ਚੰਡੀਗੜ੍ਹ, 26 ਅਕਤੂਬਰ (ਤਰੁਣ ਭਜਨੀ): ਗ਼ਲਤ ਜੀਵਨ ਸ਼ੈਲੀ ਕਾਰਨ ਚੰਡੀਗੜ੍ਹ ਵਿਚ ਦਿਲ ਦੀ ਬੀਮਾਰੀਆਂ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਚੰਡੀਗੜ੍ਹ ਦੇ ਲੋਕਾਂ ਵਿਚ ਹੋਣ ਵਾਲੀਆਂ ਬੀਮਾਰੀਆਂ ਵਿਚ ਸੱਭ ਤੋਂ ਵੱਧ ਮੌਤਾਂ ਕਾਰਡਿਉਵਸਕੁਲਰ ਬੀਮਾਰੀਆਂ ਕਾਰਨ ਹੋ ਰਹੀਆਂ ਹਨ। ਪੀ.ਜੀ.ਆਈ. ਵਲੋਂ ਕੀਤੀ ਗਈ ਇਕ ਸਟੱਡੀ ਮੁਤਾਬਕ ਨਾਨ ਕੋਮਿਉਨਿਕੇਬਲ ਬੀਮਾਰੀਆਂ ਵਿਚ ਕਾਰਡਿਉਵੈਸਕੁਲਰ ਸੱਭ ਤੋਂ ਅੱਗੇ ਹੈ। ਪੀ.ਜੀ.ਆਈ. ਕੰਮਯੂਨਿਟੀ ਮੈਡੀਸ਼ਨ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਪ੍ਰੋਫ਼ੈਸਰ ਜੇ.ਐਸ. ਠਾਕੁਰ ਅਤੇ ਹੋਰ ਡਾਕਟਰਾਂ ਵਲੋਂ ਕੀਤੀ ਗਈ ਨਾਨ ਕੋਮਉਨਿਕੇਬਲ ਡੀਜੀਜ਼ ਵਿਚ ਦਿਲ ਸਬੰਧੀ ਬੀਮਾਰੀਆਂ ਕਾਰਨ ਸ਼ਹਿਰ 'ਚ 34.9 ਫ਼ੀ ਸਦੀ ਲੋਕਾਂ ਦੀ ਮੌਤ ਹੋ ਰਹੀ ਹੈ। ਇਸ ਤੋਂ ਇਲਾਵਾ 12.5 ਫ਼ੀ ਸਦੀ ਲੋਕ ਜ਼ਖ਼ਮੀ ਹੋਣ ਕਾਰਨ ਦਮ ਤੋੜ ਦਿੰਦੇ ਹਨ। ਸਾਂਹ ਸਬੰਧੀ ਬੀਮਾਰੀਆਂ ਦਾ ਨੰਬਰ 7.4 ਫ਼ੀ ਸਦੀ ਹੈ।