ਖੰਨਾ/ਦੋਰਾਹਾ, 7 ਨਵੰਬਰ (ਅਵਤਾਰ ਸਿੰਘ ਜੰਟੀ ਮਾਨ/ਅਸ਼ੀਸ਼ ਸੱਚਦੇਵਾ) : ਡੇਂਗੂ ਦਾ ਡੰਕ ਸ਼ਹਿਰ ਦੇ ਕਈ ਘਰਾਂ ਦੇ ਚਿਰਾਗ਼ ਬੁਝਾ ਚੁੱਕਾ ਹੈ। ਪਰ ਡੇਂਗੂ ਦਾ ਕਹਿਰ ਰੂਕਣ ਦਾ ਨਾਮ ਨਹੀਂ ਲੈ ਰਿਹਾ। ਇਸ ਕੜੀ ਤਹਿਤ ਇਕ ਹੋਰ ਬੇਸ਼ਕੀਮਤੀ ਜਾਨ ਡੇਂਗੂ ਦੀ ਲਪੇਟ ਵਿਚ ਆ ਗਈ। ਜਦਕਿ ਸਿਵਲ ਹਸਪਤਾਲ ਅਤੇ ਸਿਹਤ ਵਿਭਾਗ ਵਲੋਂ ਇਸ ਮੌਤ ਦੀ ਹਾਲੇ ਤਕ ਡੇਂਗੂ ਸੰਬਧੀ ਪੁਸ਼ਟੀ ਨਹੀਂ ਕੀਤੀ ਹੈ ਪਰ ਮ੍ਰਿਤਕ ਔਰਤ ਜਿਸ ਦੀ ਪਹਿਚਾਣ ਵੀਨਾ ਰਾਣੀ (53) ਪਤਨੀ ਤਰਸੇਮ ਲਾਲ ਵਾਸੀ ਮਾਤਾ ਰਾਣੀ ਮੁਹੱਲੇ ਦੇ ਰੂਪ ਵਿੱਚ ਹੋਈ ਹੈ, ਦੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਵੀਨਾ ਰਾਣੀ ਨੂੰ ਬੁਖਾਰ ਹੋਇਆ ਸੀ ਅਤੇ ਪਲੇਟਲੈਟ ਸੈਲ ਘੱਟ ਹੋਣ ਸੰਬਧੀ ਟੈਸਟ ਰਿਪੋਰਟ ਆਈ। ਜਿਸ ਉਪਰੰਤ ਉਸ ਨੂੰ ਲੁਧਿਆਣਾ ਦੇ ਸੀ.ਐਮ.ਸੀ ਵਿਚ ਦਾਖਲ ਕਰਵਾਇਆ, ਜਿਥੇ ਉਨ੍ਹਾਂ ਨੇ ਦਮ ਤੋੜ ਦਿਤਾ।