ਚਮਕਣ ਵਾਲੇ ਲੈਂਸ ਤੋਂ ਮਿਲੇਗੀ ਅੰਨ੍ਹੇਪਣ ਦੇ ਮਰੀਜ਼ਾਂ ਨੂੰ ਰੋਸ਼ਨੀ
ਸੂਗਰ ਦੇ ਸ਼ਿਕਾਰ ਲੋਕਾਂ ਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਕਾਰਨ ਕਈ ਵਾਰ ਉਨ੍ਹਾਂ ਦੀਆਂ ਅੱਖਾਂ ਦੀ ਰੋਸ਼ਨੀ ਵੀ ਚਲੀ ਜਾਂਦੀ
ਸੂਗਰ ਦੇ ਸ਼ਿਕਾਰ ਲੋਕਾਂ ਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਕਾਰਨ ਕਈ ਵਾਰ ਉਨ੍ਹਾਂ ਦੀਆਂ ਅੱਖਾਂ ਦੀ ਰੋਸ਼ਨੀ ਵੀ ਚਲੀ ਜਾਂਦੀ ਹੈ। ਹੁਣ ਮਾਹਰਾਂ ਨੇ ਹਨੇਰੇ 'ਚ ਚਮਕਣ ਵਾਲੇ ਅਜਿਹੇ ਕਾਨਟੈਕਟ ਲੈਂਸ ਵਿਕਸਤ ਕੀਤੇ ਹਨ ਜੋ ਸੂਗਰ ਦੇ ਮਰੀਜ਼ਾਂ ਨੂੰ ਅੰਨ੍ਹੇਪਣ ਤੋਂ ਰਾਹਤ ਦਿਵਾਉਣਗੇ।
ਅਮਰੀਕਾ ਦੇ ਖੋਜਕਾਰਾਂ ਨੇ ਇਕ ਅਜਿਹਾ ਇਲਾਜ ਵਿਕਸਤ ਕੀਤਾ ਹੈ ਜਿਸ 'ਚ ਦਰਦ ਦੀ ਗੁੰਜਾਇਸ਼ ਨਾ ਦੇ ਬਰਾਬਰ ਹੈ। ਇਸ ਦਾ ਨਾਂਅ ਦ ਡਾਰਕ ਕਾਨਟੈਕਟ ਲੈਂਸ ਹੈ। ਦੁਨੀਆਂ ਭਰ 'ਚ ਲੱਖਾਂ ਲੋਕ ਸੂਗਰ ਤੋਂ ਪੀਡ਼ਤ ਹਨ ਅਤੇ ਉਨ੍ਹਾਂ ਨੂੰ ਅੰਨ੍ਹਾਪਣ, ਡਾਇਬੈਟਿਕ ਰੈਟਿਨੋ ਥੈਰਪੀ ਦਾ ਖ਼ਤਰਾ ਹੈ।
ਸੂਗਰ ਦੀ ਵਜ੍ਹਾ ਨਾਲ ਪੂਰੇ ਸਰੀਰ 'ਚ ਖ਼ੂਨ ਪਹੁੰਚਾਉਣ ਵਾਲੀਆਂ ਨਸਾਂ ਨੂੰ ਨੁਕਸਾਨ ਹੁੰਦਾ ਹੈ। ਅੱਖਾਂ ਦੀਆਂ ਨਸਾਂ ਨੂੰ ਨੁਕਸਾਨ ਹੋਣ 'ਤੇ ਅੱਖਾਂ ਦੀ ਰੋਸ਼ਨੀ ਵੀ ਜਾ ਸਕਦੀ ਹੈ ਕਿਉਂਕਿ ਰੈਟੀਨਾ ਦੀ ਨਰਵ ਸੈਲਜ਼ 'ਚ ਖ਼ੂਨ ਦਾ ਵਹਾਅ ਘੱਟ ਹੋ ਜਾਂਦਾ ਹੈ ਅਤੇ ਉਹ ਖ਼ਤਮ ਹੋਣ ਲਗਦੀਆਂ ਹਨ। ਆਮਤੌਰ 'ਤੇ ਰੈਟੀਨਾ 'ਚ ਨਵੇਂ ਨਰਵ ਸੈਲਜ਼ ਵੀ ਬਣਦੇ ਹਨ।
ਨਵਾਂ ਲੈਂਸ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਗਿਆ ਹੈ ਜਿਸ ਨਾਲ ਰਾਤ ਨੂੰ ਰੈਟੀਨਾ ਦੀ ਆਕਸੀਜਨ ਦੀ ਮੰਗ ਘੱਟ ਹੋ ਜਾਂਦੀ ਹੈ। ਇਸ ਲਈ ਅੱਖਾਂ ਦੀ ਰਾਡ ਕੋਸ਼ਿਕਾਵਾਂ ਨੂੰ ਨਵਾਂ ਲੈਂਸ ਮਾਮੂਲੀ ਰੋਸ਼ਨੀ ਦਿੰਦਾ ਹੈ। ਇਹ ਪਰਿਕ੍ਰੀਆ ਪੂਰੀ ਰਾਤ ਚਲਦੀ ਹੈ। ਇਸ ਲਈ ਲੈਂਸ 'ਚ ਕਲਾਈ 'ਚ ਪਾਉਣ ਵਾਲੀ ਘੜੀ ਦੀ ਤਕਨੀਕ ਦੀ ਵਰਤੋਂ ਕੀਤੀ ਗਈ ਹੈ।