ਬਹੁਤ ਹੀ ਗੁਣਕਾਰੀ ਹੈ ਆਂਵਲਾ, ਭੋਜਨ ਵਿਚ ਸ਼ਾਮਲ ਕਰੋ ਆਂਵਲੇ ਤੋਂ ਬਣੀਆਂ ਇਹ ਚੀਜ਼ਾਂ
ਵਧੇਗੀ ਪਾਚਨਸ਼ਕਤੀ ਅਤੇ ਬਿਮਾਰੀਆਂ ਨਾਲ ਲੜਨ ਦੀ ਸਮਰੱਥਾ
ਨਵੀਂ ਦਿੱਲੀ: ਦੁਨੀਆ ਵਿੱਚ ਇੱਕ ਵਾਰ ਫਿਰ ਤੋਂ ਕੋਰੋਨਾ ਦੀ ਲਹਿਰ ਸ਼ੁਰੂ ਹੋ ਗਈ ਹੈ। ਚੀਨ 'ਚ ਸਥਿਤੀ ਵਿਗੜ ਗਈ ਹੈ, ਦੇਸ਼ 'ਚ ਵੀ ਕੋਰੋਨਾ ਦੇ ਕਈ ਮਾਮਲੇ ਸਾਹਮਣੇ ਆ ਰਹੇ ਹਨ। ਇਸ ਬਿਮਾਰੀ ਨੂੰ ਹਰਾਉਣ ਲਈ, ਤੁਹਾਡੀ ਇਮਿਊਨਿਟੀ ਯਾਨੀ ਪਾਚਨ ਸ਼ਕਤੀ ਦਾ ਮਜ਼ਬੂਤ ਹੋਣਾ ਬਹੁਤ ਜ਼ਰੂਰੀ ਹੈ। ਅਜਿਹੇ 'ਚ ਤੁਹਾਨੂੰ ਉਨ੍ਹਾਂ ਚੀਜ਼ਾਂ ਨੂੰ ਆਪਣੇ ਭੋਜਨ ਦਾ ਹਿੱਸਾ ਬਣਾਉਣਾ ਚਾਹੀਦਾ ਹੈ, ਜਿਨ੍ਹਾਂ 'ਚ ਵਿਟਾਮਿਨ-ਸੀ ਕਾਫੀ ਮਾਤਰਾ 'ਚ ਮੌਜੂਦ ਹੋਵੇ।
ਆਂਵਲੇ ਵਿੱਚ ਇਹ ਪੋਸ਼ਕ ਤੱਤ ਭਰਪੂਰ ਮਾਤਰਾ ਵਿੱਚ ਪਾਇਆ ਜਾਂਦਾ ਹੈ। ਇਸ ਦੀ ਵਰਤੋਂ ਨਾਲ ਇਮਿਊਨਿਟੀ ਬਿਹਤਰ ਹੁੰਦੀ ਹੈ। ਜਿਸ ਨਾਲ ਤੁਸੀਂ ਹੋਰ ਬਿਮਾਰੀਆਂ ਦੇ ਨਾਲ-ਨਾਲ ਕੋਰੋਨਾ ਤੋਂ ਵੀ ਬਚ ਸਕਦੇ ਹੋ। ਆਂਵਲਾ ਐਂਟੀ-ਆਕਸੀਡੈਂਟ ਅਤੇ ਐਂਟੀ-ਇੰਫਲੇਮੇਟਰੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਇਹ ਸਰਦੀ-ਖਾਂਸੀ, ਹਾਈ ਬਲੱਡ ਪ੍ਰੈਸ਼ਰ, ਸ਼ੂਗਰ ਅਤੇ ਹੋਰ ਸਮੱਸਿਆਵਾਂ ਨੂੰ ਦੂਰ ਰੱਖਣ ਵਿੱਚ ਮਦਦ ਕਰਦਾ ਹੈ। ਆਂਵਲਾ ਤੁਸੀਂ ਕਈ ਤਰੀਕਿਆਂ ਨਾਲ ਖਾ ਸਕਦੇ ਹੋ ਤਾਂ ਆਓ ਜਾਣਦੇ ਹਾਂ ਆਂਵਲੇ ਤੋਂ ਕਿਹੜੀਆਂ ਚੀਜ਼ਾਂ ਬਣਾਈਆਂ ਜਾ ਸਕਦੀਆਂ ਹਨ:-
1. ਆਂਵਲਾ ਚਟਣੀ
ਇਸ ਨੂੰ ਬਣਾਉਣ ਲਈ ਤੁਹਾਨੂੰ ਲੋੜ ਹੈ- 1 ਕੱਪ ਆਂਵਲੇ ਦਾ ਗੁੱਦਾ, 3-4 ਚਮਚ ਸ਼ੱਕਰ, 1 ਚਮਚ ਕਾਲਾ ਨਮਕ।
ਆਂਵਲੇ ਦੀ ਚਟਣੀ ਬਣਾਉਣ ਲਈ, ਪਹਿਲਾਂ ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਸਾਫ ਕਰ ਲਾਓ ਅਤੇ ਫਿਰ ਇਸ ਨੂੰ ਉਬਾਲੋ। ਜਦੋਂ ਇਹ ਨਰਮ ਹੋ ਜਾਵੇ ਤਾਂ ਆਂਵਲੇ ਦੀਆਂ ਗਿਟਕਾਂ ਨੂੰ ਗੁੱਦੇ ਤੋਂ ਅੱਲਗ ਕਰ ਲਓ। ਫਿਰ ਇਕ ਪੈਨ ਨੂੰ ਗਰਮ ਕਰੋ, ਉਸ ਵਿਚ ਪਾਣੀ, ਗੁੜ ਅਤੇ ਨਮਕ ਪਾਓ। ਜਦੋਂ ਥੋੜ੍ਹਾ ਜਿਹਾ ਉਬਾਲ ਆ ਜਾਵੇ ਤਾਂ ਆਂਵਲੇ ਦਾ ਗੁੱਦਾ ਪਾ ਦਿਓ। ਜਦੋਂ ਇਹ ਗਾੜ੍ਹਾ ਹੋਣ ਲੱਗੇ ਤਾਂ ਗੈਸ ਬੰਦ ਕਰ ਦਿਓ। ਆਂਵਲੇ ਦੀ ਚਟਣੀ ਤਿਆਰ ਹੈ। ਤੁਸੀਂ ਇਸ ਦਾ ਸੇਵਨ ਟਿੱਕੀ, ਸਪ੍ਰਾਉਟਸ ਨਾਲ ਵੀ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਗਰਮ ਪਾਣੀ ਨਾਲ ਇਸ ਚਟਣੀ ਦਾ ਸੇਵਨ ਕੀਤਾ ਜਾ ਸਕਦਾ ਹੈ। ਇਹ ਸਵਾਦ ਦੇ ਨਾਲ ਇਮਿਊਨਿਟੀ ਵਧਾਉਣ ਵਿੱਚ ਬਹੁਤ ਮਦਦਗਾਰ ਹੈ।
2. ਆਂਵਲਾ ਚਾਹ
ਆਂਵਲੇ ਦੀ ਚਾਹ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਵਿੱਚ ਕਾਰਗਰ ਹੈ। ਇਸ ਚਾਹ ਨੂੰ ਬਣਾਉਣ ਲਈ ਤੁਸੀਂ ਆਂਵਲਾ ਪਾਊਡਰ, ਅਦਰਕ, ਤੁਲਸੀ ਦੀਆਂ ਪੱਤੀਆਂ ਦੀ ਵਰਤੋਂ ਕਰ ਸਕਦੇ ਹੋ।
ਸਭ ਤੋਂ ਪਹਿਲਾਂ ਇਕ ਪੈਨ ਵਿਚ ਪਾਣੀ ਗਰਮ ਕਰੋ, ਉਸ ਵਿਚ ਆਂਵਲਾ ਪਾਊਡਰ, ਤੁਲਸੀ ਦੇ ਪੱਤੇ ਅਤੇ ਅਦਰਕ ਪਾਓ। ਇਸ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਉਬਾਲੋ, ਫਿਰ ਇਸ ਨੂੰ ਛਾਣ ਲਓ। ਤੁਸੀਂ ਚਾਹੋ ਤਾਂ ਇਸ 'ਚ ਸ਼ਹਿਦ ਵੀ ਮਿਲਾ ਸਕਦੇ ਹੋ।
3. ਆਂਵਲਾ ਮੁਰੱਬਾ
ਆਂਵਲੇ ਦਾ ਮੁਰੱਬਾ ਬਹੁਤ ਸਵਾਦਿਸ਼ਟ ਹੁੰਦਾ ਹੈ। ਪਾਚਨਸ਼ਕਤੀ ਨੂੰ ਮਜ਼ਬੂਤ ਕਰਨ ਲਈ ਤੁਸੀਂ ਇਸ ਦਾ ਨਿਯਮਤ ਸੇਵਨ ਕਰ ਸਕਦੇ ਹੋ। ਇਸ ਨੂੰ ਬਣਾਉਣ ਲਈ ਤੁਹਾਨੂੰ ਲੋੜ ਹੈ- 1 ਕਿਲੋ ਆਂਵਲਾ, 1 ਚਮਚ ਰਸਾਇਣਕ ਚੂਨਾ, 3-4 ਕੱਪ ਖੰਡ, 1 ਚਮਚ ਨਿੰਬੂ ਦਾ ਰਸ।
ਸਭ ਤੋਂ ਪਹਿਲਾਂ ਆਂਵਲੇ ਨੂੰ ਕਾਂਟੇ ਨਾਲ ਵਿੰਨ੍ਹ ਲਓ, ਫਿਰ ਇਕ ਬਰਤਨ 'ਚ ਪਾਣੀ ਪਾਓ, ਉਸ 'ਚ ਨਿੰਬੂ ਦਾ ਰਸ ਪਾਓ ਅਤੇ ਇਸ ਮਿਸ਼ਰਣ 'ਚ ਆਂਵਲੇ ਨੂੰ ਪੂਰੀ ਰਾਤ ਭਿਓ ਦਿਓ। ਸਵੇਰੇ ਉੱਠ ਕੇ ਇੱਕ ਵਾਰ ਫਿਰ ਆਂਵਲੇ ਨੂੰ ਚੰਗੀ ਤਰ੍ਹਾਂ ਧੋ ਲਓ। ਇੱਕ ਪੈਨ ਵਿੱਚ ਪਾਣੀ ਉਬਾਲੋ ਅਤੇ ਇਸ ਵਿੱਚ ਆਂਵਲਾ ਪਾਓ। ਹੁਣ ਇਨ੍ਹਾਂ ਨੂੰ ਨਰਮ ਹੋਣ ਤੱਕ ਪਕਾਓ। ਇਕ ਹੋਰ ਪੈਨ ਵਿਚ ਖੰਡ, ਨਿੰਬੂ ਦਾ ਰਸ ਅਤੇ ਪਾਣੀ ਮਿਲਾਓ, ਇਸ ਮਿਸ਼ਰਣ ਦੀ ਚਾਸ਼ਨੀ ਤਿਆਰ ਕਰੋ। ਪੱਕੇ ਹੋਏ ਆਂਵਲੇ ਨੂੰ ਚੀਨੀ ਦੇ ਇਸ ਘੋਲ ਵਿਚ ਪਾਓ ਅਤੇ ਥੋੜ੍ਹੀ ਦੇਰ ਲਈ ਘੱਟ ਗੈਸ 'ਤੇ ਪਕਾਓ। ਆਂਵਲੇ ਦਾ ਮੁਰੱਬਾ ਖਾਣ ਲਈ ਤਿਆਰ ਹੈ।