ਗਰਮੀ ਦੇ ਦਿਨਾਂ 'ਚ ਲੂ ਤੋਂ ਬਚਣਾ ਹੈ ਤਾਂ ਅਪਣਾਓ ਇਹ ਘਰੇਲੂ ਤਰੀਕੇ

Protect yourself from hot breeze

ਗਰਮੀਆਂ ਦਾ ਮੌਸਮ ਆਉਂਦੇ ਹੀ ਗਰਮ ਹਵਾਵਾਂ ਨਾਲ ਤਾਪਮਾਨ ਵਧਣ ਨਾਲ ਲੂ ਲੱਗਣ ਦਾ ਖ਼ਤਰਾ ਕਾਫ਼ੀ ਵੱਧ ਜਾਂਦਾ ਹੈ ਕਿਉਂਕਿ ਇੰਨੀ ਦਿਨੀਂ ਸਾਡੇ ਸਰੀਰ 'ਚ ਹੋਣ ਵਾਲੀ ਪਾਣੀ ਅਤੇ ਲੂਣ ਦੀ ਕਮੀ ਹੀ ਲੂ ਲੱਗਣ ਦਾ ਕਾਰਨ ਬਣਦੀ ਹੈ।  ਇਸ ਮੌਸਮ 'ਚ ਥੋੜ੍ਹੀ ਜਿਹੀ ਲਾਪਰਵਾਹੀ ਸਿਹਤ 'ਤੇ ਮਾੜਾ ਅਸਰ ਪਾ ਸਕਦੀ ਹੈ।

ਲੂ ਦਾ ਸ਼ਿਕਾਰ ਨਾ ਹੋ ਜਾਓ ਇਸ  ਲਈ ਚੌਕਸ ਰਹਿਣ ਦੀ ਜ਼ਰੂਰਤ ਹੈ। ਗਰਮੀ ਦੇ ਮੌਸਮ 'ਚ ਅਜਿਹੇ ਲੂ ਤੋਂ ਬਚਿਆ ਜਾ ਸਕਦਾ ਹੈ। ਗਰਮੀ ਦੇ ਦਿਨਾਂ 'ਚ ਘਰ ਤੋਂ ਨਿਕਲਣ ਤੋਂ ਪਹਿਲਾਂ ਜ਼ਿਆਦਾ ਮਾਤਰਾ 'ਚ ਪਾਣੀ ਪੀ ਲਵੋ। ਭਰਪੇਟ ਭੋਜਨ ਕਰ ਕੇ ਹੀ ਘਰ ਤੋਂ ਨਿਕਲੋ। ਸੂਤੀ,  ਢੀਲੇ ਅਤੇ ਆਰਾਮਦਾਇਕ ਕਪੜੇ ਪਾਉਣੇ ਚਾਹਿਦੇ ਹਨ।

ਧੁੱਪ 'ਚ ਨਿਕਲਦੇ ਸਮੇਂ ਅਪਣਾ ਸਿਰ ਢੱਕ ਕੇ ਇਸ ਲਈ ਛਤਰੀ, ਟੋਪੀ, ਤੌਲਿਆ ਆਦਿ ਦੀ ਵਰਤੋਂ ਕਰੋ। ਓਆਰਐਸ ਜਾਂ ਘਰ 'ਚ ਤਿਆਰ ਲੱਸੀ, ਨਿੰਬੂ ਪਾਣੀ, ਅੰਬ ਪੰਨਾ ਆਦਿ ਦਾ ਨੇਮੀ ਸੇਵਨ ਕਰੋ। ਲੂ ਲੱਗਣ ਅਤੇ ਜ਼ਿਆਦਾ ਗਰਮੀ 'ਚ ਸਰੀਰ 'ਤੇ ਪਿੱਤ ਹੋ ਜਾਂਦੀਆਂ ਹਨ। ਵੇਸਣ ਨੂੰ ਪਾਣੀ 'ਚ ਘੋਲ ਕੇ ਪਿੱਤ 'ਤੇ ਲਗਾਉਣ ਤੋਂ ਫ਼ਾਇਦਾ ਹੁੰਦਾ ਹੈ। ਲੂ ਲੱਗਣ 'ਤੇ ਜੌਂ ਦੇ ਆਟੇ ਅਤੇ ਪਿਆਜ਼ ਨੂੰ ਪੀਸ ਕੇ ਪੇਸਟ ਬਣਾਓ ਅਤੇ ਉਸ ਨੂੰ ਸਰੀਰ 'ਤੇ ਲਗਾਓ। ਜ਼ਰੂਰ ਰਾਹਤ ਮਿਲੇਗੀ।