Health News: ਬਦਲਦੇ ਮੌਸਮ ਵਿਚ ਸਵੇਰੇ-ਸ਼ਾਮ ਕਰੋ ਗਰਾਰੇ, ਹੋਣਗੇ ਕਈ ਫ਼ਾਇਦੇ

ਬਦਲਦੇ ਮੌਸਮ ਵਿਚ ਸਰਦੀ ਅਤੇ ਜ਼ੁਕਾਮ ਕਿਸੇ ਨੂੰ ਵੀ ਹੋ ਸਕਦਾ ਹੈ ਪਰ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾਂਦਾ। ਸਰਦੀ-ਜ਼ੁਕਾਮ ਉਂਜ ਤਾਂ ਸਾਧਾਰਣ ਜਿਹੀ ਸਮੱਸਿਆ ਹੈ। ਕਈ ਵਾਰ ਇਸ ਦੇ ਗੰਭੀਰ  ਨਤੀਜੇ ਵੀ ਹੁੰਦੇ ਹਨ। ਕਈ ਲੋਕ ਸਰਦੀ-ਜ਼ੁਕਾਮ ਲਈ ਐਲੋਪੈਥਿਕ ਦਵਾਈਆਂ ਲੈ ਲੈਂਦੇ ਹਨ, ਜਿਨ੍ਹਾਂ ਨਾਲ ਕੁੱਝ ਸਮੇਂ ਲਈ ਆਰਾਮ ਮਿਲਦਾ ਹੈ ਪਰ ਜਿਵੇਂ ਹੀ ਦਵਾਈ ਦਾ ਅਸਰ ਖ਼ਤਮ ਹੁੰਦਾ ਹੈ, ਉਹ ਫਿਰ ਤੋਂ ਇਸ ਦੀ ਗਿ੍ਰਫ਼ਤ ਵਿਚ ਆ ਜਾਂਦੇ ਹਨ।

ਸਰਦੀ-ਜ਼ੁਕਾਮ ਵਿਚ ਘਰੇਲੂ ਉਪਾਅ ਜ਼ਿਆਦਾ ਮਦਦਗਾਰ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਸਵੇਰੇ-ਸ਼ਾਮ ਗਰਾਰੇ ਕਰਨ ਨਾਲ ਵੀ ਤੁਹਾਨੂੰ ਫ਼ਾਇਦਾ ਮਿਲੇਗਾ। ਬਦਲਦੇ ਮੌਸਮ ਵਿਚ ਇਹ ਸਮੱਸਿਆ ਜ਼ਿਆਦਾ ਕਿਉਂ ਹੁੰਦੀ ਹੈ ਅਤੇ ਕੀ ਹਨ ਇਸ ਦੇ ਲੱਛਣ ਅਤੇ ਉਪਾਅ? ਬਦਲਦੇ ਮੌਸਮ ਵਿਚ ਸਰਦੀ-ਜ਼ੁਕਾਮ ਦੀ ਸਮੱਸਿਆ ਹਵਾ ਵਿਚ ਫੈਲੇ ਕਈ ਵਾਇਰਸ ਅਤੇ ਬੈਕਟੀਰੀਆ ਦੇ ਸੰਕਰਮਣ ਕਾਰਨ ਹੁੰਦੀ ਹੈ।

ਜਦੋਂ ਸਰੀਰ ਦੀ ਪ੍ਰਤੀਰੋਧੀ ਸਮਰੱਥਾ ਘੱਟ ਹੋਣ ਲਗਦੀ ਹੈ, ਉਦੋਂ ਸਰਦੀ-ਜ਼ੁਕਾਮ ਵਰਗੀ ਸਮੱਸਿਆ ਪਹਿਲਾਂ ਸਰੀਰ ਨੂੰ ਫੜਦੀਆਂ ਹਨ। ਮਿੱਟੀ, ਧੂਏਂ, ਪ੍ਰਦੂਸ਼ਣ, ਐਲਰਜੀ, ਠੰਢੇ ਤੋਂ ਗਰਮ ਜਾਂ ਗਰਮ ਤੋਂ ਇਕਦਮ ਠੰਢੇ ਵਿਚ ਜਾਣਾ, ਧੁੱਪ ਵਿਚ ਆਉਣ ਤੋਂ ਬਾਅਦ ਠੰਢੀ ਚੀਜ਼ਾਂ ਖਾ ਲੈਣਾ ਆਦਿ ਇਸ ਦੇ ਪ੍ਰਮੁੱਖ ਕਾਰਨ ਹੁੰਦੇ ਹਨ।  ਇਹ ਹਨ ਲੱਛਣ : ਗਲੇ ਵਿਚ ਖ਼ਰਾਸ਼, ਸਿਰਦਰਦ, ਸਾਹ ਲੈਣ ਵਿਚ ਮੁਸ਼ਕਲ, ਹਲਕਾ ਬੁਖ਼ਾਰ ਆਉਣਾ, ਅੱਖਾਂ ਵਿਚ ਜਲਣ, ਸਰੀਰ ਵਿਚ ਦਰਦ।

ਬਚਾਅ : ਮੌਸਮ ਵਿਚ ਬਦਲਾਅ ਦੇ ਨਾਲ ਹੀ ਸ਼ੁਰੂ ਕਰ ਦਿਉ ਸਵੇਰੇ-ਸ਼ਾਮ ਦੇ ਗਰਾਰੇ। ਜਦੋਂ ਘਰ ਤੋਂ ਬਾਹਰ ਜਾਉ ਤਾਂ ਮਾਸਕ ਜ਼ਰੂਰ ਪਾਉ, ਨੱਕ ਦੇ ਅੰਦਰ ਦੀ ਤਹਿ ਉਤੇ ਸਰਸੋਂ ਦਾ ਤੇਲ ਲਗਾਉ, ਸਰਦੀ-ਜ਼ੁਕਾਮ ਦੇ ਸ਼ਿਕਾਰ ਲੋਕਾਂ ਨਾਲ ਸਿੱਧੇ-ਸਿੱਧੇ ਸੰਪਰਕ ਵਿਚ ਆਉਣ ਤੋਂ ਬਚੋ। ਤੁਹਾਨੂੰ ਕਿਸੇ ਹੋਰ ਨੂੰ ਇਹ ਸਮੱਸਿਆ ਨਾ ਹੋਵੇ, ਇਸ ਲਈ ਛਿੱਕ ਮਾਰਦੇ ਸਮੇਂ ਅਪਣੇ ਮੂੰਹ ਉਤੇ ਰੁਮਾਲ ਜ਼ਰੂਰ ਰੱਖੋ। ਧੁੱਪ ਤੋਂ ਆਉਣ ਤੋਂ ਬਾਅਦ ਤੁਰਤ ਠੰਢਾ ਪਾਣੀ ਨਾ ਪੀਉ ਅਤੇ ਨਾ ਹੀ ਕਿਸੇ ਠੰਢੀ ਚੀਜ਼ ਦਾ ਸੇਵਨ ਕਰੋ।