ਬੱਚਿਆਂ ਨੂੰ ਦੁੱਧ ਵਿਚ ਮਿਲਾ ਕੇ ਕਦੇ ਵੀ ਨਾ ਦੇਵੋ ਇਹ ਚੀਜ਼ਾਂ

 ਮੁਹਾਲੀ: ਹਰ ਤਰ੍ਹਾਂ ਦੇ ਭੋਜਨ ਨਾਲ ਦੁੱਧ ਦਾ ਸੇਵਨ ਨਹੀਂ ਕੀਤਾ ਜਾ ਸਕਦਾ, ਯਾਨੀ ਇਸ ਦਾ ਸੇਵਨ ਤੁਹਾਡੇ ਪੇਟ ਦੀ ਸਿਹਤ ਨੂੰ ਪ੍ਰਭਾਵਤ ਕਰ ਸਕਦਾ ਹੈ। ਖ਼ਾਸ ਕਰ ਕੇ ਬੱਚਿਆਂ ਦੇ ਪੇਟ ਨਾਲ। ਕਈ ਅਜਿਹੀਆਂ ਖਾਣ-ਪੀਣ ਵਾਲੀਆਂ ਵਸਤੂਆਂ ਹਨ, ਜਿਨ੍ਹਾਂ ਨੂੰ ਦੁੱਧ ਵਿਚ ਮਿਲਾ ਕੇ ਖਾਧਾ ਜਾਵੇ ਤਾਂ ਅਜਿਹੇ ਨੁਕਸਾਨ ਹੋ ਸਕਦੇ ਹਨ :

ਸੰਤਰਾ, ਨਿੰਬੂ ਅਤੇ ਅਨਾਨਾਸ ਵਰਗੇ ਖੱਟੇ ਫਲਾਂ  ਨਾਲ ਦੁੱਧ ਕਦੇ ਨਹੀਂ ਪੀਣਾ ਚਾਹੀਦਾ। ਇਹ ਇਸ ਲਈ ਹੈ ਕਿਉਂਕਿ ਅਜਿਹੇ ਫਲ ਵਿਟਾਮਿਨ-ਸੀ ਨਾਲ ਭਰਪੂਰ ਹੁੰਦੇ ਹਨ ਅਤੇ ਜਦੋਂ ਦੁੱਧ ਵਿਚ ਮਿਲਾਇਆ ਜਾਂਦਾ ਹੈ, ਤਾਂ ਇਹ ਐਸਿਡ ਰੀਫਲੈਕਸ, ਖ਼ਰਾਬ ਪੇਟ ਅਤੇ ਛਾਤੀ ਦਾ ਦਰਦ ਸ਼ੁਰੂ ਕਰ ਸਕਦੇ ਹਨ। ਸਿਹਤ ਮਾਹਰਾਂ ਦਾ ਕਹਿਣਾ ਹੈ ਕਿ ਖੱਟੇ ਫਲਾਂ ਵਿਚ ਮੌਜੂਦ ਐਨਜ਼ਾਈਮ ਅਤੇ ਐਸਿਡ ਡੇਅਰੀ ਨਾਲ ਮਿਲ ਕੇ ਪਾਚਨ ਕਿਰਿਆ ਨੂੰ ਖ਼ਰਾਬ ਕਰਨ ਦਾ ਕੰਮ ਕਰਦੇ ਹਨ।

ਕੇਲੇ ਦਾ ਸ਼ੇਕ ਗਰਮੀਆਂ ਦਾ ਇਕ ਪ੍ਰਸਿੱਧ ਡਰਿੰਕ ਹੈ ਪਰ ਬੱਚਿਆਂ ਨੂੰ ਇਸ ਮਿਸ਼ਰਣ ਤੋਂ ਦੂਰ ਰੱਖਣਾ ਚਾਹੀਦਾ ਹੈ। ਡਾਕਟਰਾਂ ਮੁਤਾਬਕ ਕੇਲਾ ਅਤੇ ਦੁੱਧ ਇਕੱਠੇ ਪੀਣ ਨਾਲ ਸਰੀਰ ਵਿਚ ਜ਼ਹਿਰੀਲੇ ਤੱਤ ਪੈਦਾ ਹੋ ਸਕਦੇ ਹਨ। ਇਸ ਨਾਲ ਹੀ ਆਯੁਰਵੇਦ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਦੁੱਧ ਅਤੇ ਕੇਲਾ ਇਕੱਠੇ ਪੀਣ ਨਾਲ ਪਾਚਨ ਅਤੇ ਮੇਟਾਬੋਲਿਜ਼ਮ ਹੌਲੀ ਹੋ ਜਾਂਦਾ ਹੈ।

ਅੰਗੂਰ ਸਵਾਦ ਵਿਚ ਮਿੱਠੇ ਅਤੇ ਖੱਟੇ ਹੁੰਦੇ ਹਨ ਅਤੇ ਕੁਦਰਤ ਵਿਚ ਕਾਫ਼ੀ ਤੇਜ਼ਾਬ ਹੁੰਦੇ ਹਨ। ਇਸ ਲਈ ਇਨ੍ਹਾਂ ਦੋਹਾਂ ਨੂੰ ਇਕੱਠੇ ਪੀਣ ਨਾਲ ਬੱਚਿਆਂ ਵਿਚ ਪੇਟ ਦਾ ਦਰਦ, ਦਸਤ ਅਤੇ ਪੇਟ ਫੁੱਲਣ ਦੀ ਸਮੱਸਿਆ ਹੋ ਸਕਦੀ ਹੈ। ਦੁੱਧ ਤੋਂ ਇਲਾਵਾ ਦਹੀਂ ਵੀ ਇਕ ਡੇਅਰੀ ਉਤਪਾਦ ਹੈ, ਜਿਸ ਨੂੰ ਫਲਾਂ ਦੇ ਨਾਲ ਵੀ ਖਾਧਾ ਜਾਂਦਾ ਹੈ। ਬਹੁਤ ਸਾਰੇ ਲੋਕ ਮਠਿਆਈ ਜਾਂ ਸਨੈਕ ਦੇ ਤੌਰ ’ਤੇ ਦਹੀਂ ਨਾਲ ਮਿਲਾਏ ਫਲਾਂ ਨੂੰ ਖਾਂਦੇ ਹਨ। ਇਹ ਮਿਸ਼ਰਣ ਨਾ ਤਾਂ ਪੇਟ ਲਈ ਚੰਗਾ ਹੈ ਅਤੇ ਨਾ ਹੀ ਭਾਰ ਘਟਾਉਣ ਲਈ।