇ ਕਈ ਤਰ੍ਹਾਂ ਦੇ ਪ੍ਰੋਟੀਨ ਹੁੰਦੇ ਹਨ।  

ਜੇਕਰ ਤੁਹਾਨੂੰ ਅਕਸਰ ਹੀ ਖੱਟੀ ਡਕਾਰ ਦੀ ਸਮੱਸਿਆ ਹੁੰਦੀ ਹੈ ਤਾਂ ਮਿਸ਼ਰੀ ਅਤੇ ਸੌਂਫ਼ ਦਾ ਪ੍ਰਯੋਗ ਇਸ ਸਮੱਸਿਆ ਤੋਂ ਹਮੇਸ਼ਾ ਲਈ ਰਾਹਤ ਦਿਵਾਂਉਂਦਾ ਹੈ। ਸੌਂਫ਼ 'ਚ ਕਈ ਤਰ੍ਹਾਂ ਦੇ ਐਂਟੀਆਕਸਿਡੈਂਟਸ ਅਤੇ ਮਿਨਰਲਜ਼ ਪਾਏ ਜਾਂਦੇ ਹਨ ਜੋ ਪਾਚਣ ਦੀ ਪਰਿਕ੍ਰੀਆ ਨੂੰ ਤੇਜ਼ ਕਰਦੇ ਹਨ। ਖੱਟੀ ਡਕਾਰ ਦੀ ਸਮੱਸਿਆ ਤੋਂ ਰਾਹਤ ਲਈ ਰੋਜ਼ਾਨਾ ਖਾਣੇ ਤੋਂ ਬਾਅਦ ਅੱਧਾ ਚੱਮਚ ਸੌਂਫ਼ ਅਤੇ ਅੱਧਾ ਚੱਮਚ ਮਿਸ਼ਰੀ ਖਾਣ ਨਾਲ ਅਰਾਮ ਮਿਲੇਗਾ।  

ਨੀਂਬੂ ਪਾਣੀ ਵੀ ਖੱਟੀ ਡਕਾਰ ਤੋਂ ਰਾਹਤ ਪਾਉਣ 'ਚ ਮਦਦ ਕਰ ਸਕਦਾ ਹੈ। ਨੀਂਬੂ 'ਚ ਐਸਿਟਿਕ ਗੁਣ ਹੁੰਦੇ ਹਨ ਅਤੇ ਇਹ ਢਿੱਡ ਨੂੰ ਠੰਡਾ ਰੱਖਣ ਦਾ ਕੰਮ ਕਰਦਾ ਹੈ। ਖਾਣ ਤੋਂ 15 ਮਿੰਟ ਬਾਅਦ ਇਕ ਗਲਾਸ ਪਾਣੀ 'ਚ ਅੱਧਾ ਨੀਂਬੂ ਦਾ ਰਸ ਨਚੋੜ ਕੇ ਪੀ ਲਵੋ। ਇਸ ਨਾਲ ਖੱਟੀ ਡਕਾਰ ਦੀ ਸਮੱਸਿਆ 'ਚ ਰਾਹਤ ਮਿਲੇਗੀ।