ਹੱਥ ਨਾਲ ਖਾਣਾ ਖਾਣ ਦੇ ਇਹ ਨੇ ਖ਼ਾਸ ਫਾਇਦੇ
ਖਾਣਾ ਖਾਂਦੇ ਸਮੇਂ ਹੱਥਾਂ ਦਾ ਇਸਤੇਮਾਲ ਕਰਨਾ ਵੀ ਛੋਹ ਚਿਕਿਤਸਾ ਹੀ ਕਹਾਉਂਦੀ ਹੈ।
ਸਰੀਰ ਦੀ ਰੋਗ ਪ੍ਰਤੀਰੋਧੀ ਸਮਰੱਥਾ ਵੀ ਵੱਧਦੀ ਹੈ।
ਹਰ ਇਨਸਾਨ ਆਪਣਾ ਢਿੱਡ ਭਰਨ ਲਈ ਕਮਾਉਂਦਾ ਹੈ। ਸਾਰਾ ਦਿਨ ਕੰਮ ਕਰਨ ਤੋਂ ਬਾਅਦ ਜਦੋਂ ਮਨੁੱਖ ਸ਼ਾਂਤੀ ਨਾਲ ਬੈਠ ਕੇ ਆਪਣਾ ਭੋਜਨ ਕਰਦਾ ਹੈ ਤਾਂ ਉਸਦੀ ਪੂਰਨ ਰੂਪ ਵਿਚ ਤ੍ਰਿਪਤੀ ਹੋ ਜਾਂਦੀ ਹੈ। ਅਸੀਂ ਲੋਕ ਭਲੇ ਹੀ ਹਰ ਚੀਜ਼ ਨੂੰ ਆਧੁਨਿਕੀਰਣ ਨਾਲ ਜੋੜਦੇ ਹਾਂ।ਸ਼ਾਇਦ ਇਹੀ ਵਜ੍ਹਾ ਹੈ ਕਿ ਅਸੀਂ ਆਪਣੇ ਸੱਭਿਆਚਾਰ ਨੂੰ ਛੱਡਕੇ ਦੂਜੇ ਦੇਸ਼ਾਂ ਦੇ ਕਲਚਰ ਨੂੰ ਅਪਣਾਉਂਦੇ ਹਾਂ। ਪਰ ਤੁਸੀਂ ਕਦੇ ਸੋਚਿਆ ਹੈ ਕਿ ਹੱਥਾਂ ਨਾਲ ਖਾਣਾ ਖਾਣ ਦੇ ਕਿੰਨੇ ਫਾਇਦੇ ਹਨ।
ਹੱਥਾਂ ਨਾਲ ਖਾਣਾ ਖਾਂਦੇ ਸਮੇਂ ਸਾਡਾ ਪੂਰਾ ਧਿਆਨ ਤੁਹਾਡੇ ਖਾਣੇ ਵੱਲ ਰਹਿੰਦਾ ਹੈ। ਜਿਸ ਨਾਲ ਤੁਹਾਨੂੰ ਹੋਰ ਕੰਮਾਂ ਦੀ ਚਿੰਤਾ ਤੋਂ ਛੁਟਕਾਰਾ ਮਿਲਦਾ ਹੈ ਅਤੇ ਖਾਣਾ ਵੀ ਇਕ ਠੀਕ ਅਤੇ ਨਿਸ਼ਚਿਤ ਸਮੇਂ 'ਤੇ ਤੁਸੀਂ ਖਤਮ ਕਰ ਲੈਂਦੇ ਹੋ। ਜੇਕਰ ਆਯੁਰਵੇਦ ਦੀ ਮੰਨੀਏ ਤਾਂ ਸਾਡੇ ਸਰੀਰ ਦੀਆਂ ਪੰਜੋ ਉਂਗਲੀਆਂ ਵਿਚ ਉਹ ਪੰਜ ਤੱਤ ਮੌਜੂਦ ਹਨ ਜਿਨ੍ਹਾਂ ਨਾਲ ਸਾਡਾ ਜੁੜਾਅ ਸਾਡੇ ਸਰੀਰ ਨਾਲ ਪੂਰਨ ਰੂਪ ਨਾਲ ਹੋ ਜਾਂਦਾ ਹੈ।