ਦਿਨ ਵੇਲੇ ਨਹਾਉਣ ਤੋਂ ਕਿਤੇ ਜ਼ਿਆਦਾ ਬਿਹਤਰ ਹੈ ਰਾਤ ਵਿਚ ਨਹਾਉਣਾ

Bathing at night is much better than bathing during the day

ਦਿਨ ਦੇ ਸਮੇਂ ਨਹਾਉਣ ਤੋਂ ਕਿਤੇ ਜ਼ਿਆਦਾ ਬਿਹਤਰ ਹੈ ਰਾਤ ਵਿਚ ਨਹਾਉਣਾ। ਜੇਕਰ ਤੁਸੀਂ ਵੀ ਰਾਤ ਦੇ ਸਮੇਂ ਨਹਾਉਂਦੇ ਹੋ ਤਾਂ ਤੁਸੀਂ ਬਿਲਕੁਲ ਠੀਕ ਕਰਦੇ ਹੋ। ਮਾਹਰਾਂ ਦੀ ਮੰਨੀਏ ਤਾਂ ਸੌਣ ਤੋਂ ਪਹਿਲਾਂ ਨਹਾਉਣ ਨਾਲ ਤੁਹਾਡੀ ਚਮੜੀ ਠੀਕ ਰਹਿੰਦੀ ਹੈ ਖ਼ਾਸ ਤੌਰ 'ਤੇ ਗਰਮੀ ਅਤੇ ਬਸੰਤ ਰੁੱਤ ਦੇ ਮੌਸਮ ਵਿਚ। ਅਜਿਹਾ ਇਸ ਲਈ ਹੈ ਕਿਉਂਕਿ ਇਕ ਲੰਮਾ ਦਿਨ ਗੁਜ਼ਾਰਨ ਤੋਂ ਬਾਅਦ ਤੁਹਾਡੀ ਚਮੜੀ ਧੂਲ, ਮਿੱਟੀ, ਮੁੜ੍ਹਕਾ ਅਤੇ ਐਨਰਜੀ ਫੈਲਾਉਣ ਵਾਲੇ ਕੀਟਾਣੂ ਨਾਲ ਭਰੀ ਹੁੰਦੀ ਹੈ।

ਲਿਹਾਜ਼ਾ ਸੌਣ ਤੋਂ ਪਹਿਲਾਂ ਨਹਾਉਣ ਨਾਲ ਤੁਹਾਡਾ ਸਰੀਰ ਵੀ ਸਾਫ਼ ਹੋ ਜਾਵੇਗਾ ਅਤੇ ਤੁਹਾਨੂੰ ਚੰਗੀ ਨੀਂਦ ਵੀ ਆਵੇਗੀ। ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਅਪਣੇ ਦਿਨ ਦੀ ਚੰਗੇਰੀ ਸ਼ੁਰੂਆਤ ਲਈ ਸਵੇਰੇ ਉਠ ਕੇ ਸੱਭ ਤੋਂ ਪਹਿਲਾਂ ਨਹਾਉਣਾ ਇਕ ਚੰਗੀ ਆਦਤ ਹੈ। ਖ਼ਾਸ ਤੌਰ 'ਤੇ ਉੁਸ ਸਮੇਂ ਜਦੋਂ ਤੁਹਾਨੂੰ ਸਵੇਰੇ ਉਠਣਾ ਪਸੰਦ ਵੀ ਨਹੀਂ। ਸਵੇਰੇ ਨਹਾਉਣ ਨਾਲ ਤੁਹਾਡੀ ਚੇਤੰਨਤਾ ਵਿਚ ਵਾਧਾ ਹੁੰਦਾ ਹੈ ਅਤੇ ਤੁਹਾਡਾ ਦਿਨ ਬਿਹਤਰ ਗੁਜ਼ਰਦਾ ਹੈ।

ਨਾਲ ਹੀ ਸਵੇਰੇ ਨਹਾਉਣ ਨਾਲ ਤੁਹਾਡੀਆਂ ਇੰਦਰੀਆਂ ਤਰੋ ਤਾਜ਼ਾ ਹੋ ਜਾਂਦੀਆਂ ਹਨ ਅਤੇ ਸਰੀਰ ਦੀ ਅੰਤਰਿਕ ਘੜੀ ਸਰੀਰ ਦੇ ਤਾਪਮਾਨ ਨੂੰ ਵਧਾਉਣ ਵਿਚ ਮਦਦ ਕਰਦੀ ਹੈ। ਲਿਹਾਜ਼ਾ ਸਵੇਰੇ ਨਹਾਉਣਾ ਜਾਰੀ ਰੱਖੋ ਪਰ ਰਾਤ ਵਿਚ ਸੋਣ ਤੋਂ ਪਹਿਲਾਂ ਵੀ ਜ਼ਰੂਰ ਨਹਾਉ। ਰਾਤ ਦੇ ਸਮੇਂ ਨਹਾਉਣਾ ਸਵੇਰੇ ਦੇ ਨਹਾਉਣ ਤੋਂ ਜ਼ਿਆਦਾ ਬਿਹਤਰ ਹੈ ਕਿਉਂਕਿ ਸਾਫ਼- ਸਫ਼ਾਈ ਨਾਲ ਸੌਣਾ ਜ਼ਿਆਦਾ ਜ਼ਰੂਰੀ ਹੈ।

ਰਾਤ ਵਿਚ ਨਹਾਉਣ ਨਾਲ ਤੁਹਾਨੂੰ ਕਈ ਤਰ੍ਹਾਂ ਦੀਆਂ ਚਮੜੀ ਨਾਲ ਜੁੜੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਚੰਗੀ ਨੀਂਦ ਆਉਂਦੀ ਹੈ ਜਿਸ ਨਾਲ ਤੁਸੀਂ ਅਗਲੇ ਦਿਨ ਲਈ ਅਪਣੇ ਸਰੀਰ ਨੂੰ ਤਿਆਰ ਕਰ ਸਕਦੇ ਹੋ। ਦਿਨ ਖ਼ਤਮ ਹੋਣ ਨਾਲ ਹੀ ਤੁਹਾਡੇ ਸਰੀਰ ਦਾ ਤਾਪਮਾਨ ਡਿੱਗਣ ਲਗਦਾ ਹੈ ਅਤੇ ਜਦੋਂ ਤੁਸੀਂ ਸੌ ਰਹੇ ਹੁੰਦੇ ਹੋ, ਉਸ ਸਮੇਂ ਸਰੀਰ ਦਾ ਤਾਪਮਾਨ ਸੱਭ ਤੋਂ ਘੱਟ ਹੁੰਦਾ ਹੈ।

ਜਦੋਂ ਤੁਸੀਂ ਰਾਤ ਦੇ ਸਮੇਂ ਨਹਾਉਂਦੇ ਹੋ ਜੋ ਤੁਹਾਡੀ ਚਮੜੀ ਵਿਚ ਗਰਮੀ ਵਧਦੀ ਹੈ ਅਤੇ ਜਦੋਂ ਤੁਸੀਂ ਅਪਣਾ ਸਰੀਰ ਘਰੋੜਦੇ ਹੋ ਤਾਂ ਤੁਹਾਨੂੰ ਠੰਢ ਮਹਿਸੂਸ ਹੁੰਦੀ ਹੈ। ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਚਮੜੀ ਨਮੀ ਦੇ ਨਿਕਲਣ ਤੋਂ ਸਾਨੂੰ ਸਰੀਰ ਵਿਚ ਠੰਢ ਲਗਣ ਲਗਦੀ ਹੈ। ਜਦੋਂ ਸਰੀਰ ਠੰਢਾ ਅਤੇ ਆਰਾਮਦੇਹ ਹੁੰਦਾ ਹੈ ਜੋ ਬਿਹਤਰ ਅਤੇ ਚੈਨ ਦੀ ਨੀਂਦ ਆਉਂਦੀ ਹੈ।