ਵਿਟਮਿਨ ਡੀ ਦੇ ਜ਼ਰੀਏ ਸੁਧਰ ਸਕਦੀ ਹੈ ਕੁਪੋਸ਼ਿਤ ਬੱਚਿਆਂ ਦੀ ਸਿਹਤ
ਦੁਨੀਆਂ ਭਰ ਦੇ ਕਰੀਬ 2 ਕਰੋਡ਼ ਤੋਂ ਜ਼ਿਆਦਾ ਬੱਚੇ ਕੁਪੋਸ਼ਣ ਦਾ ਸ਼ਿਕਾਰ ਹਨ ਅਤੇ ਵਿਟਮਿਨ ਡੀ ਜ਼ਰੀਏ ਅਜਿਹੇ ਬੱਚਿਆਂ ਦੀ ਸਿਹਤ 'ਚ ਸੁਧਾਰ ਕੀਤਾ ਜਾ ਸਕਦਾ ਹੈ। ਇਕ ਅਧਿਐਨ...
ਦੁਨੀਆਂ ਭਰ ਦੇ ਕਰੀਬ 2 ਕਰੋਡ਼ ਤੋਂ ਜ਼ਿਆਦਾ ਬੱਚੇ ਕੁਪੋਸ਼ਣ ਦਾ ਸ਼ਿਕਾਰ ਹਨ ਅਤੇ ਵਿਟਮਿਨ ਡੀ ਜ਼ਰੀਏ ਅਜਿਹੇ ਬੱਚਿਆਂ ਦੀ ਸਿਹਤ 'ਚ ਸੁਧਾਰ ਕੀਤਾ ਜਾ ਸਕਦਾ ਹੈ। ਇਕ ਅਧਿਐਨ 'ਚ ਇਹ ਗਲ ਸਾਹਮਣੇ ਆਈ ਹੈ ਕਿ ਜੇਕਰ ਕੁਪੋਸ਼ਿਤ ਬੱਚਿਆਂ ਨੂੰ ਵਿਟਮਿਨ ਡੀ ਸਪਲਿਮੈਂਟਸ ਦੀ ਜ਼ਿਆਦਾ ਮਾਤਰਾ ਦਿਤੀ ਜਾਵੇ ਤਾਂ ਨਾ ਸਿਰਫ਼ ਉਨ੍ਹਾਂ ਦਾ ਭਾਰ ਵਧਦਾ ਹੈ ਸਗੋਂ ਭਾਸ਼ਾ ਦਾ ਵੀ ਵਿਕਾਸ ਹੁੰਦਾ ਹੈ ਅਤੇ ਸਰੀਰ ਦਾ ਆਪਰੇਟਿੰਗ ਸਿਸਟਮ ਵੀ ਠੀਕ ਤਰੀਕੇ ਨਾਲ ਕੰਮ ਕਰਨ ਲਗਦਾ ਹੈ।
ਵਿਟਮਿਨ ਡੀ ਜਿਸ ਨੂੰ ਸਨਸ਼ਾਇਨ ਵਿਟਮਿਨ ਵੀ ਕਿਹਾ ਜਾਂਦਾ ਹੈ ਉਹ ਮਨੁੱਖਾਂ ਦੇ ਸਰੀਰ ਦੀਆਂ ਹੱਡੀਆਂ ਅਤੇ ਮਾਸਪੇਸ਼ੀਆਂ ਲਈ ਕਿੰਨਾ ਫ਼ਾਇਦੇਮੰਦ ਹੈ ਇਸ ਨਾਲ ਹਰ ਕੋਈ ਜਾਣੂ ਹੈ। ਖੋਜਕਾਰਾਂ ਨੇ ਪਿਛਲੇ ਸਾਲ ਵੀ ਇਕ ਅਧਿਐਨ ਕੀਤਾ ਸੀ ਜਿਸ 'ਚ ਇਹ ਗਲ ਸਾਹਮਣੇ ਆਈ ਸੀ ਕਿ ਵਿਟਮਿਨ ਡੀ ਦੇ ਸੇਵਨ ਨਾਲ ਸਰੀਰ ਨੂੰ ਠੰਡ - ਜ਼ੁਕਾਮ ਅਤੇ ਫ਼ਲੂ ਤੋਂ ਵੀ ਬਚਾਇਆ ਜਾ ਸਕਦਾ ਹੈ ਅਤੇ ਹੁਣ ਇਸ ਟੀਮ ਦੀ ਨਵੀਂ ਖੌਜ ਨੇ ਵਿਟਮਿਨ ਡੀ ਦੇ ਕਈ ਹੋਰ ਫ਼ਾਇਦਿਆਂ ਦੇ ਬਾਰੇ ਦਸਿਆ ਹੈ।
ਕੁਪੋਸ਼ਿਤ ਬੱਚਿਆਂ ਨੂੰ ਜਦੋਂ ਵਿਟਮਿਨ ਡੀ ਦੀ ਜ਼ਿਆਦਾ ਮਾਤਰਾ ਦਿਤੀ ਜਾਵੇ ਤਾਂ ਉਨ੍ਹਾਂ ਦੇ ਭਾਰ 'ਚ ਸੁਧਾਰ ਦੇਖਿਆ ਗਿਆ। ਅਜਿਹੇ 'ਚ ਦੁਨਿਆਂ ਭਰ 'ਚ ਕੁਪੋਸ਼ਣ ਤੋਂ ਜੂਝ ਰਹੇ ਬੱਚਿਆਂ ਦੀ ਸਿਹਤ 'ਚ ਸੁਧਾਰ ਲਈ ਵਿਟਮਿਨ ਡੀ ਨੂੰ ਗੇਮ ਚੇਂਜਰ ਮੰਨਿਆ ਜਾ ਸਕਦਾ ਹੈ।