ਦੰਦਾਂ ਦੀ ਬਚਪਨ ਤੋਂ ਹੀ ਕਰੋ ਸੰਭਾਲ

Take care of your teeth from childhood.

ਦੰਦ ਮਨੁੱਖੀ ਸਰੀਰ ਦਾ ਅਹਿਮ ਹਿੱਸਾ ਹੈ। ਮੁੰਹ ਦੀ ਖ਼ੂਬਸੂਰਤੀ ਸਰੀਰ ਦੀ ਤੰਦਰੁਸਤੀ ਲਈ ਜ਼ਰੂਰੀ ਹੈ। ਇਸ ਲਈ ਦੰਦਾਂ ਦੀ ਸੰਭਾਲ ਲਈ ਰੋਜ਼ਾਨਾ ਸਵੇਰੇ ਤੇ ਸ਼ਾਮ ਖਾਣਾ ਖਾਣ ਤੋਂ ਬਾਅਦ ਦੰਦਾਂ ਦੀ ਸਫ਼ਾਈ ਵਾਸਤੇ ਟੁੱਥ ਪੇਸਟ ਕਰਨੀ ਚਾਹੀਦੀ ਹੈ। ਟੁੱਥ ਪੇਸਟ ਕਰਦੇ ਬੁਰਸ਼ ਨੂੰ ਪੈਂਸਲ ਵਾਂਗ ਫੜ੍ਹੋ ਤੇ ਨਰਮ ਬੁਰਸ਼ ਦੀ ਵਰਤੋਂ ਕਰੋ। ਦੰਦਾ ਨੂੰ ਰਗੜੋ ਨਾ, ਦੰਦਾਂ ਦੇ ਵਿਚਕਾਰ ਸਫ਼ਾਈ ਕਰੋ।

ਖਾਣਾ ਖਾਣ ਮਗਰੋਂ ਕੁਰਲੀ ਜ਼ਰੂਰ ਕਰੋ। ਉਮਰ ਦੇ ਹਿਸਾਬ ਨਾਲ ਮਸੂੜ੍ਹੇ ਕਮਜ਼ੋਰ ਹੋ ਜਾਂਦੇ ਹਨ। ਜੋ ਟੁੱਥ ਪੇਸਟ ਕੀਤੀ ਜਾਂਦੀ ਹੈ, ਉਸ ਨਾਲ ਮਸੂੜਿ੍ਹਆਂ ਦੀ ਉਂਗਲਾਂ ਨਾਲ ਹਲਕੀ ਮਸਾਜ ਕਰੋ। ਟੰਗਕਲੀਨਰ ਨਾਲ ਜੀਭ ਸਾਫ਼ ਕਰੋੇ ਵੱਧ ਤੋਂ ਵੱਧ ਪਾਣੀ ਪੀਉ, ਤਾਜ਼ੇ ਫ਼ਲ ਖਾਉ। ਕੋਲਡ ਡਰਿੰਕ, ਆਈਸ ਕਰੀਮ, ਜੰਕ ਫੂਡ ਤੇ ਮਿੱਠੇ, ਬਿਸਕੁਟ, ਚਾਕਲੇਟ ਦਾ ਪਰਹੇਜ ਕਰੋ। ਸਤੁੰਲਤ ਭੋਜਨ ਖਾਉ।

ਹਰ 6 ਮਹੀਨੇ ਬਾਅਦ ਦੰਦਾਂ ਦੇ ਮਾਹਿਰ ਡਾਕਟਰ ਨੂੰ ਜ਼ਰੂਰ ਵਿਖਾਉ। ਅਜਿਹਾ ਕਰਨ ਨਾਲ ਤੁਸੀ ਦੰਦਾ ਦੀਆਂ ਬੀਮਾਰੀਆਂ ਤੋਂ ਬਚ ਸਕੋਗੇ। ਅਕਸਰ ਕੈਲਸ਼ੀਅਮ ਫਾਸਟੇਟ ਦੀ ਕਮੀ ਕਾਰਨ ਦੰਦ ਝੜ ਜਾਂਦੇ ਹਨ ਤੇ ਅਨੇਕਾਂ ਹੋਰ ਦੰਦਾਂ ਦੀਆਂ ਬੀਮਾਰੀਆ ਜਿਵੇਂ ਦੰਦਾ ਨੂੰ ਕੀੜਾ ਲੱਗਣਾ, ਮਸੂੜਿਆਂ ਦੀ ਸੋਜਸ, ਦੰਦਾ ਨੂੰ ਗਰਮ ਠੰਡਾ ਪਾਣੀ ਲੱਗਣਾ ਆਦਿ। ਦੰਦਾ ਦੀ ਦਰਦ ਕਿੰਨੀ ਭਿਆਨਕ ਹੁੰਦੀ ਹੈ ਇਹ ਮੈਨੂੰ ਕੋਰੋਨਾ ਕਾਲ ਸਮੇਂ ਪਤਾ ਲੱਗਾ ਜਦੋਂ ਦੰਦਾਂ ਦੇ ਡਾਕਟਰਾਂ ਦੀਆਂ ਦੁਕਾਨਾਂ ਬੰਦ ਹੋ ਗਈਆਂ ਤੇ ਮੈਂ ਦਰਦ ਨਾਲ ਕੁਰਲਾ ਰਿਹਾ ਸੀ। ਇਸ ਕਰ ਕੇ ਬਚਪਨ ਤੋਂ ਹੀ ਦੰਦਾ ਦੀ ਸੰਭਾਲ ਕਰਨੀ ਚਾਹੀਦੀ ਹੈ। ਇਸੇ ਤਰਾਂ ਸਕੂਲਾਂ ਵਿਚ ਵੀ ਬੱਚਿਆਂ ਨੂੰ ਸਿਹਤ ਸੰਭਾਲ ਬਾਰੇ ਜਾਣਕਾਰੀ ਦੇਣੀ ਚਾਹੀਦੀ ਹੈ।
- ਗੁਰਮੀਤ ਸਿੰਘ ਵੇਰਕਾ 
ਐਮਏ ਪੁਲਿਸ ਐਡਮਨਿਸਟਰੇਸਨ    
ਮੋ. 9878600221