ਜੇ ਬੱਚਿਆਂ ਦੇ ਚਿਹਰੇ 'ਤੇ ਹਨ ਚਿੱਟੇ ਦਾਗ ਤਾਂ ਨਾ ਕਰੋ ਨਜ਼ਰਅੰਦਾਜ਼, ਨਹੀਂ ਤਾਂ ਹੋਵੇਗੀ ਪਰੇਸ਼ਾਨੀ
ਬੱਚਿਆਂ ਦੀ ਚਮੜੀ ਬੇਹੱਦ ਨਾਜ਼ੁਕ ਹੁੰਦੀ ਹੈ। ਇਸ ਲਈ ਉਨ੍ਹਾਂ ਦੀ ਠੀਕ ਤਰੀਕੇ ਨਾਲ ਦੇਖਭਾਲ ਕਰਨਾ ਬਹੁਤ ਜ਼ਰੂਰੀ ਹੈ।
ਬੱਚਿਆਂ ਦੀ ਚਮੜੀ ਬੇਹੱਦ ਨਾਜ਼ੁਕ ਹੁੰਦੀ ਹੈ। ਇਸ ਲਈ ਉਨ੍ਹਾਂ ਦੀ ਠੀਕ ਤਰੀਕੇ ਨਾਲ ਦੇਖਭਾਲ ਕਰਨਾ ਬਹੁਤ ਜ਼ਰੂਰੀ ਹੈ। ਕਈ ਵਾਰ ਅਜਿਹਾ ਵੇਖਿਆ ਜਾਂਦਾ ਹੈ ਕਿ ਕੁੱਝ ਬੱਚਿਆਂ ਦੀ ਚਮੜੀ ’ਤੇ ਚਿੱਟੇ ਦਾਗ਼ ਦਿਖਣ ਲੱਗ ਜਾਂਦੇ ਹਨ। ਜੇਕਰ ਇਨ੍ਹਾਂ ਦਾ ਸਮਾਂ ਰਹਿੰਦੇ ਇਲਾਜ ਨਾ ਕਰਵਾਇਆ ਜਾਵੇ ਤਾਂ ਇਹ ਹੌਲੀ-ਹੌਲੀ ਪੂਰੇ ਸਰੀਰ ’ਤੇ ਫੈਲ ਜਾਂਦੇ ਹਨ। ਇਸ ਨੂੰ ਹਾਈਪੋਪਿਗਮੇਂਟਿਡ ਸਪਾਟ (ਵਿਟੀਲਿਗੋ) ਕਿਹਾ ਜਾਂਦਾ ਹੈ। ਬੱਚਿਆਂ ਦੇ ਸਰੀਰ ’ਤੇ ਚਿੱਟੇ ਦਾਗ਼ ਪੈਣ ਦੇ ਕਈ ਕਾਰਨ ਹੋ ਸਕਦੇ ਹਨ।
ਬਚਿਆਂ ਵਿਚ ਵਿਟੀਲਿਗੋ ਹੋਣ ਦੇ ਕਾਰਨ
ਇਹ ਬੀਮਾਰੀ ਸਿਰਫ਼ ਬੱਚਿਆਂ ਨੂੰ ਹੀ ਨਹੀਂ ਸਗੋਂ ਹਰ ਉਮਰ ਦੇ ਅਤੇ ਕਿਸੇ ਵੀ ਵਿਅਕਤੀ ਨੂੰ ਹੋ ਸਕਦੀ ਹੈ ਪਰ ਬੱਚਿਆਂ ਵਿਚ ਅਤੇ ਬਾਲਗਾਂ ਵਿਚ ਇਹ ਬੀਮਾਰੀ ਜ਼ਿਆਦਾ ਦੇਖਣ ਨੂੰ ਮਿਲਦੀ ਹੈ।
ਜਾਣੋ ਕਿਵੇਂ ਲੱਗਦਾ ਹੈ ਵਿਟੀਲਿਗੋ ਦਾ ਪਤਾ
ਡਾਕਟਰ ਵੁਡ ਲੈਂਪ ਨਾਲ ਚਮੜੀ ਦੀ ਜਾਂਚ ਕਰਕੇ ਵਿਟੀਲਿਗੋ ਦਾ ਪਤਾ ਲਗਾਉਂਦੇ ਹਨ। ਇਸ ਤੋਂ ਇਲਾਵਾ ਤੁਸੀਂ ਥਾਇਰਾਈਡ ਅਤੇ ਡਾਇਬਟੀਜ਼ ਨਾਲ ਪੀੜਤ ਹੋਣ ’ਤੇ ਵੀ ਵਿਟੀਲਿਗੋ ਦਾ ਟੈਸਟ ਕਰਵਾ ਸਕਦੇ ਹੋ ਕਿਉਂਕਿ ਇਸ ਸਮੱਸਿਆਵਾਂ ਨਾਲ ਜੂਝ ਰਹੇ ਕੁੱਝ ਲੋਕਾਂ ਵਿਚ ਚਿੱਟੇ ਦਾਗ਼ ਹੋਣ ਦਾ ਖ਼ਤਰਾ ਕਾਫ਼ੀ ਵੱਧ ਜਾਂਦਾ ਹੈ।
ਜਾਣੋ ਕੀ ਹੈ ਚਿੱਟੇ ਦਾਗ਼ ਦਾ ਇਲਾਜ
ਇਸ ਬੀਮਾਰੀ ਦਾ ਅਜੇ ਤੱਕ ਕੋਈ ਪੱਕਾ ਇਲਾਜ ਨਹੀਂ ਹੈ। ਕਈ ਵਾਰ ਬਿਨ੍ਹਾਂ ਕਿਸੇ ਇਲਾਜ ਦੇ ਹੀ ਚਿੱਟੇ ਦਾਗ਼ ਗਾਇਬ ਹੋ ਜਾਂਦੇ ਹਨ ਪਰ ਜੇਕਰ ਇਹ ਚਿੱਟੇ ਦਾਗ਼ ਨਹੀਂ ਜਾ ਰਹੇ ਹਨ ਤਾਂ ਮੈਡੀਕਲ ਸਹੂਲਤ ਦਾ ਸਹਾਰਾ ਜ਼ਰੂਰ ਲੈਣਾ ਚਾਹੀਦਾ ਹੈ। ਤੁਸੀਂ ਚਾਹੋ ਤਾਂ ਘਰ ਵਿਚ ਵੀ ਇਨ੍ਹਾਂ ਚਿੱਟੇ ਦਾਗ਼ਾਂ ਦਾ ਇਲਾਜ ਕਰ ਸਕਦੇ ਹੋ।
ਪੀ.ਯੂ.ਵੀ.ਏ. ਦੇ ਨਾਮ ਤੋਂ ਜਾਣੀ ਜਾਂਦੀ ਫੋਟੋਕੀਮੋਥੇਰੇਪੀ ਅਤੇ ਅਲਟਰਾਵਾਈਲੇਟ ਏ ਵਿਚ ਸੋਰਾਲੇਨ ਨਾਮਕ ਦਵਾਈ ਪਾਈ ਜਾਂਦੀ ਹੈ। ਜਿਸ ਨੂੰ ਤੁਸੀਂ ਚਾਹੋ ਤਾਂ ਚਿੱਟੇ ਦਾਗ਼ ’ਤੇ ਲਗਾ ਵੀ ਸਕਦੇ ਹਨ ਜਾਂ ਫਿਰ ਉਸ ਨੂੰ ਖਾ ਵੀ ਸਕਦੇ ਹੋ।
ਕੋਰਟਿਕੋਸਟੇਰਾਈਡ ਕਰੀਮ ਦਾ ਫਾਇਦਾ
ਇਸ ਕਰੀਮ ਨੂੰ ਚਿੱਟੇ ਦਾਗ਼ ਦੇ ਨਿਕਲਣ ਦੀ ਸ਼ੁਰੂਆਤ ਵਿਚ ਹੀ ਉਸ ’ਤੇ ਲਗਾਓ। ਕੋਰਟਿਕੋਸਟੇਰਾਈਡ ਕਰੀਮ ਚਮੜੀ ਦੀ ਅਸਲੀ ਰੰਗਤ ਨੂੰ ਵਾਪਸ ਲਿਆਉਣ ਵਿਚ ਕਾਫ਼ੀ ਮਦਦਗਾਰ ਹੈ।
ਸਨਸਕਰੀਨ ਦਾ ਕਰੋ ਇਸਤੇਮਾਲ
ਬੱਚਿਆਂ ਨੂੰ ਚਿੱਟੇ ਦਾਗ ਜਾਂ ਚਮੜੀ ਸਬੰਧੀ ਬੀਮਾਰੀਆਂ ਤੋਂ ਬਚਾਉਣ ਲਈ ਸਨਸਕਰੀਨ ਜ਼ਰੂਰ ਲਗਾਓ। ਚਿੱਟੇ ਦਾਗ਼ ਵਿਚ ਮੇਲਾਨਿਨ ਨਾ ਹੋਣ ਕਾਰਨ ਇਹ ਧੁੱਪ ਤੋਂ ਟੈਨ ਨਹੀਂ ਹੁੰਦੇ ਹਨ ਪਰ ਧੁੱਪ ਕਾਰਨ ਚਿੱਟੇ ਦਾਗ਼ ਸੜ ਜਾਂਦੇ ਹਨ, ਜਿਸ ਕਾਰਨ ਚਮੜੀ ’ਤੇ ਦਾਗ਼ ਪੈ ਸਕਦੇ ਹਨ।
ਟਿਪਸ
ਬੱਚੇ ਦੀ ਚਮੜੀ ’ਤੇ ਚਿੱਟੇ ਦਾਗ਼ ਹੋਣ ’ਤੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ। ਚਿੱਟੇ ਦਾਗ਼ ਨੂੰ ਨਜ਼ਰਅੰਦਾਜ ਕਰਨ ਨਾਲ ਇਹ ਪੂਰੇ ਸਰੀਰ’ਤੇ ਫੈਲ ਸਕਦੇ ਹਨ।